سمعت من احد الأصدقاء ان رئيس الوزراء طلب ان يتم تعيين لواء جيش كوزير الداخلية فهل لو كان هذا الخبر صحيح هل سيتقبل ضباط الشرطة هذا الأمر ام لا
عرض للطباعة
سمعت من احد الأصدقاء ان رئيس الوزراء طلب ان يتم تعيين لواء جيش كوزير الداخلية فهل لو كان هذا الخبر صحيح هل سيتقبل ضباط الشرطة هذا الأمر ام لا
لو اتفقو علي كونه شخصية من خارج الداخلية يبقي افضل هيئة قضائية عشان تبقي دارسة حقوق احسن.
دراسة الحقوق حاجة (كل بتوع الشرطة دارسين قانون وفتحي سرور وممدوح مرعي وووووووو) وتطبيقها صح بعدل حاجة تانية خالص
معاك طبعا ان الشخص هو الاساس فالاول بس لو اتفقنا اننا بنتكلم علي اشخاص مثاليين جايين يشتغلو صح يبقي نجيبه عارف قانون وحقوق انسان ولا نجيب حد اول مرة يتعامل فالليلة ده.اقتباس:
المشاركة الأصلية كتبت بواسطة waelfarid
متهيألى لو الداخليه عرفوا او وزيرهم من الجيش هينتحروا... بس ياريت والله
فعلا حد محترم من الجيش يمسكها أحسن من حد من الداخلية.
بس لو حصل هيمسكها حد من الشرطة العسكري و للاسف الشرطة العسكرية فيها من عيوب الشرطة المدنية.
في دول فيها وزراء داخلية مدنيين. حقوقيين أو قضاة.
بس في مرحلة الحزم دي صعب مدني يمسكها.
بصراحة معضلة.
مستحيل دة يحصل الشرطة بتكرة الجيش و الكلام دة من ايام الكلية بتوع الحربية كانو بيدغدو طلبة الشرطة هههههههههه . فية حزازيات جامدة جدا و صعب دة يحصل و بتاع الشرطة بيدرس مواد شرطية و قانون أما طالب الكلية الحربية بيدرس علوم عسكرية . و الجيش لة طريقة و الشرطة طريقة و الموضوع يعتبر شبة مستحيل لعدم الاختصاص
بالظبط كدة هيئات قضائية او حقوقية هتبقي مناسبة لان تظبط الجهاز نفسه من جوا قبل ماتظبط الشارع برا.اقتباس:
المشاركة الأصلية كتبت بواسطة itsonlyme
وفالمعضلات هو مبيشتغلش لوحده ومعاه مساعدين من الخبرات السابقة.
متهيألي اكبر تأديب لبتوع الشرطة ان واحد من الجيش يمسكهم
ويتعمل اختبارات نفسية لاي حد حيمسك منصب فيه سلطات وتعامل مباشر مع الناس
مستحيل تلاقي قبول من الظباط
تخيل لو مسكوها للواء محسن الفنجري (بتاع عودو لشاعركم القديم الشرطة في خدمة الشعب) مثلاً
والله هيظبطهم ومش بعيد تلاقي الظباط كلهم استقالو وسابوهاله
ماذا لو تم اختيار واحد مدني وزير للداخليه
عندنا مثلا أ.علاء عبدالمنعم
لو متفقين معايا ممكن نعمل جروب ونطالب بإختياره وزير للداخليه
ده يعني لو متفقين لو عكس ذلك أوعوا تهاجموني هههههههههه
الداخلية مفروض يعملولها مجلس زي المجلس الرئاسي اللي د.البرادعي بيطالب بيه
ويبقى بيتكون من :
1- لواء شرطة، ويبقى المسؤول عن تنظيم القوات والعمليات اليومية
2- قاضي، ويكون مسؤول عن الجوانب القانونية ويشرف على إعادة تأهيل ضباط الوزارة
3- لواء جيش، ويبقى ممثل المجلس الأعلى في الوزارة والرقيب على ما يتم إنجازه من أعمال ويتابع بنفسه الأداء الأمني وينقل تقييمه للمجلس الأعلى
ولو حكاية المجلس دي هتعمل تضارب في القرارات، ممكن يبقى لواء الجيش هو الوزير ويبقى المستشار ولواء الشرطة نائبيه، وكل واحد يكلف بمهام محددة
وأعتقد إن من مزايا الحل ده إنه هينهي الجدل حول شخص وزير الداخلية...لأن فعلاً أنا لا أتخيل إنهم هيلاقوا لواء شرطة الناس تجمع عليه أو ترضى بيه دلوقتي، فالحل إنه يتوارى وراء شخص ممثل الجيش
الحل ده كويس جداًاقتباس:
المشاركة الأصلية كتبت بواسطة ahmed_emad
بس ممكن نلاقي لواء شرطة الناس مجمعين عليه عادي فيهم ناس كويسة جداً بس قليلين
كان لسة في حركة الانتقالات الاخيرة لمديرين الأمن كان في واحد الناس شالته على كتافهم وطالبو ببقاؤه
المحترم محترم في اي مكان
ياريت حد من الجيش علشان يتربوا صح ويشوفوا شغلهم ولو حصل يبقى عصومه ده برنس وماجبتوش ولاده فى تنفيذ فكره معظم الناس بتتمناها
حيبقى احسن قرار علشان يعرف الظباط الميرى الصح شكله ايه لأن ميرى الجيش غير ميرى الشرطه
:praying:انا سمعت من مصدر شبة موثوق ان دة هيحصل
محدش يجيب سيرة:praying:
يبقا ادعي انهم ميبهدلوش الدنيا و ياخدوها كاهانه .....اقتباس:
المشاركة الأصلية كتبت بواسطة elrasy
مع اني نفسي لواء جيش يمسكهم يربيهم من جديد .....الغير محترمين بس ...
