صوصوة و صفير حتى مع توقف السيارة

**selmy2011** · 04-03-2011 11:00 PM

السلام عليكم
اخوكم سائق مبتدىء و عندى سيارة ستروين ax شاريها من شهرين..العربية كانت كويسة بس من ايام كل ما ادور العربية اسمع صوت صفارة و صوصوة عالية و تفضل معايا و العربية واقفة و طول ما انا ماشى على الاول و التانى و تبدأ تخف شوية لما اكون على التالت او الرابع
مش عارف ده سير و لا دبرياج ولا ايه بالظبط ..برجاء المساعدة ولكم الشكر

**JUVENTUS** · 04-03-2011 11:08 PM

اعتقد ان الصوت ده سير ممكن يبقى عايز يتشد

**momo44** · 05-03-2011 12:07 AM

المشاركة الأصلية كتبت بواسطة juventus

اعتقد ان الصوت ده سير ممكن يبقى عايز يتشد

سير الدينامو عايز يتشد او يتغير

**BLOODY_STONE** · 05-03-2011 02:19 AM

سير ..
لو عايز تتأكد انه مش دبرياج و انت واقف دوس دبرياج و شوف لو الصوت قل او اتغير .. لو كده يبقى دبرياج

**keko** · 05-03-2011 06:58 AM

90*100 سير دينامو

**nice_bird** · 05-03-2011 07:09 AM

انا عندي الموضوع دا سالت واحد صحبي خبير شوية قالي بلية الدينامو والسير لازم يتغيروا

**selmy2011** · 05-03-2011 09:44 PM

المشاركة الأصلية كتبت بواسطة bloody_stone

سير ..
لو عايز تتأكد انه مش دبرياج و انت واقف دوس دبرياج و شوف لو الصوت قل او اتغير .. لو كده يبقى دبرياج

هو الصوت بيخف سنه بسيطه و انا بادوس على الدبرياج عشان انقل الغيار بس بيفضل الصوت موجود
انا اللى خلانى اشك فى موضوع الدبرياج إنى لسه شارى العربيه من قريب و مكانتش المشكله دى فيها و طبعا انا عشان لسه باسوق جديد رجلى دايما على الدبرياج و ضاغط عليه باستمرار..اتمنى مكونش بوظته

**selmy2011** · 05-03-2011 09:52 PM

للضمان برضو انا هشترى سير دينامو و سير كاتينه جداد قبل ماروح للميكانيكى .. لأن ناس كتيره نصحتنى اغيرهم اول ماشترى عربيه مستعمله.. و لو السير فيه مشكله اغيره و اخلص

و الشكر كل الشكر لكل من اضاف رد او نصيحه بخصوص المشكله بتاعتى