الموضوع: اختراع جامد جدا و عاجبنى جدا جدا

أنا بستخدمه فى شغلى من زمان و هو كويس جدا لشحن اللاب توب و الموبيل و الحاجات دى بس خد بالك أن البراد الكهرباء بيسحب كهرباء كتير
و متشغلش الجهاز و العربية مطفية لأنه بيسحب كهرباء كتير و ممكن ينيم البطارية لكن طول ما العربية دايرة مفيش منه مشاكل

و مبروك عليك الinverter الجديد

المشاركة الأصلية كتبت بواسطة yasso0101

اديني العنوان بالضبط-

اخر شارع مكرم عبيد من نحية مصطفى النحاس .. اسأل هناك على تكنولوجى مول مليون واحد هيقولك علية .. فى تكنولوجى مول و فى كمبيوتر مول .. خليك فى تكنولوجى اضمن

المشاركة الأصلية كتبت بواسطة KHALED AYMAN

جامد جدا
يستحمل براد شاى ده يا رجاله ؟؟؟
اصل انا بسافر كتيييييييييير وبحب اشرب شاى كتييييييييييييير
انا حاطط فى درج التابلوه سكر و شاى و نسكافيه و معالق وكوبايات :)
ناقصنى البراااااااااد

انا نفسى اعمل كدا بصراحة و اعيش فى العربية ههههههه

المشاركة الأصلية كتبت بواسطة moha4tec

الف مبروك يا شادى ,و الله ينور عليك
و يا ريت الصور بالمره للمحول و العلبه بتاعته
و عموما انا عندى فى المطار مهندس كهربا رهيب عبقرينو
اتناقشت معاه فى مواضيع الفوانيس الليدات و الليدات عموما
و طلع الموضوع سهل جدا ممكن يتعمل فى البيت لوحدك من غير مساعده من حد اصلا
و تعمل اللى انت عاوزه فى الفوانيس
و تعمل الليدات على مزاج مزاجك
بس ناقص حاجه مهمه
1- الليدات تتجاب منان (الليدات الكبيره و انت فاهمنى مش زى بتاعه شريط الليدات ,لا زى بتاعة الاودى كده)
2- الادوات (و هى حوار و مكلفه فى الاول و بعد كده التكلفه هتقل ان شاء الله )
3- المكان (و ده لازم يكون بعيد عن الاطفال و عن اى حد عموما لان فى احماض و مواد كيماويه و بلاوى زرقه لو حد اتكعبل فيها ممكن تموته او تعمله عاهه مستديمه او تحرقه لا قدر الله)
4- التجميع و التقفيل الصح من الاول للاخر
و السلام ختام

ههههههههههههه قالك ليدات و بتاع تولع ياعم الليدات طالما الموضوع فى خطورة او كدا ههههههههه .. و الصور بتاعت المحول عندى بس كل شوية بنسى ارفعها ازاى

المشاركة الأصلية كتبت بواسطة morasystem

شفت حاجة زى كدة عند واحد فى وسط البلد بس حجمها أكبر و بتشحن من الولاعة ... ممكن تشتغل حتى لو العربية مطفية ... و بتطلع 220 فولت برضه ... كنت هجيبها و أخبيها تحت الكرسى بس خفت أحسن تكون بتأثر على الكهربا بتاع العربية ... كانت أرخص من كدة على فكرة

على موضوع الثمن فى كذا نوع و على حسب الفولت و الوات اللى بيطلعة .. و عموما لو شغلت العربية البطارية هترجع تشحن تانى و تبقى فل :)

المشاركة الأصلية كتبت بواسطة smartchoice

أنا بستخدمه فى شغلى من زمان و هو كويس جدا لشحن اللاب توب و الموبيل و الحاجات دى بس خد بالك أن البراد الكهرباء بيسحب كهرباء كتير
و متشغلش الجهاز و العربية مطفية لأنه بيسحب كهرباء كتير و ممكن ينيم البطارية لكن طول ما العربية دايرة مفيش منه مشاكل

و مبروك عليك الinverter الجديد

طب ممكن اشغل اية تانى غير اللاب توب و الموبايل ؟؟ و شكرا على نصيحة ان العربية تبقى دايرة دا انا كنت هبات فيها وانا مش مشغلها ههههههههههههههههههه

المشاركة الأصلية كتبت بواسطة mshawky

مبروك عليك بس ده موجود تقريبا من سنتين مش جديد لكن مبروك عليك

مش عارف بس انا لفيت علية كتير من 4 شهور مثلا انا و محمد مصطفى و الناس كانوا فكرينا مجانين هههههههه .. عموماً شكرا للافادة بردو :))

المشاركة الأصلية كتبت بواسطة hossam_elwani

بلاش براد الشاى لانه فوق 1000w

طب و بعدين كدا ؟؟ .. انا جايبوا لللاب توب و النسكافية ههههههه ..