الموضوع: الربح من الانترنت نصب ام اشتغالة ؟!

انا جربت جوجل ادسنس
بس لازم موقع يكون فيه زوار كتير
وهتلاقيها ربحها حلو جدا جدا
و اصحاب منتديات الدوانلود الكبيرة بيكسبو منه الاف الدولارات شهريا
يعني انا اعرف واحد منهم مصاريف المنتدى بس بتعدي ال 1000 دولار
تخيل بقى بيكسب كام

المشاركة الأصلية كتبت بواسطة mr_7oda

اسمحلى اضيف لحضرتك معلومة ...... من شروط جوجل ادسنس الا يكون تخصص الموقع للداونلود لان هذا يعتبر خرق للملكية الفكرية وده طبعا بترفضه جوجل ..... يعنى حضرتك لما تحط اللينك فى المنتدى بتاع الداونلود وكده لما تيجى تطلب الدفع هيرفض لان ده مخالف لشروط جوجل
ه

طب ما انا عارف :)

حضرتك لو دخلت على منتدى عربي هتلاقي بيحولك على ما يسمى ب "موقع بروتكت" قبل ما تروح الموقع بتاع الداونلود
دا بيبقى بتاع صاحب الموقع برضو
وبيبقى راكب عليه اكونت ادسنس بتاعه
وبيتعمل من غير ما تاخد موافقة على الموقع
حوارات كدا انا عملتها بنفسي زي ما قولت في يوم من الايام و كسبت منها بس استحرمتها و سيبتها بعد كدا

المشاركة الأصلية كتبت بواسطة ama

بص يا أستاذى الفاضل
أنا بدرس حاسب ألى و نظم معلومات
و عملت بحث كامل فى دراستى و قدمته لدكاترة و البحث نال أعجاب كل الدكاترة الموجودين لدرجة أننا عملت نسخة لكل شخص فيهم للأحتفاظ بيه و أتشهرت جدا مما أدى لأنى أطلع بمادة بسبب شهرتى دلوقتى ههههههههههههههه
فيه حوالى 95% موقع نصـــــــــــاب
فيه حوالى 5% من المواقع شغالين بضمير و منهم 3% فى طريقة للنصب

عشان تعرف الموقع نصاب من غير نصاب
عند طلبك لتحويل الفلوس إن لم يتم تحويل الفلوس لحسابك على البنك الأليكترونى مثل أليرت باى يبقى دة نصاب
لو تم تحويل الفلوس للبنك الأليكترونى الخاص بيك يبقى الموقع دة مش نصاب و صادق

أولا أنا جربت موضوع الضغطات لقيته بطئ جدا جدا جدا و كسبت دولار واحد فقط من clicksia
ثانيا أتجهت لرفع الملفات و الكسب من التحميلات على كل ألف تحميله 1 دولار و أكتشفت موقع تانى بيدى 2دولار و نص لكل ألف تحميله و لحد دلوقتى وصلت لـ13 دولار لأنى مش حاطيت الموضوع فى دماغى أساسا و لو حطيته فى دماغى سهل جدا يبقوا 130 دولار و 1300 دولار كمان مع الصبر
ثالثا فيه الربح من أدسنس و دة صادق جدا و منتدى نايل موتورز كمان عامله و بيوصلك الشيك لحد باب بيتك لكن المشكلة أن الموقع ساعات مش بيقبل مواقع كتيره لتكرار المحتوى و ساعات بيغلق حسابك فى موقعة عشان معندكش زباين كتير (أعضاء و زوار يعنى) و دا لسه مجربتوش لكن لما أعمل موقع إن شاء الله هجربه و سمعت أن فيه ناس كسبت منه 500 دولار فى شهر واحد لان الضغطة بـ1 سنت و أنت و زباينك (زوار موقعك)
رابعا فيه مليون طريقة تانيه غير دول و جربت منهم كتير لكن زى ماقولتلك فيه مواقع نصابه و مواقع صادقة




عمتا يعنى أنا هعمل موقع بشرح فيه كل الكلام دة
لكن صدقنى الحوار مضمون لكن سجل فى البنك الأليكترونى .....pay عشان دة شغال فى مصر لكن الباى بال مقفول فى مصر
و موقع أسمه شركة دهب دا ممكن تسحب منه فلوسك لكن فيه عموله كبيره و حد أدنى لسحب فلوسك كاش
و إن شاء الله كل دة هشرحة فى موقعى الجديد



و يا رب أكون قدرت أفيدك فى أى شئ و أهم حاجة على فكرة أقسم بالله العظيم لو طبقتها هتدعيلى
لا يأس مع الحياة و لا حياة مع اليأس
و الصبر مفتاح الفرج
و صلى على النبى

شكرا استاذى الفاضل على الرد المستفيض
شرحك افادنى وادانى معلومات قيمة
بس ياريت تحط اللينك بتاع موقعك هنا لما تعمله
وهاصلى عالنبى طبعاً
اللهم صل وسلم وبارك على سيدنا محمد وعلى اله وصحبه وسلم

المشاركة الأصلية كتبت بواسطة aly_hosny

انا جربت جوجل ادسنس
بس لازم موقع يكون فيه زوار كتير
وهتلاقيها ربحها حلو جدا جدا
و اصحاب منتديات الدوانلود الكبيرة بيكسبو منه الاف الدولارات شهريا
يعني انا اعرف واحد منهم مصاريف المنتدى بس بتعدي ال 1000 دولار
تخيل بقى بيكسب كام

ممتاز
بس صاحبى عمل 150 دولار فى جوجل ادسنس
ولما حب يستلمهم بعتولو اميل انه مينفعش
عشان النقرات من ip واحد
كان بيتفرج عالاعلانات لوحده تقريبا

المشاركة الأصلية كتبت بواسطة mostafaismail

طيب ممكن قائمة باسماء المواقع الموثوق فيها المجربة؟

متضامن معاك فى المطلب ده