تمام يبقى كده مافيش خلاف جوهري مابين رأيينا
ونصبر ونشوف أنجازات شرف على أرض الواقع مش علشان شارك في الثورة يبقى الأصلح في الأصلاح وتولي الحكومة من غير أنجازات يحسها الشعب على مراحل زمنية
إيه الدراما العربي دي
الشعب بيقول لأ في كل مكان و المسؤول بيمشي و إنتهت القصة
أنت ماكانش مرغوب فيك يا شفيق و الشعب كان هايشيلك هايشيلك .. مش بمزاجك
على فكرة كلام حضرتك كله غلط ده مع احترامى لشخص حضرتك وياريت متتكلمش باسم كل واحد لان مثلا انا وكل اللى اعرفهم عايزين الفريق احمد شفيق لكن حضرتك بتقول شعب
تانى حاجة احنا المفروض بعد يوم 25 بقى خلاص كل واحد عنده وجهه نظر وتحترم وتتناقش بشكل محترم لكن اللى شايفه انه فى ناس كتير جدا بتتريق وخلاص
واكيد بردو بعد يوم 25 مش كل واحد يختلف معانا فى الراى يبقى هو كافر وحزب وطنى ولجنة اليكترونية والله انا سمعت كلام اول مرة اسمعه
ومش معنى كدة اننا ننكر كمان انجازات واعمال الناس
ومش معنى ان دلوقتى فيه حرية معنى انه اننا منحترمش الناس
والاخ Wael انا شايف الصراحة انه قايم بالواجب وزيادة بس انا حبيت اقولك ان مش كل الناس كانت عايزة احمد شفيق يمشى
هو فى ايه
هو اللى يشوف شغله دا يبقى عمل اللى مايتعملش ما طبيعى ان اى واحد محترم يبقى ليه انجازات فى مجال شغله والا لا يستاهل موقعه ولا مرتبه
ومش معنى انى نجحت فى مجال يبقى انجح فى كل حاجه
ممكن يكون كان وزير طيران ممتاز لكن رئيس وزاره فاشل ودا لأسباب كتير
1- التناقد فى التصريحات وعدم وجود اجابات واضحه ومجزمه عند سؤاله
2 - عدم قدرته على تسيير موظفينه وبقصد بدا وزير الداخليه اللى سايب امن الشارع فى الضياع وهو مسئول قبل منه عن حاله عدم وجود الأمن
3- التعالى على الناس والكلام من برجه العاجى وعدم وضوح خطته
من الأخر عشان الواحد زهق من كل واحد ماسك للتانى ودا عمال يطلع فى قطط ودا يطلع فى قطط
وفى حتى فقعانى قوى وعايز ارد على الناس اللى بتقول حاذث القطار
الراجل كان لسه ماسك الوزاره بقاله 8 شهور ومكنش لحق يعمل حاجه بسبب وجود معارضه من الحكومه ثم انو طلع محترم وقدم استقالته لما حصلت الحادثه فا بيتهيئلى حاجه متعيبوش
وفى الأخر اى حد مهما ان كان ومهما تاريخ انجازته لو اتعين فى منصب جديد ومشفش شغله ومحققش المطلوب منه يبقى يمشى
هو ليه خدنا على عاش الملك مات الملك عملت شئ كويس فى موقعك القديم تشكر عليه معملتش شئ لموقعك الجديد تمشى وسيب غيرك يكون يعرف يعمل و يشوف شغله مش يقعد يقولى تاريخى ومش تاريخى تاريخك دا فى منصبك القديم اللى انت بتفهم فيه لكن منصبك الجديد متفهمش فيه يبقى سيبه للى بيفهم ولو اللى جه مابيفهمش يبقى يمشى هو كمان
وكفايه محاربه فى بعض وكل واحد من مكانه يشوف شغله ويتقى الله فى عمله وأبداء بنفسك قبل ماتقعد تحاسب غيرك حاسب نفسك هل بتأدى عملك على اكمل وجه مع ان الكمال لله وحده ما بتعملش اى غلط
لو كل واحد بدأ بنفسه هيتصلح حالنا جميعا
واتمنى تتقبلو كلامى بصدر رحب وتفهم لما ارغب فى ايصاله لكم
((هو فى ايه
