طبعا كل احكايات تهلك من الضحك لكن لاحظت حاجة غريبة شوية
ان اللجان الشعبية تقريبا معظمها كان بيتعامل مع الخارجين عن القانون بنفس اسلوب الشرطة
يعنى بيتسلم للجيش بعد ماياخد الطريحة التمام
ما الفرق اذا بين ماتفعله الشرطة وما يفعله الشعب ؟
مجرد سؤال
عرض للطباعة
طبعا كل احكايات تهلك من الضحك لكن لاحظت حاجة غريبة شوية
ان اللجان الشعبية تقريبا معظمها كان بيتعامل مع الخارجين عن القانون بنفس اسلوب الشرطة
يعنى بيتسلم للجيش بعد ماياخد الطريحة التمام
ما الفرق اذا بين ماتفعله الشرطة وما يفعله الشعب ؟
مجرد سؤال
انا سافرت بلدنا فى المنوفيه فى الايام دى
بيت جدى قدامه طريق وبعدين ارض صغيره والبحر
ففيوم اتنين حراميه لابسين احمر (اعدام) جايين مشى والغفير شافهم من بعيد فضرب نار قامو ناطين فى البحر فضرب طلقه كمان فالطلقه مكيفتوش فضرب طلقه كمان فالطلقه عدت الر التانى جت فى واحد وموتته ههههههههههههههه
وبرده شيخ الجامع بقى يقول يا اهالى البلد الحراميه جايين علينا دلوقتى اى حد عنده (تيييت ام اى) حاجه يخلى باله منها
يا ولاد تيييييييييييت احمو بيوتكوا ههههههههههههههههههههههه
حاله الهلع جننت الناس
احلى ايام ايام اللجان الشعبية واتكلمت مع ناس وقابلت ناس كل كلامي كان معاهم سلام سلام
بس دلوقتي حاجة تانية خالص
انا ساكن ما بين باب الشعرية والعتبة وقريب من الموسكي
شارع بورسعيد بس كان فيه عدد غير معقول والله والله اكتر من 120 واحد دا غير اللي في الحواري جوا وشارع الجيش كان فيه حوالي من 50 الى 60 بس كان اللي يفكر يخش كان اكيد امه داعيه عليه
واحنا كنا قاعدين في حارة من الحواري جوه كنا حوالي 15 وطبعا البيوت بقت تنزل شاي واكل وحرقنا خشب كتييييييييييييير بالعبيط
في يوم قالوا فيه سجن الاستئناف خرج طبعا كله بقى واقف ومستعد والمشكلة مش معانا (سلاح الي ولا مسدس بس كان فيه اسلحة غريبة وجديدة ومخترعة) وشوية دول جايين من شارع بورسعيد هوب نطلع نجري وشوية شارع الجيش هوب نطلع نجري وفي الاخر كله انذار كاذب وممسكناش ولا واحد طول الفترة دي ولعب الكرة في شارع بورسعيد كان على ودنه واللي ساكن في العتبة ممكن يروح يجيب حاجات من باب الشعرية ويرجع تاني عادي بس ما يشلش سلاح وهو ماشي (كان يتشاف انه عدى من اول لجنة وسلم على حد يبقى معروف وهكذا
في يوم قعدنا فيه حوالي 12 واحد وعملنا 11 كيلو بطاطا على الفحم
بس فعلا كانت احلى ايام
دي صورة بعد الاسبوع الاول ما عدى بفضل ربنا وبدأت آخد العيال معايا لما الدنيا هديت شوية
كنت انا ماسك السيف الرهيب ده ..... حاجة كدة من ايام بني عبس وخزاعة .... وابراهيم ماسك الشومة الحديد .... اما محمود بقى كان بيضرب بالجبس اللي في أيده
.....
انا بقى كنت مسئول الشئون المعنوية بصفتى امام المسجد .... وفي نفس الوقت مسئول الاعلام علشان ميكروفون الجامع كان في عهدتي بعد ما لقيت كل شوية واحد يطلع يصرخ في الميكروفون ( انزلو دافعو عن اهلكم وأعراضكم .... إحموا عيالكم وبناتكم ) وطبعا الرعب اللي كان في البيوت لا يوصف .... وبعدين يطلع مافيش حاجة ..... واحد سمع من صاحبه ان ناس كلموه في الموبايل وبيقولو انهم سامعين صوت من بعيد وممكن يكون فيه قلق
من ساعتها سيطرت ع الميكروفون لعدم نشر الرعب بين الناس وبقيت وزير اعلام المنطقة
...