واللي خايفين يشد عليهم شده حلوه
اتمنى ان ده يحصل والله انا اتمنى من كل قلبى
اخوانى الاعزاء
انا كان لية سؤال بس محدش يضرب
هم بتوع الشرطة وهم قاعدين مأنتخين فى البيت دلوقتى ياكلو سفندى وموز بيتقاضو مرتبات برده والا مرتباتهم متوقفة
ده كمان زودولهم مرتباتهم مش كفاية التعب اللى شفوه اليومين دولاقتباس:
المشاركة الأصلية كتبت بواسطة dolly13
ياريتهم بيتقاضوا رواتب بس.. دا الوزير الجديد ضاعف لهم الحوافز
ناقص نزورهم نسليهم يا اخوانا
يا في البيت يا في القسم بيشربوا شاي .....اقتباس:
المشاركة الأصلية كتبت بواسطة dolly13
اكيد بياخدو فلوسهم اما كنت هتلقيهم بيجروا في الشارع دلوقتي ...
بس انا ليه استفسار بقي ؟؟؟؟
ايه حكايه السفندي و الموز مش فاهم .....
انا بقالي بتع شهر اهو واكلي بتاع طن يوسفي علي موز ...
سيدى الفاضل خلال الشهر ونصف المنصرمين كانت السلع الاستراتيجية لواجهة الازمة الطاحنة عبارة عن بطاطس محمرة بكميات مهولة والحلو معروف يا سفندى يا موز
ده كان اكل اجبارى نازل مع الثورة
:00020140::w6266dاقتباس:
المشاركة الأصلية كتبت بواسطة dolly13
عايز اقلك ان الفكهاني بقى اول ما بيشوفني بقا بيحضرلي الفاكهه ...
اللي هي سفندي و موز ...و بيعملي خصم :w6266d
هههههههههههههه
والله كانك بتتكلم عننا
هو السفندى والموز عندكم انتو كمان دى طلعت فكهه الثوره بقى هههههههههههههههههههه
اما بالنسبه للموضوع الاساسى فيارب الى يمسك الشرطه عزرائيل
اليوم السابع | مصادر: احتمالات بتغيير وزير الداخلية خلال أيام
مصادر: احتمالات بتغيير وزير الداخلية خلال أيام
اليوم السابع - الأربعاء، 18 مايو 2011 - 17:21
لو الكلام دة حصل ظباط الشرطة حا يعيطو .
بس دة مؤشر مش حلو على فكرة لو الكلام دة حصل فعلا
معلش الناس اللي بتقول الشرطه قاعده في بيوتها وبيتريقوا عليهم ...
خليك منصف...
هينزلوا ازاي ومفيش امن في الشارع...:untitled 1:
عودي يابليه عودي يابليه
هو كده فرد الامن محتاج حد يامنواقتباس:
المشاركة الأصلية كتبت بواسطة casperinoo
امال هيحميني ازاي من البلطجة
ولا هم شاطرين يتجدعنو ويفترو عالغلابة ولو واحد ملهوش ضهر ياخدو امو او اختو او اخوه ولا شاطرين عاللي مربين ذقنهم بس
اول ناس منتفعة بالثورة الشرطة .........شوف مرتباتهم بقت كام
اقوللك انا اعرف امين شرطة في رئاسة الجمهورية وبيقبض من الشرطة مرتبو كان 1200 جنيه بقي 2200 جنيه
يبقي ينزل يشتغل ويكسب الناس ويراعي ربنا ويحلل القرش اللي بياخدو
:C_laugh[1]::C_laugh[1]::C_laugh[1]:اقتباس:
المشاركة الأصلية كتبت بواسطة casperinoo