انا معايا صني 2001 و عملت بيها 350 الف كيلو كل اللي غيرته في الموتور السيور و المارش ، سعر المارش استيراد 300 جنيه، الموتور في الفترة كان ضعف شوية يعني اخرك عالطريق 130 كيلو ، بعد كدة كومبريسور التكييف باظ، المهم رحت اشتري كومبريسور مستعمل قالولي 900 جنيه، قمت شاري موتور بالفتيس على بعضه ب 3000 جنيه 1600 سي سي و سمعت اسعار لحد 5000 جنيه بس اشتغالات، لان موتور الصني عندهم قطعة مش بتتباع لان الطلب عليه قليل جدا، بس يفرق عن الموتور بتاع مصر انه cvvt و بوابة كهرباء، الموتور اداء غير طبيعي يا جماعة رهييييب بجد حاسس ان العربية 2000 سي سي بس العيب اني اضطريت اغير ضفيرة الكهرباء جوة و برة و غيرت لوحة التحكم في التكييف.
الموتور ده هو اللي نازل في العربية الجديدة رينو اسكالا بالضبط، بالمناسبة هي نيسان صني بس غيروا العلامة من نيسان لرينو
بالمناسبة سعر الردياتير والسرينتينة مع بعض استيراد حوالي 1300 لحد 1500 جنيه.
كمان كنت غيرت الزجاج الامامي في مصنع جريش في العاشر من رمضان 250 جنيه
الفتيس الاوتوماتيك سعره لوحده 2000 جنيه و المانوال 4000 جنيه و معرفش ايه السبب في غلو المانوال