وكنا بنصلي على دفعتين .... جماعة أولى ..... ولما نخلص الباقي يعملو جماعة تانية ..... علشان الاعداء لا يأخذوننا عاى حين غرة :w6266d
http://i429.photobucket.com/albums/q...1101304994.jpg
عاااااوزين صور :)
ولا تزعل ياباشا الصور اهية
http://www5.0zz0.com/2011/03/05/19/750086252.jpghttp://www5.0zz0.com/2011/03/05/19/207034666.jpgبس يارب الصور تكون باينة
دى صور كدة خفيفة كانت ايام جميلة بس ربنا مايرجعها تانى
اناساكن فى النعام فى عين شمس يوم الجمعة الغضب باليل كان فى كمية حرامية اللى جايين من المطرية وعزبة النخل بيقلبو مخزن البلادية هوة قريب منى كنت ببص من البلاكونة الاقى ناس شايلة حاجات ومن الطريف ان فى واحد وقع منة حاجات لانة كان معاه حاجات كتير راح واحدد عندنا فى الشارع قالو استنا اساعدك وراح ساعدة وشيلو الحاجات تانى وهوة مش عارف انو حرامى المهم دة مكنتش عندنا فى الشارع السرقة كاتنو بيعدو علينا بس بالحاجات خلصو المخزن بتاع البلادية راحو جاييين عندنا الشارع لان عندنا مركز بحوث الصحراء هوة قصر كبيييررررررررر ومليان من خيرات ربنا للى مايعرفهوش المهم ورحانا سمعت قريبى اللى تحتينا يزعق لواحد سارق كرسى كمبيوتر من المرطكز دة ورحنا كلنا نزلنا بتاع 30 فرد كدة او ازيد شوية الكلام دة الساعة 12 باليل وكل واحد نازل بماسورة او عصاية مقشة اللى بيقدر علية رحنا المركز لقناهم ضاربين الحراس ومكسرين مكنة الصرف الالى عشان يسرقوها طبعا معرفوش يفتحو الصندوق الحديد وناس عمالة تخرج بحاجات حاجات اية بقى .اجهزة كمبيوتر تيلسكوبات مكاتب برنت كراسى لاب توب تمام بقينا كل اللى يخرج ناخد الجاة منة ونركنها فى حجرة الامن بعدين بساعة جات عربيات نقل ومحمله ناسسسسس بتاع 100 فرد دة غير اللى جوة وبيسرقو ومش دريانين باللى بيحصل برة فجا جمعو نفسهم ضرب ناااار طوب واحنا بنرد بالطوب وجريو علينا ببص حوليا انا وكذا واحد لقينا كل اللى كانو معانا جريو واحنا لوحدنا كان ابن خالى الصغير كان واقف ورايا لقة الحرامية دخل استخبى فى مدخل عمارة واعد يعيط انا جريت رجعت وراة مع الناس ومقدينها انتفاضة بالحجارة على كام طلقة من ضمن كان من عندنا واحد معاه فرد حى كان بيضرب بية بس فى الهوا مش على حد احنا طبعا كنا بعدنا عن الباب دخلو يخلصو شغلهم وبيحملو على العربيات وحبة جرية علينا عشان منهجمش عليهم تانى وطوب وازايز ومقدينا حرب وعربيات اتكسرت فى الشارع المهم اعدت ادور على الواد الصغير رحت راجع ادور علية مكان مكناه واقفين لقيتة فى مدخل العمارة وهوة ميت من الخوف وطبعا الحرامية مش سيبن اى حد يقرب منهم والكلمة اللى على لسانهم (احنا مابنسرقش حد فيكو احنا بنسرق الحكومة) والكلام دة لحد الصبح خدو كل حاجة من ضمن فى جهاز بتاع التربة تمنة مليون جنية اتاخد دة غير التكيفات اللى راكبة خلعوها والعربيات معرفش ازاى دوروها واخدوها كان بيحملها ويمشى بيها لحد ما الجيش جة الصبح الساعة 7 كان عمال بيتسرق
ومن يوم السبت من ساعة الحظر مابندخلش نملة الشارع ومن حسن حظنا كان قبل الثورة بيغيرو عمدان النور وكانو فكينها ومرمية على الرصيف كنا بنقفل بيها الشارع
والقصة خلصت
المضحك بقى فى الايام اللى بعد كدة كنا نسمع جاييييييييييييييييييييييي يييييييييييييييين والناس كلها تستعد فى كل الشوارع وتتطلع اشتغالة ومش مرة ولا اتنين دة على طول حتى الساعة 6 صباحا وعندنا الناس ماكنتش بتطلع غير الصبح الساعة 8 دول الشاب اما الناس الكبيرة كان اخرهم الفجررررررررررر
والكل اتعرف على بعض والطوالى نزلت والشاى والكيك والله ولاب توب ونلعب كورة ونشغل موسيقة
اياااااااااام الواحد عمرة مكان يتخيل ان دة يحصل
المصيبة اللي كانت عندنا احنا بقى مش الحرامية ولا البلطجية ولا حاجة
آه كانوا بيهجموا علينا وكنا بنضرب ونمسك وكل حاجة بس المشكلة كانت في بواب من اللي عندنا
كان كل ميحت كنكة الشاي عالراكية كان يضرب علينا نار من على الدائري الموضوع ده التكرار بتاع 3 مرات فنفس الليلة
آخر مازهقنا قلناله لو حطت الكنكة تاني احنا اللي هنضربـك بالنار
من المواقف اللي مش هنساها .. بعد ما الحكاية هديت شوية لقينا واحد بيزيع في المسجد ... اصحوا يا بالاااااااد الحقوا البنزينة يا بالاااااد البنزينة هتتسرق يا بالااااااااد :00020140:
كلنا اترمينا في الارض من كتر الضحك ساعتها
بس فعلا اجمل حاجة اني اخيرا لعبت كورة :b4_388: