الموضوع: و انا كمان الحمد لله عملت التكييف الفقرى

السلام عليكم
بعد ما اخر مرة ظبط التكييف
خرطوم اللى كنت كبسه ضرب
سيبت الموضوع و اتفقت مع عاطف انى هاغير الشجرة و هاظبط الدنيا
رحت النهاردة الساعه 4
يالا يا عم الحاج
جاب الشجرة و شفتها كويس و شفت عزلها و اتكلنا على الله
فك القديمه
و مخدناش منها حاجة
و ركبنا الجديده بالورد بتاعتها طقم بتاع جى ام بتاع الليجانزا 4 ورد 2 كبير و 2 صغير
اكبس هوا
فيه تنفيس
السربنتبنه فيها خرم بسبب تريحة خلت قميص المروحه يحك
رحت لحمتها ب 10 جنيه
اكبس تانى
فيه تنفيس سامعينه و مش باين لا بصابون و لا بجن ازرق
هوب
ربنا كرمنا خرطم الضغط العالى الواقف قدام الردياتير انفجر
قلنا خير
فك يا عم عاطف
قطع الخرطوم
و قفل الزور و رحت لحمته كويس ب 10 جنيه
ركب
اكبس
الحمد لله
سيبناها بتاع 1/2 ساعه على ضغط 265
و الحمد لله زى الفل
حطينا العربية على الجهاز
عمل فاكيوم
و حط الزيت
و ابتدى يشحن
دوس على زرار التكييف
مفيش الهوا
الكباس مش عايز يلقط
يا فتاح يا عليم يا رزاق يا كريم
خير ان شاء الله
الفيوزات سليمه
خد فردة سلك
الكباس بيلقط
فك الزرار
مش شغال
عمل قفله
و كبس و قاس
الكباس بيسحب لغاية 15
و قاللى كده تمام
السحب قوى و سريع
بس هات بقى زرار
مشيت الساعه 8
قلت والله ما ينفع
فكيت الزرار حته حته
لغاية ما عرفت العيب فى الريشه اللى جوه ضعيفه و مش شغاله
قلت على خيرة الله
و بالمرة عشان المقابله قلت اغسل العربية
فكيت الزرار و فكيت ززرار الريسيكل
و ظبط زرار التكييف اشتغل زى الفل
زرار الريسيكل مش شغال
فكيت زرار الشبورة الخلفية
لقيته نفس الرجول
شلت وش ده و ركبته فى ده
و الحمد لله
لغاية ما اجيب زرار شبورة
التكلفة الأجمالية باللحامات حوالى
325 الشجرة - صينى بس بنت حلال و خدت منه ضمان سنة عليها
180 شحن على الجهاز
30 طقم الورد
يبقى 535
و مصنعية بالعافية 50 جنيه
الغسيل 35 جنيه
يبقى صرفت النهارده كام 650 جنيه
و لسه عايز زرار
و المصيبة اللى خايف منها
ترموستات فى الردياتير معرق حوالية
فربنا يستر
و السلام عليكم
توته توته
حلوته و لا ملتوته

ربنا يباركلكم