هو اللى يشوف شغله دا يبقى عمل اللى مايتعملش ما طبيعى ان اى واحد محترم يبقى ليه انجازات فى مجال شغله والا لا يستاهل موقعه ولا مرتبه))
بهدؤ كده
أكيد ألي يشوف شغله في عصر فاسسسسسسسد زي عصر مبارك يبقى بطل ويضربله تعظيم سلام كمان...........زي مابنهاجم الفساد يبقى الأولى نمجد في من قاوم الفساد بعمل واضحححححححححح لينا جميعا ولأي زائر لأرض مصر
ده مطارتنا كانت حاجة تكسف
شرف يادوبك حالف اليمين فأحنا لينا السي في بتاعه الراجل أتوسم فيه الصلاح بس ماشفتلوش أنجاز قوي على أرض الواقع يقترب من أنجاز شفيق كله كلام على ورق وأنجازات في الخليج لو فيه مشروع عملاق ليه ياريت تقلولنا عليه علشان مانظلمش الراجل
موضوع أنجازاته كرئيس وزراء أتكلمنا عليه في كذا مشاركة ونشوف شرف هايعمل أيه في الفترة القادمة علشان نقدر نحكم عليه
ونحط قدام عنينا أن الفترة حرجة جدا والقرار ليس في يد رئيس الوزراء بصفة مطلقة فيه محددات كثيرة
-القوات المسلحة
-ميزانية الدولة
-مايحدث على حدودنا الليبية......أحتمال أكثر من 1000000 مصري يرجع البلد
تحياتي
طب هو حضرتك ليه ماخدتش بقيت مشاركتى وعلقت عليها واللى لو اتقرت كويس هتلاقينى بأكد
ان اللى مايشفش شغله ويحقق ايجابيات يبقى مع السلامه
وعلى فكره ماحدش بتظهر بلاويه الا لما بيسيب مكانه لأنه طول ماهو فى مكانه مسيطر ومدارى كل حاجه فاياريت نسبنا من اللى كان ونخلينا فى اللى جاى ومنقعدش نتصيد لبعض
وبصراحه كدا مش عجبانى مواضيع التمجيد والشكر والهجوم والمهاجمه
بدل مانضيع وقتنا فى قيل وقال وعمل وسوى
كل واحد يفكر يقدر يفيد بلده بأيه
وليك شرف البدايه استاذى الفاضل ايه اللى ممكن تفيد بيه بلدك مصر من موقعك خارج مصر
تحياتى وكل احترامى
كاحد العاملين في الطيران المدني اكن كل تقدير واحترام لهذا الرجل
طيب ماهو ده ألي بنقوله يا أستاذي وأنا مابتصيدش ولا حاجة ممكن تقرأ مشاركاتي هاتلاقي تأيدي لشفيق كان ضمن الأغلبية المؤيدة له من بدري
فيه ناس أرتدت لأسباب غير مفهومة حقهم بس مش حقهم لا التجريح في الراجل ولا في من يؤيدوه(ثبات أنفعالي)
وتأيدنا لشفيق كان لأن ليه أعمال بالفعل على أرض الواقع أنما شرف لسه هاننتظر نشوف هل فكره فقط يكفي لأنجاز على أرض الواقع
مساهماتي لبلدي قبل 25 أفضل أحتفظ بيها
حاليا بشارك بالحوار الصادق حول مايحدث وتوقع ماسيحدث وليس مطلوب مني التواجد على الأرض في الميدان لأني معارض لأستمرار المظاهرات
البورصة بدور أزاي أساهم في عدم وقوعها لو عندك طريقة أساهم فيها وأنا بره ياريت تقولي ويبقى كتر خيرك
تحياتي لحضرتك
زملائى وأصدقائى المحترمين
شفيق مشى
كان حلو وزى الفل وما فيش أحسن منه
عصام شرف مسك
حلو وزى الفل وما فيش أحسن منه
أعضاء المنتدى الحلوين واللى زى الفل
الموضوع أنتهى وخلاص
المجموعتين اللى فى المنتدى مؤيد ومعارض مش هتفرق دلوقت نقيم عصام أو حكومته
بعد أسبوعين فيه أستفتاء على التعديلات الدستوريه المؤقته
دى أهم من المناقشات فى عصام وحكومته
ممكن نبتدى نتناقش فيها لأنها مصيريه لكن موضوع عصام ممكن بعد أسبوعين نرجع نتخانق عليه تانى مفيش مشكله
أيه رأيكم