مقارنه بين e39 و e46

السلام عليكم انا بصراحه اول مره اشارك فى قسم بى ام بس بصراحه متابع جيد من فتره للقسم و فعلا فى ناس كتير هنا محترمه جدا و بتساعد كتير اللى محتاج للمعلومه
و تقريبا كل المعلومات اللى اعرفها عن البى ام كلها من القسم هنا
انا نويت ان شاء الله انى اجيب بى ام الفتره الجيه بعد حيره بصراحه من الجديد زى النترا او سيراتو او مستعمل زى هوندا و تويوتا موديلات فوق 2008 بس بصراحهحاسس ان البى ام ركوبه و عربيه افضل رغم ان الموديل هيكون اقدم طبعا
انا حاليا محتار جدا بين e39 520 يفضل موديل حتى 2000 علشان يكون لسه 2000سىسى مش 2200 سىسى على حد علمى و بين e46 318 موديل 2001 او 2002 علشان يكون فتيس الجديد
و المقارنه من حيث:
-اسعار قطع الغيار
-مشاكل فى العربيه حاجه مثلا بتبوظ بصفه دوريه
-الكماليات اللى بتنزل مع العربيه زى مثبت السرعه الطاره و هكذا
عاوز اعرف يعنى تقريبا انه افضل كعربيه و ممتعه فى سواقتها و هى هتبقى فى الاغلب استخدام فى السفر لان معايا عربيه تانيه هتبقى معايا جوه البلد
و شكرا

الـ e39 حاجة و الـ e46 حاجة تانية خالص.مينفعش مقارنة بينهم..وطبعا الـ e39 أحسن من كل النواحي.لكن الـ e46 مش وحشة طبعا.

شكرا لرد حضرتك عن استفسارى
لكن هل فى فرق فى اسعار قطع الغيار بين العربيتين فرق كبير يعنى
و بعدين التكييف بتاع البى ام عامه قوى و لا مقبول
و اخيرا يا باشا ليه فى فرق فى اسعار العربيتين بس لصالح e46 بحس ان الناس بتطلب مبلغ اكتر شويه فيها
و شكرا

اقتباس:

---

المشاركة الأصلية كتبت بواسطة kliken

شكرا لرد حضرتك عن استفسارى
لكن هل فى فرق فى اسعار قطع الغيار بين العربيتين فرق كبير يعنى
و بعدين التكييف بتاع البى ام عامه قوى و لا مقبول
و اخيرا يا باشا ليه فى فرق فى اسعار العربيتين بس لصالح e46 بحس ان الناس بتطلب مبلغ اكتر شويه فيها
و شكرا

---

أولا يا باشا أنا معنديش فكرة أوي عن فروق الأسعار بالنسبة لقطع الغيار..لكن عموما طالما هتركب بي إم يبقي علي الحرفيين عدللللل والأسعار زي الفل في كل حاجة..وطبعا أي شغل في العربية نصيحة مني في مركز المهندس منصور في جسر السويس.

ثانيا...أنا هعلق علي تكييف الـe39 لأن هي اللي معايا...مش هقول عليه غير...الله أكبر عليه.

ثالثا...أختلف مع حضرتك في نقطة السعر لأن دي بيرجع لمقياس حالة العربية..ومن النادر إنك تلاقي e39 بحالة نادرة..ولو لقيت بيبقي سعرها عالي مقارنة بسنة الصنع..

انا الحاجة الوحيدة الى اقدر افيدك فيها ان الى معاه عربية من دول نضاف صعب يبيعها لانه هيخسر جامد ومش هيلاقى زيها تانى واعرف برضه ان e46 مصاريفها ااقل بس كده

اللى اقصده فعلا و حسب الكلام اللى قريته كتير هنا طبعا من مشاركات الاعضاء فى قسم بي ام ان قطع غيار e39 اغلى شويه من e46 و فى كتير معروض للبيع موضوع نضيف او لا بيبقى بعد المعاينه و الكشف على العربيه بس انا فعلا محتار بين العربيتين e39 اكبر و افخم شويه بس هتبقى موديل اقدم شويه علشان تكون 2000 سى سى لكن e46 هتكون احدث شويه كموديل لكن شكلها تحسه شبابى اكتر و اظن من متابعتى للاسعار e46 موديل فوق 2001 بتبقى اغلى شويه من e39 520 موديل حتى 96 حتى 2000 علشان بتكون 2000 سى سى لسه

انا مع الرأى الى بيقول انه مفيش مقارنه بين الاتنين دى فئه ودى فئه تانيه كل فئه لها مالها وماعليها وانا شخصيا جه عليا وقت كانت بفكر وبفاضل بين الاتنين وكنت ميال اكتر لل39 مريحه اوى فى السفر فخمه برستيج واسعه محترمه اوبشنز على حسب الموديل بس مصاريف التشغيل والصيانه كانت عاليه بالنسبه لدخلى الحالى فلغيت الفكره مؤقتا

