الموضوع: حصرى ومتجدد : جميع اسـعار قـطع غيـار ( نيسان صنـى + نيسان تيـــدا ) خـــارج التوكـيل

السلام عليكم
يا شباب ارجوكم حد يفيدنى
انا جديد فى العربيات وكمان جديد فى المنتدى هنا.... اشتريت نيسان تيدا 2008 مستعمله وبعد فتره اكتشفت ان الميه بتنقص اوى فيها لما روحت للميكانيكى قالى طرمبة الميه ومن ساعتها وانا دايخ عليها ومش لاقيها ...ياريت حد يقدر يفيدنى

لو سمحتوا انا لسه جايب صنى 2007 مانيوال ماشيه 90 الف وعندى 3 مشاكل ( الديبرياج تقيل فى اخر دوسته + ال 40 لتر بنزين بيعملو 340 الف كيلو تقريبا جوا البلد بدون حرق او تكيف ورجلى خفيف جدا + خرطوم طرمبه البارو بيجيب زيت) ممكن تقولولى حل كل مشكه وعايز اعرف مركز صيانه كويس ومش حرامى اعمل صيانه فيه يكون قريب من مصر الجديده ....شكراا مقدما واسف للاطاله .

المشاركة الأصلية كتبت بواسطة moh hamed

السلام عليكم
يا شباب ارجوكم حد يفيدنى
انا جديد فى العربيات وكمان جديد فى المنتدى هنا.... اشتريت نيسان تيدا 2008 مستعمله وبعد فتره اكتشفت ان الميه بتنقص اوى فيها لما روحت للميكانيكى قالى طرمبة الميه ومن ساعتها وانا دايخ عليها ومش لاقيها ...ياريت حد يقدر يفيدنى

انا معروض عليا نفس العربية اتوماتيك ب 70000
يا ريت يا باشا لو تفدنى جبتها بكام وحالتها ايه وكشفت عليها ازاى
اكون شاكر جدا

الكلاكس بتاع تيدا 2007 مش شغال وروحت لكهربائي قالي فلاته الكلاكس عايزه تتغير فياريت حد يفيدني ويقولي بكام ومنين ؟؟؟؟

عايز اعرف سعر المقصات و كاوتش التراب و الكبالن

اول جروب للنيسان صني علي الفيس بوك

نتبادل جميع المعلومات حول السياره

https://www.facebook.com/groups/nissansunny

المشاركة الأصلية كتبت بواسطة Ahmed.TV

السلام عليكم اعضاء قسم نيسان

جبتلكم اسعار قطع غيار نيسان صنى خارج التوكيل بعد جولة عشان خاطر عيونكم
على بعض محلات قطع الغيار فى السوق , سواء محلات فى التوفيقية او فيصل

ممكن لو تكرمتم تقولولنا عناوين و تليفونات محلات ق غيار التيدا حيث اني و الحمد لله عملت حادثة و محتاجة فانوس امامي و قربة مياه مساحات و يمكن حاجات تانية

جزاكم الله خيرا


اسيبكم مع الاسعار :

• مساعدين امامى = 700 kyp يابانى

• مساعدين خلفى = 400 جنيه kyp يابانى

• فلتر هواء = 90 جنيه يابانى

• فلتر هواء = 100 جنيه كورى

• بوجيهات = 65 جنيه دينسون

• مجموعة سيور = 130 جنيه

• مقصات امامى = 350 جنيه تايوانى

• جلب مقصات = الاربعة ب150 جنيه ماليزى

• طنابير امامى = 475 جنيه يابانى

• تيل فرامل امامى = 175 جنيه يابانى

• تيل فرامل خلفى =175 جنيه يابانى

• طنابير خلفى = 400 جنيه ايطالى

• بلى عجل امامى = 150 فى 2 يابانى

• فلتر تكيف = 100 جنيه تايوانى

• قعدة ماتور = 350 جنيه

• فانوس امامى 2009 كامل = 295 تايوانى

• فانوس خلفى 2009 كامل = 285 تايوانى

• كاوتشة التراب = 50 جنية الطقم والطقم فيه 2

• الكبالن = 650 جنية تايوانى للجوز

• الكبالن = 550 جنية يابانى nkn للجوز

• الكبالن = 650 جنية كورى بضمان سنة مع المحل للجوز

• رادياتير = 480 جنية تايوانى

• عمود اتزان = 800 جنية جديد

• عمود اتزان = 300 جنية استيراد

• علبة دريكسيون = 3520 جنيه يابانى جديد

• علبة دريكسيون = 1800 جنية يابانى استيراد

الكاوتش :






كاوتش مقاس 185-65-15

• بريدج ستون ايطالى او فرنساوى = 500 جنيه

• بيرلى تركى = 335 جنيه

• يوكوهاما يابانى = 425 جنيه

كاوتش مقاس 195-60-15

• ميشلان = 500 جنيه

• بيرلى انجليزى = 475جنيه

• بريدج استون ايطالى او فرنسى 550جنيه

بطاريه:

- جارى السؤال عن اسعار وانواع بطاريات 55 امبير و70 امبير

زجاج السيارة:

- زجاج بربيز امامى = 500 جنية يابانى

- زجاج جانبى = 75 جنية مصرى جريش

اضافات الاعضاء لتكملة باقى الاسعار

كارتيرة ماتور = 35 جنيه تايوانى مضافة من العضو (peaceman)
- بطارية جافة 55 امبير = 415 جنيه actron ..مضافة من العضو(peaceman)
- بريبريز امامى = 250 جنيه جريش مصرى ..مضافة من العضو (beckeryahia)
- نيسان صني 2001 -1300 سي سي مضافة من العضو (mn2020 )
* فانوس اشارة تايواني35 جنيه
*1كشاف امامي تايواني140 جنية
*اكسدام امامي تايواني170 جبيه
*2فانوس شبورة صيني بالضفيرة 225جنيه
*2كوبلن تايواني220 جنيه
*1فانوس خلفي (في الرفرف)75 جنيه
*1فانوس خلفي عاكس(في الشنطة) 65 جنيه

