ياجماعه لسه عربية جارى مسروقه النهارده بيجو 504 تاكسى
:_Alshmokh08[1]:
ياريت كل واحد يعرف طريقه جديده يقولنا عليها وعاوز اعرف حاجه ازاى الحرامى بيقفل الإنذار ويسرق العربيه ؟؟ وبيفوك اللوك بتاع الدريكسيون ؟؟؟
عرض للطباعة
ياجماعه لسه عربية جارى مسروقه النهارده بيجو 504 تاكسى
:_Alshmokh08[1]:
ياريت كل واحد يعرف طريقه جديده يقولنا عليها وعاوز اعرف حاجه ازاى الحرامى بيقفل الإنذار ويسرق العربيه ؟؟ وبيفوك اللوك بتاع الدريكسيون ؟؟؟
هو موضوع قفل الدريكسيون ده كويس سواء من خلال القضيب الحديد اللى بيقفل مع دواسة البنزين أن بيمسك فى الدريسكيون نفسه؛ بس بجد اللى نفسى أعمله زرار بيقفل الدايرة الكهربائية للعربية ويتحط فى مكان مش معروف؛ بس لسه عاوز أسأل هل بيخرج العربية من الضمان ولا لأ، وربنا يستر علينا فى الأيام اللى جاية دى.
بالنسبه للضمان معرفش نظامه أيه
وبخصوص فصل الكهرباء
أنا عاملها مع ريموت الإنذار يعنى لما تقفل بالريموت
العربيه تدى مارش لكن متدورش غير لما تفتح تانى بالريموت
وطبعا الريموت معايا نسخه
وفى البيت النسخه التانيه
والموضوع سهل جدا
ويضاف عليها كلبشه الطاره مع الدواسه بالقفل الحديد لو المشوار فى مكان غير موثوق منه
والله المستعان
http://www.nilemotors.net/Nile/203690-a.html
اعمل زرار الفصل عن المارش او الموبينة
الواحد تعب والله من سرقة العربيات الي بيسمعها هنا كل يوم .. ده غير الناس الكتير الي مش مشتركة هنا ..
الواحد بقي بيخاف يخرج بالعربية دلوقتي !!
طب والله لسة مافيش من يوم او اتنين لسة حلمان ان عربيتي استرقت وصحيت من النوم ؟؟
اللهم قنا واصرف عنا شر ما قضيت
الحمد لله ياباشا وواحشنى والله
الإنذار اللى عندى سباي ومش مهم النوع
الفكره كلها الكهربائى بيضيف كتاوت
(بيسميه ريليه فصل )
فصل للمارش أو طلمبه البنزين حسب إختيارك
وده بيتوصل مع دايره الإنذار بحيث لما تقفل العربيه بالريموت
حتى لو تم فتحها بمفتاحها الأصلى
مش هاتدور غير لما تفتح الريموت الأول
بس زى ما قولت لو قفلت بالريموت مش هاتدور غير لما تفتح بالريموت تانى
أما لو قفلت بالمفتاح بس يبقى هاتدور عادى من غير ريموت
والموضوع مش مكلف
مفتاح الفصل 15 : 20 جنيه نوع محترم
والكهربائى زيهم
وأنا فى الخدمه ياباشا
ده أنت جمايلك مغرقانى
العفو ياباشا
وربنا ينجينا من الحراميه
الواحد بقى بيسمع عجب اليومين دول
ونفس فكره زرار الموبينه الخفى
تتعمل بس بريموت الإنذار بدل المفتاح الخفى
مفتاح فصل الكهرباء عن الموبينة افضل حل وخبية فى مكان جيد و ممكن لما تنزل من العربية تحشر حاجة فى الشكمان ولما تيجى تستخدم العربية شيلها
الله ينور يارجاله :B4_388:
بس انا كان معايا عربيه فيها مفتاح فصل للموبينا وأنا مكنتش عارف إنها فيها مفتاح فصل :frown:فاجيبت الكهربائى قالى ديه فيها مفتاح فصل :welcome2:قولتلوا طيب والعمل قالى طيب إفتح الكابوت تانى وراح جايب سلكه طويله وموصلها من المرش عندى على العربيه على طول راحت العربيه دارت:x1[1]: عادى والموضوع ده مأخدش دقيقتين ولا حاجه
ومنغير كمان مايسأل أنا حرامى ولا إيه :00020140:
يعنى معنا كده ان الحرامى موش هايغلب
حبذا لو فى طرق تانيه غير الحاجات ديه
اللى يعرف حاجه تانيه يقولها ياجماعه
الموضوع للفائده العامه
ودى مجرد تجربتى الشخصيه
ازيك ياا طارق يا زميل الكفاح ..
