الحمد للة ربنا كرمنى وجبت شفرولية لانوس 2010 لكن بصراحة بعد ما جبتها شعرت بالندم لانى لم اشترى اللوجان بصراحة عربية كاملة من كلة هل ابيع اللانوس واشتريها ولا اية
عرض للطباعة
الحمد للة ربنا كرمنى وجبت شفرولية لانوس 2010 لكن بصراحة بعد ما جبتها شعرت بالندم لانى لم اشترى اللوجان بصراحة عربية كاملة من كلة هل ابيع اللانوس واشتريها ولا اية
توكل على الله
لا اله الا الله وهيا مالها اللانوس كل عربيه وليها ميزه و ليها عيب وبعدين الخيره فيما اختاره الله متفكرش بالطريقه دي عشان متخسرش فلوسك انتا لسه جايبها جديده يعني حرام عليك هتخسر رقم محترم
طيب ايه اللي مش عاجبك في اللانوس بس؟؟؟؟؟؟؟؟
يا سيدي قدر الله وماشاء فعل ارضى بنصيبك وابقى غير ادام
خليك عملي شوية اللي هيديلك القرار الصح سواء كان بيع اللانوس أو لأ
هو إيه اللي خلاك تشعر بالندم
احمد ربنا علي العربية ال معالك وربنا يبارك لك فيها يمكن ربنا اخترك العربية دي لحاجة ما
اعتقد دي وساوس شيطان
استعيذ بالله واللانوس عربيه جميله وحمالة اسيه وشيك وبصراحه علي قد تمنها وقطع غيارها عند البقال والف مليون واحد يفهمو فيها وماسكه سعرها جدا
يبقي ايه بقي اللي يخليك تتندم عليها؟
انا معايا لانوس 99 وبفكر ابيعها واجيب لانوس برده موديل احدث شويه واعمل عليها شوية تعديلات اخليها احلي من اي عربيه في فئتها
دي بقي من احسن العربيات وافضلها علي الاطلاق في اليومين الجايين دولم
المنتجات الاقتصادية سهلة الصيانة ومنخفضة التكلفة تكسب بغض النظر عن اي اعتبارات اخري
حرام عليك...الشيطان عمال يلعب فى دماغك
الانوس انسب طبعا...قطع غيار والناس بتفهم فيها وموتورها حلو جدا ومتجربه ومش معقده
بصراحه احسن حاجه عملتها انك بعدت عن الرينو....
احنا يابتوع الدايو ملناش فى قطع الغيار النار ونخاف نقرب للفرنساوى
انت كده فى المضمون ومع الوقت هتحس بكده
بص بصراحة انا معي اللوجان
لكن هاقولك كلمة ( ارضي بما قسمه الله لك تكن اغني الناس ) لانك ممكن تجيب اللوجان وبعد كده تغير رايك وتقول ياريت جبت كذا ولا كذا
طيب ما انتا عندك البروتون الساجا احسن من اللوجان مكل اللي يجيب لوجان هيندم لأ طبعا اتعلم تحب عربيتك عشان عربيتك تحبك
فعلا اية هو السبب ؟ كل عربية ليها مزايا وعيوب
يعني اللانوس ليها عيوب ومزايا واللوجان نفس الموضوع . المهم انك تعرف تتاقلم معاها
وبعدين كمان انت بتتكلم علي عربيتين قريبين اوي من بعض . يعني ما بتقارنش اللانوس بمرسيدس مثلا عشان كدة انت ندمان
الاهم انك تحافظ عليها . والف مبروك
ربنا يديك خيرها ويكفيك شرها
قدر الله وما شاء فعل
اللانوس جميله ومميزاتها كتير
والله انا برضه جبت لانوس زيرو وندمان انى مجبتش اى عربيه تانيه ، كنت بقارن بينها وبين الفيرنا وبعد ما جبت لانوس حسيت ان الفيرنا احسن ،، كل ما اركب العربية احس انى راكب عربيه موديل 95 مش 2011
+111111111111111111111111111
بص حضرتك لو بعتها هاتخسر مبلغ محترم وممكن بالمبلغ دة تخلي الانوس عروسة وتركبلها اوبشن كتير يخليك تحبها اكتر اللانوس سيارة محترمة وانا جبتها موديل 2000 و 2007 بجد سيارة اعتمادية فيها كل حاجة تحتاجها وبشوية اهتمام هتبقي احلي من اللوجان بكتير كمان وزي ماقال احد الاصدقاء عربيتك عاملها زي واحد ةصحبك وحبها تحبك
يا عم اللانوس كلها مميزات واللوجان برضة
بس انت اشتريت خلاص ولو بصيت هتلاقى اللنوس قطع الغيار ارخص من اللوجان
الناس اللى بيفهموها كتييييييييير
اعادة بيعها فى المستقبل وانت واقف فى دقايق
نوكل على الله
بص
مفيش حاجة تستاهل الندم
اللانوس قريبة جدا من الرينو بس الفرق في الشكل و ان ديه اوروبي و ديه كوري لكن الأتنين قريبين جدا
ده + ان اللانوس قطع غيارها مترمية بمعني الكلمة
قول الحمد لله و حبها :)
شكرا ياجماعة خلاص على ردودكم التى اعادت الثقة لاختيارى
بصراحة انا اول مرة اسوق سيارة علشان كدة اخترت سيارة اعتمادية ذى اللانوس
