الموضوع: محتاج اقتراحاتكم بخصوص CD Player كويس

حسام باشا معلش انت عارفني ما بتاخرش عنك بس لسه شايفة حالا
حوار ال USB ابعد عنة
ما بينزلش غير في العدد الصيني ولو نزل في ماركة محترمة بيعدي قوي
اكتر ماركة اقدر اقوللك عليها اعتمادية بدون كلام هيا الباين
فوق الروعة بشوية قعد معايا اكتر من 3 سنين وشغال ما شاء الله فحت وردم
وانا دلوقتي مركب DVD كينوود ماليزي ومركب فوقية مونيتور سيمفوني عشان الانسة كنزي لان الكرولا انت عارف دبل دين
المهم ال DVD ده كان ب 1650 بضمان سنة
وفي منه ب فيديو سي دي بس ب حوالي الف
الكينود كويس قوي وجاي معاه ريموت بس م بتاع الطارة ريموت عادي وريموت الطارة في حدود 170 جنية وهو يونيفرسال لكل الكينود
رغم ان كينود كويس معايا الا ان الباين لا يعلى علية
اعتقد الباين عامل 1700 دلوقتي
ايه رايك تتفرج علية وممكن تلاقي موديل في حدود 1500
الكينود رغم انه رائع الا ان في اسطونات كتير ما رضيش يشغلها
ولما فضلت ادعبس وهيا كانت بتشتغل على الباين
عرفت ان الباين بيقبل اقل ترددات ممكنة في الكيلو هيرتز
لكن كينود اقل حاجة 32 كيلو هيرتز
وده بياثر على حجم الملف خاصة لو كان قرءان
يعني مثلا في الالباين كانت صورة البقر MP3 بضغطها لغاية 8 ميجا بس
في الكينود حجمها بين 30 او 40 ميجا
وده بيخليني احط مصحف لقارئ واحد بدل 2 قراء على اسطوانة واحدة
تلاقية فين انا مش عارف اقرب مكان ليك فين
لو مصر الجديدة ما تعدي عليا في الشغل ونركبة سوا
انا النهاردة رايح مشوار مع اسلام المصري وممكن اقابلك واحنا راجعين نظبطلك الموضوع يا شقيق