انا بشيل فيوز المارش من علبه الفيوزات اللي تحت الدركسيون وانا نازل من العربيه وبحطه تاني قبل ماادور الموتور مجرد اني عرفت وظيفه الفيوز ومكانه ..
هو احسن حل انا شااايفة
تفصل المااارش مع الريموت
يعني لما تقفل بالريمووت العربية ماتدورش خاالص
انا هاعملها انشاء الله
أستاذ طارق يا عظيم
ياريس كلامك حلو جداً؛ بس كنت عايز أسأل هل ينفع مع الريموت الأصلى للعربية؛ وبعدين مدى نجاحه أيه؟؟يعنى هل يسهل تشغيله من قبل الحرامى بتوصيل سلكتين من خارج السيارة ولا الزرار يبقى أقوى فى الحالة دى. وآسف على الإطالة بس ردك طمعنى.
ياباشا العظمه لله
وربنا يكرمك يارب
أنا والله على قدى مش محترف ولا حاجه
بس طبعا عربيتى أتسرقت وبفضل الله رجعتها
يبقى اللى يتلسع من الشوربه ينفخ فى الزبادى
وردود الأعضاء هنا خليتنى عديت عالكهربائى وأنا مروح أمبارح
عشان أتأكد هل سهل حد محترف يفصل الشغل ده من بره
قاللى هوه بفرض أنه دخل العربيه وفتح الكبوت
ومعاه عده كهربا هياخد مش أقل من نص ساعه عشان يدور ويعرف أيه اللى معمول بالظبط
ويمشى ورا أسلاك الأسبراتير ويعرف أيه اللى شغااال وأيه اللى فاصل
ومظنش فى حرامى فى الدنيا هيقعد يحاول فى عربيه كل ده
وطبعا الحارس ربنا فى الأول والآحر
بس تعمل اللى عليك
أستاذ طارق
ربنا يكرمك على سرعة ردك واهتمامك ويجعله فى موازين حسناتك يوم القيامة.
ربنا يحفظ لك سيارتك ويرزقك شكر نعمه عليك.
أنا بجد شاكر لسيادتك جداً، وإن شاء الله أسأل فى التوكيل عن إمكانية عمل هذا الفصل الكهربائى سواء عندهم أو عند كهربائى وهل سيكون فى الريموت أم بزرار داخل السيارة، وتأثيره على الضمان؛ وأرد على حضرتك.
ومرة أخرى وأخيرة تشرف بحضرتك جداً وتسعدنى صداقتك وأتمنى استمرار المشاركات الإيجابية.