انا معاكو يا شباب ان دى فئتين مختلفتين علشان كده انا كنت بقارن فى نقط معينه
اسعار قطع الغيار
استهلاك البنزين
قوه التكييف
الكماليات اللى يتنزل مع الموديلين دول على سبيل المثال انا معرفش مثلا هى 520 ما قبل 2000 كانت بتنزل كلها فتيس اتوماتيك و لا فى منها ستيب
و فى الآخر اكيد هستخير ربنا

اقتباس:

---

المشاركة الأصلية كتبت بواسطة kliken

انا معاكو يا شباب ان دى فئتين مختلفتين علشان كده انا كنت بقارن فى نقط معينه
اسعار قطع الغيار
استهلاك البنزين
قوه التكييف
الكماليات اللى يتنزل مع الموديلين دول على سبيل المثال انا معرفش مثلا هى 520 ما قبل 2000 كانت بتنزل كلها فتيس اتوماتيك و لا فى منها ستيب
و فى الآخر اكيد هستخير ربنا

---

السلام عليكم. طبعا أنا متفق مع كل الأعضاء فى أن ال e39 فئه و ال e46 فئه ثانيه. بالنسبه للسعر فهو لصالح ال e46 بمعنى أنك بمبلغ x تقدر تشترى e46 موديل اعلى من موديل ال e39 هذا بالنسبه للحالات النظيفه.

أسعار قطع الغيار لصالح ال e46 لأن أسعار قطع غيار ال e39 غاليه جدا, على سبيل المثال 2 فوانيس أماميه رينجات ب 3000 جنيه أستيراد, عفشه خلفيه تقريبا ب 1800 جنيه بدون مساعدين إلخ...

استهلاك البنزين هيكون لصالح ال e46 لأن ال e39 محركاتها 6 سليندر و بالتالى استهلاك البنزين اكبر بعكس ال e46.

بالنسبه لسعة المحركات ما بين ال e46 و ال e39 هذا على حسب موديلات السياره. على سبيل المثال ال e46 1999 - 2001 يوجد بها محرك يعرف بالكود m43tub19 بسعة 1895 سى سى قدرة 118 حصان. منذ نهاية عام 2000 زودت ال e46 بالفتيس الأستيبترونيك مما يعنى إنه ليس بقاصر على موديل 2001 فقط فهو موجود بال e46 منذ نهاية عام 2000. ال e46 منذ عام 2002 بالنسبه لموديل 318 زودت بمحرك ثانى أعوام 2002 - أوائل 2004 < تقريبا > يعرف ب n42b20 بسعة 1995 سى سى قدرة 143 حصان, ثم بدل المحرك أعوام 2004 - 2006 بأخر يعرف ب n46b20 بنفس سعة و شكل و إمكانيات سابقه.

بالنسبه لل e39 520 مزوده بمحرك m52b20 بسعة 1991 سى سى و هو موجود بال e39 أعوام 1995 - 1999 و هو بقدرة 148 حصان و الفتيس الأستيبترونيك موجود بال e39 منذ بداية الأنتاج < على حد علمى >.

التكييف بالبى أم دبليو على العموم ممتاز و لا يحتاج مقارنه لأنه سواء بال e46 أو ال e36 سابقتها و ال e39 أو ال e34 سابقتها التكييف ممتاز.

الكماليات فى ال e39 اعلى من الكماليات فى ال e46 شىء طبيعى لأن ال e39 فئه اعلى فبالتأكيد هتجد فيها إمكانيات أعلى من ال e46.

اقتباس:

---

المشاركة الأصلية كتبت بواسطة kliken

انا معاكو يا شباب ان دى فئتين مختلفتين علشان كده انا كنت بقارن فى نقط معينه
اسعار قطع الغيار
استهلاك البنزين
قوه التكييف
الكماليات اللى يتنزل مع الموديلين دول على سبيل المثال انا معرفش مثلا هى 520 ما قبل 2000 كانت بتنزل كلها فتيس اتوماتيك و لا فى منها ستيب
و فى الآخر اكيد هستخير ربنا

---

اتمني المواضيع دي تدي حضرتك فكره عن أسعار قطع الغيار و أسعار الصيانه الدورية

http://www.nilemotors.net/Nile/19113...98-2002-a.html

http://www.nilemotors.net/Nile/19023...teptronic.html

http://www.nilemotors.net/Nile/9108-...0i-2001-a.html

متشكر جدا يا جماعه على ردودكم اللى اكيد هتساعدنى على اتخاذ القرار ان شاء الله
و ربنا ييسر للخير ان شاء الله
معلش يا شباب هسأل سؤالين بس على السريع
-هل انا فعلا تفكيرى منطقى انى بختار بى ام رغم انه موديلاتته قديمه عن عربيات زى تويوتا او هوندا موديلات فوق 2009 كمثالرغم انى يصراحه مقتنع باختيارى جدا انه لا وجه للمقارنه رغم اختلاف الموديلات
-كنت محتاج اعرف هو فى مشاكل فى فتيس 318 القديم الاتوماتيك العادى يتاع 1999 و 2000
و شكرا و معلش لو بطول عليكو

