تيل فرامل ب 60 جنية !!!!!!

**عمرو عبيد** · 07-04-2008 10:24 AM

انا رحت شارع دمشق و دوخت على التيل الأصلى و ملاقتهوش و جبت تيل كورى فى علبة لونها ازرق مكتوب عليها power q و سعرة 60 جنية و بصراحة خايف من السعر دة ليكون التيل وحش و يبوظ حاجة فى العربية من فضلكم حد جرب التيل دة

**أبو_حمزة** · 07-04-2008 11:13 AM

طب و لما انت عيز الاصلى ليه مش جيبته من التوكيل او اى منفذ بيع له
على العموم ممكن التيل اللى معاك يطلع كويس
جربه 2000 كم و شوف ايه نظامه
مش ها يلحق يبوظ حاجة فى 2000 كم
بس اهم حاجة تقول لنا نتيجة التجربة
صحيح ..
التيل الاصلى قعد معاك اد ايه و العربية مانوال و اللا اتوماتيك؟

**محمد عز** · 07-04-2008 11:31 AM

الغالى تمنه فيه
الافضل تشترى من التوكيل الاصلى المظبوط وما تخطرش بحياتك او بعريبتك فى سبيل توفير بعض الجنيهات

**اسلام المصرى** · 07-04-2008 08:31 PM

بسم الله الرحمن الرحيم
لا أنصحك بتركيبه أساسا حفاظا على الطنابير! أنا ماجربتوش بس مش معقول التيل الأصلى ب300 و حاجة و ده تيل ب60 جنيه و يكون كويس.
المهندس طارق ممكن يفيدك فى موضوع وجود التيل الأصلى فى التوكيل أم لا.

**إسلام شاهين** · 08-04-2008 12:11 AM

طبعا يا باشا ما تركبوش أنا برضه دخت زيك كده بس في الآخر جبته من الرواس اللي في شارع رمسيس لو إنت مش لاقي الأصلي وفعلا هو الأصلي واتأكدت لما فكيت القديم لقيته هو هو وعامة ده رقم تليفون الموظف اللي هناك لو احتجت تستفسر منه :-
0121024348

**عمرو عبيد** · 08-04-2008 12:19 PM

انا ركبت التيل اول ما اشتريتة لان البياعين فى شارع دمشق قالولى متخفش من السعر لان التيل دة كورى و معروف ان الحاجة الكورى بتبقى كويسة علشان كدة اتشجعت و ركبتة انا بس كنت بسال اذا كان حد جربة و على فكرة التيل الأصلى مشتغلش معايا اكثر من 11000 كم و بدا يصفر بعد كدة مشعارف لية مع ان انا بسمع انة لازم يعمل اكثر من 20000 كم و رغم ان سواقتى هادية و مبحملش كتير على الفرامل الا انة باظ بسرعة و انا شفتة بعد ما شالة الميكانيكى و كان فعلا على الأخر.
انا عربيتى لانسر 1600 خليجى اوتوماتيك و عامل بيها 11600 كم و شاريها فى شهر ابريل 2007 و على فكرة التيل شغال كويس و ملوش اى صوت بس ربنا يستر

**أبو_حمزة** · 08-04-2008 01:03 PM

على فكرة فى ميكانيى اثق فى كلامه كان شكر فى التيل الكورى ده و قال لى باللفظ ما يغركش السعر ده احسن من الاصلى و ما بصفرش و حنين على الطنابير
بص ربنا يستر و التجار ما يسمعوش كلامنا و يغلوه
اعرف ناس كتير بتشتكى من ان تيل لانسر البوما مش بيعيش وبيصفر بدرى

**hero** · 08-04-2008 01:13 PM

طيب علشان تبقي مطئن...
شوف اسم التيل الكوري دي....وشوف اذا كان ليهم موقع علي النت...او حاول تتاكد ان لية سيريال نمبر...او اي شيء يدل علي انة فعلا خارج من كوريا....

لان وللاسف الشديد....التجارة في مصر...بقت غش في غش في غش....يعني ممكن التيل دة يبقي صيني..والعلبة بتاعتة معمولة تحت السلم في اي مكان ...فصل الالوان والطباعه عملية اسهل منها مافيش...

وياريت تبقي تاخد فعلا فاتورة شراء موضح فيها اسم التيل وبلد المنشأ....

تيل الفرامل..من اخطر قطع الغيار التي لا يستهان بها في اي سيارة...لانها بتأثر علي حياتك اولا وحياة الاخرين....ودة قبل ما تأثر علي طنابير العربية...

**khaled ali** · 08-04-2008 10:51 PM

i searched for the origenal oil filter in alex and i did not found it , finally my brother bought some oil filter and break pads to me from dubai - origenal