ملحوظة :-


- الاسعار ممكن تفرق من محل الى محل ممكن 10 جنية وممكن 50 جنيه وهكذا


- وارد جدا الاسعار تتغير بعد فترة


- اللى يعرف اسعار خارج التوكيل اخرى خصوصا لو كانت بنود مختلفة او زيادة عن اللى حطتها ياريت يمدنا بيها عشان الاعضاء يستفادوا منها واى اضافة جديدة من اى عضو حنذكر اسمه جنبها بالازرق


- واللى محتاج لحاجة دايما يبعتلى على الخاص

- الموضوع متجدد باستمرار بتفاعلتكم واسالتكم واضافتكم

واتمنى ان الموضوع يكون مفيد للجميع

------------------------------

الموضوع الثانى

معلش الموضوع اخد وقت عقبال ما جمعته واتعمل .. لان اخدت جولة كبيرة ووقت عقبال ما نزلت ولفيت وجمعت الاسعار

وتم تجميع اسعار قطع الغيار من محلات فى فيصل والتوفيقية ودمشق والحرفين .. وبالاخص من دمشق ومن الحرفين

واحيانا ايضا تم تجميع اسعار قطع الغيار البديلة عن الاصلى من منافذ بيع اصلية لنيسان ومعتمدة.. لان بيكون عندهم بجانب الاصلى بيكون فى تايوانى وكورى

المفاجاءة ان الاسعار قريبة جدا او تكاد زى نيسان صنى بردوا خارج التوكيل

وطبعا المفاجاءة بردوا ان الموضوع ده حصرى جدا لنايل موتورز وبالاخص لصقور نيسان
والحمد لله لا يوجد مثيل للموضوع ده فى المنتديات العربية المتخصصة للسيارات وفى نيسان
غير عندنا وبس

الحمد لله دايما عندنا الخير والمعلومات والكنوز فى قسمنا
بسبب اعتزازنا وحبنا للمكان والاعضاء اللى فيه .. وبسبب العلاقة الاسرية والاخوة اللى بين الاعضاء
اللى بتحملنا الكثير الكثير لاجل خدمتهم وارضائهم

1- فانوس تيدا سيدان امامى 2009 = 350 جنيه تايوانى

2- فانوس تيدا سيدان خلفى 2009 = 240 جنيه تايوانى

3- جلب مقصات = .. الكبيرة 100 جنيه .. والصغيرة 75 جنيه

4- طقم مقصات = 450 جنيه تايوانى

5- مساعدين امامى = 850 جنيه kyp يابانى

6- مساعدين خلفى = 650 جنيه kyp يابانى

7- طنابير امامى = 650 تايوانى

8- طنابير خلفى = 360 تايوانى

9- رادياتير = 1200استيراد .. وفى جديد ب2000 جنية

10- تيل فرامل = 150 ماليزى

11- سير مجموعة = 90 كورى

12- اكصدام خلفى سيدان = 750 جنيه

13- فلتر هواء = 50 جنيه ماليزى

14- قعدة فتيس = 320 يابانى

15- طرمبة البنزين =1350 جنيه يابانى اصلى

16- بارات دريكسيون = 145 جنيه يابانى

17- سربنتينة = 1500 جنيه استيراد

18- دينمو = 600 جنيه استيراد

19- وش سلندر= 1000 جنيه استيراد

20- ماتور الباور الكهرباء = 1000 جنيه استيراد

21- حساس الحرارة = 100 جنيه من التوكيل لانه رخيص

22- صرة بلى عجل = 450 جنيه يابانى

23- كابوت جديد = تايوانى 650 ويابانى اصلى 1250

24- شنطة سيدان = 750 جنيه استيراد

25- اكصدام امامى سيدان =375 جنيه التايوانى جديد

26- باب امامى سيدان = استيراد 2500 كامل بفرشه من غير مرايا

27- صرة العجل الخلفى = 450 جنيه تايوانى

28- الكابلن = 1400جنيه الاصلى

29- البوجيهات = 400 جنيه الاصلى بلا تنيوم .. سن 14

30- بوجيهات عادية = 175جنيه فرنساوى

31- بوجيهات عادية = 125 جنيه كورى

32- بوجيهات عادية = 60جنيه يابانى ngk

33- طرمبة البنزين = 1350جنيه الاصلى

لسه باذن الله حكمل الموضوع ببعض اسعار قطع الغيار الاخرى
مثل الدنجل + الكبالن+ علية الدريكسيون+ واكصدامات التيدا 2011

ولو حد عرف اسعار لقطع غيار اخرى او زيها خارج التوكيل
ياريت يمدنا بالمعلومات اللى يعرفها

تابعونا متروحوش فى اى مكان اخر

واتمنى المجهود يعجبكم
ومتنسوناش بالدعوات

تحياتى

احمد مصطفى

----------------
مجهود متميز من العضو
تم الثبيت بواستطى
وتم الاضافة فى الموضع بناء على طلب من صاحبه
مشرف القسم
15ب

------------
تم دمج الموضوعين بناء على طلب من منسق القسم
مشرف القسم
1ب

ممكن لو تكرمتم تليفونا أو عناوين محلات قطع الغيار دي لأن عربيتي تيدا ٢٠٠٩ اتخبطت و محتاجة فانوس أمامي و طرمبة مساحات
جزاكم الله خيرا