تحت أمرك يا جميل فى أى وقت
والشرف ليا بمعرفتك
تحياتى
انا دلوقتى عارف حوار الزرار المخفى
بس فيه مشكلة فى حوار الانذار:
دلوقتى الى فهمته اننا هنربط المبينة مثلا بالانذار
(انا مش عارف شكل دايرة الانذار) بس لو دايرة الانذار ديه عبارة عن سلك فقط من البطارية
معنى كدة ا لو السلك ده اتقطع الحوار بقى زى قلته (و اعتقد ان لما حرامى بيسرق عربية بيفصل الانذار الاول)
الكلام ده صح ولا فيه حاجة انا مش فاهمها ؟؟؟
ايه يا جماعة ايه الكلام كلامى صح ولا ايه ؟؟؟
سلام عليكم
معلش يا جماعة انا حاسس اني نشاذ في الموضوع ده
طيب واللي عنده فيات 127 من غير انذار يعمل ايه
ومحدش يقوللي يعمل اعلان عشان حد ييجي يسرقهاله هههههه
انا لقيت فكرة رهيبه علي اليوتيوب
ادعولي
[youtube]http://www.youtube.com/watch?v=1gpZZlWB0VU&NR=1[/youtube]
كان فيه طريقة عملها عضو فى المنتدى انه ربط الفرامل بالدبرياج بحديده بقفل بحيث انه الاتنين يتحركوا مع بعض وانا بصراحة معجب بالفكرة دى جداااااااااا
وبالنسبة لقفل الدركسيون ممكن ينشر الدركسيون ويشيل منه القفل بمنتهى السهولة
ودى طرق تانى للتامين
http://www.allproducts.com/manufactu...8/product2.jpg
http://i.walmartimages.com/i/p/00/01...AV_500X500.jpg
http://farm4.static.flickr.com/3511/...6ffe108c1b.jpg
وده رائع جداااااااااااا
http://t3.gstatic.com/images?q=tbn:A...4Lcgpfffhd&t=1
وده كمان بسيط وفكرته رخيصة وممكن تتعمل عند الحداد
http://www.alphalock.com/wp-......./...ront-wheel.jpg
وده كمان رائع وعاوزله تفكيره كده عشان يتعمل
http://gearheads.in/attachment.php?a...8&d=1283578659
يارب اكون قدرت افيدم واساعدكم على قد ما اقدر وتستفادو من الموضوع ده وربنا يحافظ عليكم وعلى عربياتكم
بس انا عن نفسى هختار الطريقتين دى (هحاول افكر فيها وانفذها زى الصورة)
http://gearheads.in/attachment.php?a...8&d=1283578659
ودى
http://t3.gstatic.com/images?q=tbn:A...4Lcgpfffhd&t=1
رغم انى كنت رايح اعمل موضوع مفتاح المارش المستخبى الا انى مفضل حل بعيد عن كهربة العربية وهعمل الاتنين دول بأذن الله ولو فشلت هعمل حديده بقفل على الدبرياج والفرامل بحيث انهم يتحركوا مع بعض وبعد التنفيذ بأذن الله هوريكم الصور
حلوه حوار ربط الفرامل مع الدبرياج ديه فكره كويسه
الله ينور يا
</B>beshomilan
بس القفل اللى فى الصورة الأولى بتاعة الفرامل والفتيس ديه أجيبها منين ؟؟؟؟
عجبتنى بردوه فكرة الأستاذ
</B>hellboy
وتقريبا إسمه أستاذ فادى علشان فى حد هنا نده عليه وأنا بما إنى نبيه شويه فا عرفت:first:
اشكرك اخى wasta
ممكن تتعمل عادى جدا بس عايزة تفكير كويس اوى وابدا بعدها فى التنفيذ
ودى برضه ممتازة جدا وتتعمل بكلبش الدركسيون عادى
http://i.walmartimages.com/i/p/00/01...AV_500X500.jpg
وممكن زى مافى الصورة الكلابش لو طويل يتربط الدبرياج فى حديد الكرسى اللى من تحته بدل زى مافى الصورة
او نربط الدبرياج مع الفرامل بحديده واحده بقفل
وكمان نعمل مفتاح فصل الكهربا المستخبى
وكمان واحد فرامل اليد مع الفتيس مع مسوجر الدركسيون مع الانذار هتكون العربية مؤمنة ازاى وطبعا ده بعد حماية ربنا لينا
انا عندى طريقة بعملها فى كل العربيات بتاعت البيت سلك اللى واصل للموبينة بقطع حتى منة و اوصلة سلك من الحوض بتاع العربية لحد جوة العربية و اركبلة مفتاح شدة واحدة و بخبية فى العربية و لما انزل من العربية بشدة طبعا لو قعد من هنا للصبح استحالة العربية تدور غير لما يلاقى المفتاح و يضغط علية و فى العربية بتاعت الحاجة عاملة فى زراير الطابلوة