هيا ال-e39 كركوبة أحلى من e46 بس مشكلتها أن شكلها قدم أوي أنا لو منك أحاول أزود المبلغ شوية وتجيب bmw 318 موديل ٢٠٠٦ (الشكل الجديد ) هيبقى أنت في نفس الوقت جبت عربية محترمة و برضه عربية شكلها حلو و حديث وهتبقى أحسن من تويوتا او هوندا موديلات فوق 2009

اقتباس:

---

المشاركة الأصلية كتبت بواسطة kliken

متشكر جدا يا جماعه على ردودكم اللى اكيد هتساعدنى على اتخاذ القرار ان شاء الله
و ربنا ييسر للخير ان شاء الله
معلش يا شباب هسأل سؤالين بس على السريع
-هل انا فعلا تفكيرى منطقى انى بختار بى ام رغم انه موديلاتته قديمه عن عربيات زى تويوتا او هوندا موديلات فوق 2009 كمثالرغم انى يصراحه مقتنع باختيارى جدا انه لا وجه للمقارنه رغم اختلاف الموديلات
-كنت محتاج اعرف هو فى مشاكل فى فتيس 318 القديم الاتوماتيك العادى يتاع 1999 و 2000
و شكرا و معلش لو بطول عليكم

---

لا يوجد و جه مقارنه بين البى أم دبليو و التويوتا و الهوندا, بالرغم إنى من عشاق الهوندا لأنها أفضل السيارات اليابانى و خصوصا فئتى ال SIR و ال Type-R سيارات مجرمه و للأسف تسبق ال M3 :_Alshmokh08[1]:.
أولا يوجد ميزه بالبى أم دبليو تتفوق عليها حتى فى المرسيدس وهى جزء التعديلات فى السياره. البى أم دبليو تختلف عن غيرها فى سهولة تعديل مثلا شكل الفئه الثالثه إلى شكل الفئه الثالثه الرياضى المعروف بال M3 و هو شىء يزيد من قيمة السياره, و هكذا فى الفئه الخامسه إلى ال M5 و الفئه السادسه إلى M6. و بقطع أصليه ليست فايبر تعديلات خارجيه و داخليه و تحدى أن شكلها لا يمكن مقارنته بعد التعديل بأية شكل سياره أخرى معدل حتى المرسيدس. بالأضافه إلى وجود أشياء البى أم دبليو غير موجوده بغيرها من السيارات أولا تفوق جهاز الأيه بى أس عن سائر اجهزة الأيه بى أس الموجوده بالسيارات الأخرى, وجود خاصية ال ASC و هى مانع الأنزلاق و اعتقد إنها ليست موجوده بالتويوتا أو الهوندا أو غيرهم التحكم بالسياره من خلال عجلة القياده و هو لم يكن موجود إلا حديثا اعتقد بموديلات ال 2010 أو ال 2011 على الرغم من وجوده بالبى أم دبليو الفئه السابعه من التسعينات و الفئه الخامسه منذ إنتاج ال E39 يعنى منذ عام 1995.

E46 M3
http://www.bmwpic.com/bmw/car/pictur...001-bmw-m3.jpg
http://www.bmwpic.com/bmw/car/pictur.../img-9875a.jpg
http://www.more-japan.com/blogs/wp-....46-ssr-ms1.jpg
http://www.benlevy.com/auto/show/tref06/img_9209.jpg
http://www.bmwcoop.com/wp-......./im...-e46-coupe.jpg

بالنسبه لمشاكل الفتيس الأتوماتيك الموجود بال E46 فعلى حد تعاملى بالسياره توصلت لأنه المشكله تكمن فى شىء يعرف بال Body Heart المعروف لدى الحرفيين بالبودى بلف و هو المسئول على نقلات الفتيس و بالكلاتشات ال 2 يمكن تغييرهم البودى بلف الأستيراد بيتكلف 2000 جنيه و الكلاتشات على حسب لكن سعرها معقول فى حدود 500 - 800 جنيه.

اقتباس:

---

المشاركة الأصلية كتبت بواسطة mando_07

هيا ال-e39 كركوبة أحلى من e46 بس مشكلتها أن شكلها قدم أوي أنا لو منك أحاول أزود المبلغ شوية وتجيب bmw 318 موديل ٢٠٠٦ (الشكل الجديد ) هيبقى أنت في نفس الوقت جبت عربية محترمة و برضه عربية شكلها حلو و حديث وهتبقى أحسن من تويوتا او هوندا موديلات فوق 2009

---

لا يوجد 318 e90 موديلات 2006 - 2007 فقط يوجد 316

ربنا يسهل ان شاء الله للاحسن رغم انى مايل اكتر لل318 و هعمل استخاره و هشوف انه عربيه منهم برضه هتقع قدامى و حالتها تكون نضيفه و سعرها يكون مناسب برضه
متشكر جدا يا شباب على الافاده و الردود السريعه و ده كنت متأكد منه من متابعتى للقسم هنا من فتره

اهم حاجه الحاله الكويسه