ماذا لو تم تعيين لواء جيش وزيرا للدخلية

**greenday** · 03-03-2011 11:53 PM

سمعت من احد الأصدقاء ان رئيس الوزراء طلب ان يتم تعيين لواء جيش كوزير الداخلية فهل لو كان هذا الخبر صحيح هل سيتقبل ضباط الشرطة هذا الأمر ام لا

**mr_vampire** · 03-03-2011 11:55 PM

لو اتفقو علي كونه شخصية من خارج الداخلية يبقي افضل هيئة قضائية عشان تبقي دارسة حقوق احسن.

**waelfarid** · 04-03-2011 12:00 AM

دراسة الحقوق حاجة (كل بتوع الشرطة دارسين قانون وفتحي سرور وممدوح مرعي وووووووو) وتطبيقها صح بعدل حاجة تانية خالص

**mr_vampire** · 04-03-2011 12:03 AM

المشاركة الأصلية كتبت بواسطة waelfarid

دراسة الحقوق حاجة (كل بتوع الشرطة دارسين قانون وفتحي سرور ووووووووو) وتطبيقها صح بعدل حاجة تانية خالص

معاك طبعا ان الشخص هو الاساس فالاول بس لو اتفقنا اننا بنتكلم علي اشخاص مثاليين جايين يشتغلو صح يبقي نجيبه عارف قانون وحقوق انسان ولا نجيب حد اول مرة يتعامل فالليلة ده.

**medo_2060** · 04-03-2011 12:05 AM

متهيألى لو الداخليه عرفوا او وزيرهم من الجيش هينتحروا... بس ياريت والله

**itsonlyme** · 04-03-2011 12:06 AM

فعلا حد محترم من الجيش يمسكها أحسن من حد من الداخلية.

بس لو حصل هيمسكها حد من الشرطة العسكري و للاسف الشرطة العسكرية فيها من عيوب الشرطة المدنية.

في دول فيها وزراء داخلية مدنيين. حقوقيين أو قضاة.
بس في مرحلة الحزم دي صعب مدني يمسكها.

بصراحة معضلة.

**heshamzaky** · 04-03-2011 12:09 AM

مستحيل دة يحصل الشرطة بتكرة الجيش و الكلام دة من ايام الكلية بتوع الحربية كانو بيدغدو طلبة الشرطة هههههههههه . فية حزازيات جامدة جدا و صعب دة يحصل و بتاع الشرطة بيدرس مواد شرطية و قانون أما طالب الكلية الحربية بيدرس علوم عسكرية . و الجيش لة طريقة و الشرطة طريقة و الموضوع يعتبر شبة مستحيل لعدم الاختصاص

**mr_vampire** · 04-03-2011 12:11 AM

المشاركة الأصلية كتبت بواسطة itsonlyme

فعلا حد محترم من الجيش يمسكها أحسن من حد من الداخلية.

بس لو حصل هيمسكها حد من الشرطة العسكري و للاسف الشرطة العسكرية فيها من عيوب الشرطة المدنية.

في دول فيها وزراء داخلية مدنيين. حقوقيين أو قضاة.
بس في مرحلة الحزم دي صعب مدني يمسكها.

بصراحة معضلة.

بالظبط كدة هيئات قضائية او حقوقية هتبقي مناسبة لان تظبط الجهاز نفسه من جوا قبل ماتظبط الشارع برا.

وفالمعضلات هو مبيشتغلش لوحده ومعاه مساعدين من الخبرات السابقة.

**waelfarid** · 04-03-2011 12:15 AM

متهيألي اكبر تأديب لبتوع الشرطة ان واحد من الجيش يمسكهم
ويتعمل اختبارات نفسية لاي حد حيمسك منصب فيه سلطات وتعامل مباشر مع الناس

**Ralliart** · 04-03-2011 12:31 AM

مستحيل تلاقي قبول من الظباط
تخيل لو مسكوها للواء محسن الفنجري (بتاع عودو لشاعركم القديم الشرطة في خدمة الشعب) مثلاً
والله هيظبطهم ومش بعيد تلاقي الظباط كلهم استقالو وسابوهاله