عدد اللفات الصحيح rpm لهوندا سيفيك 93si

**arabmarket** · 04-03-2011 05:29 PM

سلام عليكم شباب هوندا

يا جماعه انا عندى مجموعه ملاحظات خاصه ب rpm بتاع عربيتى وكنت عاوز اعرف هل ده طبيعى ولا لأ ..

1- عدد لفات المحرك اول ما بدور العربيه وهى بارده بيكون 1.5 وبيبدأ فى النزول ليصل الى 1 او اقل شويه لو سخنتها كويس .

2- لو ماشى بالعربيه اقصد العربيه سخنه وركنت وجبت الفتيس على N بيكون ال rpm اقل من 1 حوالى 750 اول اقل .

3- فيه حاجه جديده ملاحظها يارب اعرف اوصلهالكم صح وهى :

وانا ماشى وبعد الغيار الاول على سرعه 20-30 وتقريبا والعربيه هتاخد الغيار التانى بتحصل تقريبا كانك لو سايق عربيه مانيوال وهتدى الغيار التانى وطولت فى الاول وبتحرق عليه بس ببطىء ( يعنى الغيار الاول واخد مده اطول من اللازم )
وانت بتدى التانى هتحس ان العربيه بتتنطر كده

اهو تقريبا ده الى بيحصل عندى ومؤشر لفات الموتور بيطلع بين 1 و 1.5 وبينزل بسرعه ويطلع وينزل تانى مرتين ثلاثه على حسب دوسه البنزين وعلى حسب لفات المؤشر الى هى بتمثل سرعه لفات الموتور العربيه بتترج

اتمنى اكون عرفت اوصل الى بيحصل وهقولكم هو اكنه بالظبط بتدوس جامد فالعربيه هتسحب وفجأه ترفع رجلك فتهدى وتدوس فتشد وهكذا

وده بيحصل لما بدوس بنزين بالراحه يعنى بدى الغيارات حقها والعربيه بتتسارع براحه ( شكلى بحرق الغيار ببطىء )؟
وكمان بيحصل لما بكون ماشى بشرعه واهدى وارجع اسحب بس بطلعه بطيئه اوقات بيحصل كده

وكل الى فات مش بيحصل لما اطلع بسرعه متوسطه من الصفر يعنى مش ببطىء الغيارات بتبقى سليمه ومبحسش بالكلام اعلاه

لذا ارجو من المختصين يقوللنا هل دى مشكله ولا انا بحرق الغيار ببطىء زياده ولو مشكله تبقى ايه وايه حلها ؟

اخيرا كنا عاوزين نعرف عدد لفات المحرك rpm السليمه بالتناسب مع الغيارات والسرعه

ودمتم بخير