احساس جامد ! احساس منعش ! احساس الAirbags في وشك !

**CryptonX** · 14-04-2008 02:56 AM

المشاركة الأصلية كتبت بواسطة CAMARO

بالنسبة للدريكسيون علشان حساسات التصادم و الضغط ..
بالنسبة للباب علشان أعرف إذا كانت ال AIRBAG بتشتغل حتى و الباب مفتوح و العربية واقفة و لا لأ ..
بالنسبة للكرسي علشان أنا أعرف إن في عربيات فيها حساس بالراكب و السائق و وزنهم و حجمهم علشان تحديد مقدار فتح ال AIRBAGS زي ما أنت قلت ..
أما بالنسبة لصاحبك .. فدة فضول مش أكتر .. لأني لو أنا في مكانه بصراحة و من غير زعل كنت هموت على نفسي من الضحك ..
:D:D

بص هو انا نفسي مت علي روحي من الضحك و اعتقد هو كمان .. بس خلي بالك ان دي حاجة كانت ممكن تتسبب في رفده من العمل ( انه يدخل عميل منطقة الصيانة - و يعد في عربية عاملة حادثة و كمان العربية تعمل فيا كدة )

فهو كان في حالة صدمة بالظبط

بس لحد دلوقتي بكلموا و نعد نضحك .. كان نفسي حد بصورني و انا فيها :p

**cazanova555** · 14-04-2008 03:50 AM

اهم حاجه نضاره حضرتك سليمه ؟

اصل انا ملاحظ انك بنضاره فحاسس بيك :) ياه لو كنت لابسها ساعتها :(

الحمد لله انك بخير

ويكفيك تحقيق الحلم وانك ركبت العربيه :)

**Karim_Monir** · 14-04-2008 12:36 PM

انا عندي في حساس وزن ولما كانت بنتي اقل من 10 كجم لما كنت بقعدها كانت لمبة الباسنجر ما بتنورش
ولما كبرت شوية بقت بتنور
وعشان ما يطلعش الاير باج لو قعدتها قدام بلف الحزام حوالين الكرسي وماحطش التوكة في الكليبس
وهما كاتبين كدة في الكتالوج عشان كدة بقولك انت كنت فاتح الكونتاكت كلة ولا لاء
والحساس ده لة فيشة ممكن اصلها من تحت الكرسي لو انا مش عايز الايرباج تطلع زي في حالات لو هاربط كرسي بيبي في الكرسي الامامي

**Karim_Monir** · 14-04-2008 05:07 PM

المشاركة الأصلية كتبت بواسطة CryptonX

كريم انا فهمت اللعبة !

وبالنسبة للسرعة فهي بتبقى حوالي 97 متر في الثانية !! مش بس 100 كم في الساعة D:
وبينتج عنها كدمات و حروق فقط .. مش سيارة تخبطك و لاحاجة !

ce, contact with a deploying air bag may cause injury. These air bag contact injuries, when they occur, are typically very minor abrasions or burns.

وفي حالات نادرة لا قدر الله اصابات بالغة او حتى وفاة .. بس نادرة الحمد الله .

97 متر في الثانية
يعني بتتكلم في 349 كم في الساعة تقريبا
وانت في حالة الثبات التام
هو ده اللي انا بقولوة

**aif** · 14-04-2008 05:15 PM

الحمد لله انك بخير وسلامة
الاير باج ده ساعات بيبقي خطر جدا
واحد جارنا كان راكب جنب السواق وقاعد بجنبه عشان بيكلم اللي سايق وحصلت حادثة عشان بقعة زيت علي الطريق والايرباج فتح
كانت النتيجة اصابته بتفتت في عضم الكتف .. واحتاج اكتر من عملية جراحية في غاية التعقيد والامر استغرق شهور عشان يبدأ يعمل علاج طبيعي ... كانت كارثة
ربنا يعافيه ويعافينا جميعا ويكفينا الشر