مشوار دواسة الفرامل

**ads** · 06-04-2008 06:03 PM

المشاركة الأصلية كتبت بواسطة MMamdouh

نسيت اقول انى غيرت الماستر العمومى و ركبت ماستر نوبيرا

الماستر اللى جبتة ايطالى الصنع و هو من غير الخازنة و البلوف و ب 300... انا اخدت الخازنة و البلوف من الماستر القديم و ركبت كل حاجة

المسافة بتاعت البدال قلت و بقت زى المسافة الطبيعية للدواسة قبل التعديل... الماستر الاصلى موجود فى السوق ب 500 جنية بخزنتة و البلوف بس لو حد جاب الاصلى لازم يشيل خازنة النوبيرا و يركب خازنة اللانوس.

MMamdouh

انا عندى دواسه الفرامل بقت واطيه وا لمسافه بقت بعيده علشان العربيه تقف كويس شكيت فى التيل ولما كشفت عليه لقيته كويس والمكانيكى قلى ده عيب ماستر ايه رايك يا استاذ ممدوح انا عربيتى نوبيرا وبالنسبه للماستر الى انتا جيبه جديد ولا استراد والاطالى ده احسن نوع وهل اجيبه برده من غير الخزنه والبلوف

**MMamdouh** · 07-04-2008 11:32 AM

هو فعلا زيادة مشوار الدواسة مشكلة ماستر لو التيل الامامى و الخلفى كويسين... لو ممكشفتش على فرامل ورا يبقى بص عليها الاول و اتاكد من الرجلاش بتاعها قبل ما تشترى ماستر

لو الحوار رسى على ماستر يبقى قدامك حل من اتنين:

الماستر الاصلى ب 500 جنية بالخازنة و البلوف

الماستر الايطالى ب 300 و هو بيجى من غير الخازنة و البلوف و دول حتاخدهم من الماستر القديم

انا شايف ان الماستر الايطالى صناعتة انضف من الاصلى

http://www.metellispa.it/siti/metell...tamb_rap_e.htm

MMamdouh

**ads** · 08-04-2008 12:55 PM

استاذ ممدوح انا عندى مشكله تانيه ومحدش رد على وهى كل لما الف الدريكسيون سنه يمين او شمال من بره وانا واقف جنب العربيه الاقى الماتور على ووطى تانى اكنى دوست برجلى وسبت بسرعه ياترى عندك تفسير

**MMamdouh** · 08-04-2008 01:12 PM

ممكن يكون طبيعى لان الطلمبة بتحمل على الموتور فا الECU بيرفع الRPM سنة... زى ما تولع النور الكبير بتلاقى الموتور على سنة بسيطة

MMamdouh

**MMamdouh** · 08-04-2008 03:46 PM

خللى ميكانيكى يبص على العربية

MMamdouh

**disho2911** · 12-04-2008 03:51 PM

mr ads you didn't till us about the final result for the break , please inform us as i face the same proplem, thx you

**ads** · 13-04-2008 06:46 PM

انا لسه معرفتش ايه المشكله وهى مشكله فعلاً ولا دى حاجه عاديه لانى لسه ماروحتش للمكانيكى وده لانى مشغول شويه فى الشغل ومش فاضى لاكن اول لما اوصل لحاجه هبلغكم فوراً