شكرا ياجماعة خلاص على ردودكم التى اعادت الثقة لاختيارى
بصراحة انا اول مرة اسوق سيارة علشان كدة اخترت سيارة اعتمادية ذى اللانوس
هو اكيد اللوجان احسن
بس لوحضرتك قادر تتحمل فرق البيع وبدون ماتفرق معاك توكل على الله
لكن لو هاتفرق كتيير خليها معاك فترة وبعدين ابقى غير اهو يبقى استفدت من التجربة واتعرفت على العربية
وهاتلاقى احسن من اللوجان
والخير فيمااختارة الله
وبالتوفيق بالقرار الصحيح
بص يا باشا انا معايا اللوجان و كنت هجيب لانوس في الاول و مندمتش لحظة في اني جبت اللوجان
بس خلينا نفكر في المصلحة و هو ان حضرتك هتخسر مش اقل من 5 او 7 الاف ده ان لم يكن اكثر لو بعت اللانوس دلوقتي فمش منطق خسارة المبلغ ده كلو و لسة تستنى لحد ما تستلم
اللوجان عربية جميلة و مش معقدة خالص و قطع غيارها كويسة و مش غالية و اعتمادية اكثر من اللانوس مع احترامي للعربية و ملاكها
حضرتك ممكن بقى تستنى سنتين 3 باللانوس و بعدين تبيعها و تجيب لوجان و يبقى بان سعرها هيقل و لا هيفضل زي ما هو و هكذا
لو بس صوتها يبقى ناعم شويه وواطى عن كده --- صوتها عالى ينرفز
اسمحلى اهاجمك شويه ههههههههه
ايه اللى خلى اللوجان اكيد احسن؟؟؟؟؟؟؟؟؟؟؟؟؟؟؟؟؟؟؟
وهل الفرق مستاهل انه يخسر 8 او 7 الاف جنيه عشان يركب لوووجان (اعذرنى اصلها مش مرسيدس وبعدين الانوس افضل كتير على الاقل فى بلدك قطع غيار ووسع ومتجربه واى جحش يفهم فيها ورخبصه فى الصيانه و و و و و )
متفق معاك.....اكيد انا اما اجى اغير عربيتى علشان اجدد مثلا مش هروح جايب افيو مثلا ...اكيد لا معاك 100%
بالنسبة للوجان (انا معايا سانديرو فرف شكل خارجى من بره بس) احنا كان عندنا لانوس 2 موديل 2006 تمام بعناها (بتاعت عمى) و ركبتها و سوقتها كتير......وجهة نظرى المتواضعة ان فى اختلاف كبير ما بين الاتنين لصالح الوجان هو مش فرق شاسع بس محسوس وواضح للساق الاتنين :)
تقبل تحياتى :)
+1111111111111111111111
بما اني ركبت الأتنين
اللانوس لا تقارن بالوجاااااااااااااااااااا ن
اللانوس برقبتها
انا عمري الصراحه شفت واحد جاب لانوس و ندم انه جابها انا بشوف العكس يقولك انا ايه اللي خلاني اجيب اللوجان مالها اللانوس !
والله ياباشا لانوس من لوجان مش فارقة
الخيرة فيما اختارة الله
وبعدين قطع غيار اللانوس رخيصة جدا انا واحد صاحبى جاب لها كبالن اصلى ب65 جنية السعر نفسة جية عليا ساعقة ياباشا انت فى نعمة الحمد لله انا عربتى الكبالن بتاعتها الاصلى ب4200 جنية واليابانى التقليد ب1200 جنية
ربنا يباركلك فيها ويديك خيرها ويكفيك شرها والف مبروك ياباشا
اللانوس حلوه:S_thum1[1]:
lanoooooooooooooooooooooooos
انا ركبت العربيه وسوقتها
وبصراحه لقيتها سيئه للغايه
انا جايب اخر الدواسه وكنا 4 في العربيه ومش جايبه غير 120 :36_2_49[1]:
ولما راح التوكيل قالولو العربيه زي الفل
وفرش العربيه وكملش شهر وابتدي يفتح من تحت
زرار الأزاز عن الكاسيت طيب ازاي بقي :U_thin1[1]:
زرار المرايات عند الهاند نفسي افهم مين العبكري اللي عمله هنا :pffft:
بس كده :coolio:
Just Small Comment:
اللوجان مش آخرها 120 ولا حاجة... ممكن حضرتك مكنتش عارف تجيب آخر النقلات من الأول, جربت downshifts..؟؟؟!!
اللى شوفته أن العربية بتجيب 160 (يمكن بصعوبة) بس بتجيبهم..! :durak:
وجزئية أن 4 راكبين دى ملهاش تأثير على السرعات العالية... نفس السرعة هتيجى عند نفس الـrpm بس مع استهلاك بنزين أعلى..؟؟!
الحمولة والوزن ده ممكن يأثر عـ الـAcceleration والهاندلينج... مش الـTop Speed..!! :36_9_4:
btw موتور اللوجان 1.6 8v هو نفس موتور الميجانI ودى كانت بتجيب 180 عادى.. مع مراعاة أنها أتقل من اللوجان كمان..!!! :U_thin1[1]:
كل عربيه فيها مميزات عن التانيه لكن الفرق مش مستاهل انك تعقد نفسك
اهم حاجه تكون مقتنع بعربيتك
لانى انا اشتريت عربيتى عن قناعه لان فيها الامكانيات والمواصفات اللى انا محتاجه فى عربيه