صح طبعا اللى يمشى على الناس كلها يمشى على الناس كلها
المهم مصر
((أحمد شفيق كان راجل كويس, بس كان بيتعامل من طرف مناخيره و أنه هو رئيس الوزرا اللى فاهم و أن عامة الشعب هم شويه ناس جهال و مش فاهمين حاجة و كان واضح جدا أنه لايقبل النقاش أو المراجعة فى كلامة و كانت عنده حكاية (الأنا) دى عالية شويتين و قعد يقول أنه هو اللى عمل مصر للطيران و المطار و حط مصر على الخريطة العالمية للطيران و الكلام ده, ok , بس ده شغله اللى هو بيقبض عليه مرتب كبيييييييييييييييييير أوى و اللى لو ماعاملهوش يبقى مقصر, الكلام ده مش فضل منه و لا منه .)))
عمله أي نعم لكن تميز فيه وأخلص كان ممكن يكبر دماغه زي بالباقي
ممكن تقولي أنجازات شرف المرئية والمحسوسة كأنجاز يراه رجل الشارع
مصر للطيران وتطوير المطارات بالذات أنجاز أكثر من رائع ومسبوق لو شفت المطارات قبل ما شفيق يطورها كانت عرة وتكسف ولا مطارات بلاد واق الواق
طبعا شفيق عمل أنجاز مسبوق شكرا د.أحمد شفيق على روعة الأنجاز
حبايبنا بتوع الحزب الواطى شايفين شغلهم حلو اوى هنا
الهمه يا شباب وما تقلقوش عمو عز راجعلكوا علشان يحاسبكوا
http://www.nilemotors.net/Nile/Arabi...t-top-left.gif اقتباس http://www.nilemotors.net/Nile/Arabi...-top-right.gif
http://www.nilemotors.net/Nile/Arabi...ot-by-left.gif المشاركة الأصلية كتبت بواسطة wael17 http://www.nilemotors.net/Nile/Arabi...t-by-right.gif
http://www.nilemotors.net/Nile/Arabi...p-right-10.gif
أنا شايف ان رئيس الوزراء الحالي عنده مهلة شهر....يقتلع الفساد و يحاسب كل المتورطين في قتل الشهداء و يرجع الامن للشارع...و لو فشل قبل بداية ابريل...يبقي لازم يرحل
http://www.nilemotors.net/Nile/Arabi...t-bot-left.gif
http://www.nilemotors.net/Nile/Arabi...-bot-right.gif
ههههههههههههههههههههههههه ه
+1
السلام عليكم و رحمة الله و بركاته
الأساس فى الراجل أنه يشتغل, مش أنه يكبر دماغه و بالتالى يبقى أنه لو اشتغل, يبقى متميز .
بالنسبة للانجازات اللى عملها أحمد شفيق, أنا حسيتها و أنا مسافر فى :
1 - مطار القاهرة
2 - خطوط مصر للطيران
و أنا قلت فى مداخلات هنا فى المنتدى من حوالى شهر, أننا جربنا أحمد شفيق كوزير طيران و كان أداؤه ممتاز و بالتالى نتعشم أنه يكون رئيس وزرا ناجح زى ماكان وزير طيران ناجح و انتظرنا جميعا فرصة شهر كامل عشان نشوفه هيعمل ايه.
أنا من رأيى و ده رأيى و أنا حر فيه, أنه ماكانشى رئيس وزرا على المستوى المطلوب .
لو كنا هنحبه و نكرمه و نحييه على أنه كان وزير طيران ممتاز , أومال الشعب الألمانى يعمل ايه لوزير الطيران الألمانى عشان مطار فرانكفورت و لا فى لندن و لا فى زيورخ و لا تورنتو, المفروض بأه يعبدوهم من دون الله و العياذ بالله.
بالنسبة لشرف, أنا ماعرفش ليه انجازات غير أن حريق قطار الصعيد كان فى عهده تقريبا -أنا مش متاكد- بس, عشان نكون عادلين و حياديين, هنديله فرصه زيه زى شفيق و نشوف هيعمل ايه و ربنا ييسر الأمور ان شاء الله .
أه ده فى دكاترة فاسدين كانو بيخدوا فلوس زيادة من العيانين و فراشين بيخدوا فلوس علشان يمشولك الورق و مهندسين مكانوش بيروحوا الشغل ....سيبونا يا جماعة ننضف البلد من كل الناس و نجيب ملايكة تعيش مكانكو :majd(4):
أنا حاسس انى قاعد فى المدرجات فى ماتش أهلى وزمالك ...كلو بيزعق وخلاص :T_thum1[1]:
متفقة مع حضرتك جدا
وجه الاعتراض لى الفريق احمد شفيق كان كرئيس وزراء و ليس كوزير طيران مدني لانه كوزير كان له انجازات واضحة في مجال الطيران
و لكن كرئيس وزراء مكنش يصلح لهذا المنصب اطلاقا و هوا مؤيد لسياسات مبارك و بيدعمه طوال ايام الثورة و رافض لتنحيه و دا معناه انه بيرفض ارادة الشعب و دي اول سقطة سياسية ليه لأن عدم احترام ارادة و مطالب الشعب يتنافى تماما مع السياسة و القيادة السياسية و الشعبية
ثانيا اختياراته للتشكيل الوزاري و اولها ابقائه لوزير الخارجية ابو الغيط و وزير العدل المتامر في تزوير الانتخابات كلها في ظل النظام السابق دا غير وزير البترول سامح فهمي و وزيرة القوى العاطلة عائشة عبد الهادي و دول كلهم كوم و محمود وجدي وزير الداخلية كوم تاني لسة بيتعامل بنفس اسلوب النظام الساقط الفاسد من كذب و تشويه حقائق و اضاعة حقوق - دا حتى مفتحش تحقيق داخلي جوة الوزارة عشان يشوف مين المقصر و مين اللي تخلى عن موقعه و مين ... و مين .... - دا غير تامره مع النظام و عدم رجوع الشرطة بكامل قوتها للشوارع
ثالثا عدم احترامه لكلمته عندما قال امان المتظاهرين على لاقبتي و تاني يوم يستمر الضرب فيهم لمدة 16 ساعة متواصلة و هوا يقول اسف مكنتش اعرف و ماعرفتش الا الساعة 5 المغرب و حتى لما عرف ماعملش حاجة
رابعا تمسكه بالمنصب رغم مطالبة الالاف برحيله و لتاني مرة ماحترمش ارادة الناس دي و مطالبهم ولا فكر يتوجه ليهم بكلمة او ينزلهم التحرير لكنه ظل يتعامل من نفس البرج العالي متعاليا على الناس
مش معنى كدا انه رجل فاسد - والله اعلم فساده من عدمه - او ان احنا بننكر اجازاته كوزير طيران مدني بل على العكس بنشكره على هذا الانجاز و هوا دا الشىء الطبيعي المطلوب من اي وزير