عمرو موسى طلع عميل لأمن الدوله

**ehab_mansour** · 06-03-2011 09:18 AM

مبروك مين تاني ؟
في انتظار البقية
والله انا خايف ألاقي نفسي عميل امن دولة وخاين وانا ما اعرفش
يارب رحمتك

**M.Mostafa80** · 06-03-2011 10:07 AM

المشاركة الأصلية كتبت بواسطة aly_hosny

طب عميل فين
الراجل راحله قاله انهي الثورة
عمرو موسى انهى الثورة ؟؟؟
هل سمعنا منه انه قال للناس تروح ؟؟؟؟
هل حاول يتحدث بالنيابة عن الناس
مش فاهم فين العميل
يعني مثلا لو مكتوب انهم حاولو يجندو اي حد يبقى عميل ؟؟

+11111111111111111
بعد ما ادالو الورقه كان ايعه تصرفه حكم غريب جدا الصراحه

**mailo** · 06-03-2011 10:08 AM

بغض النظر عن مين عمرو موسى بس ده شيء عدي
وبعدين أنتم نسيته إن هو اللي أسهر على مبارك بشفيق بدل رشيد عشان يمتص غضب الناس شوية

أنا مش عارف أحكم كويس فالوقائع دي
بس أنا شايف إن ده طبيعي من النظام في أثناء السكوت

الغريق يتعلق بقشايا

**fepsceasar** · 06-03-2011 10:18 AM

المشاركة الأصلية كتبت بواسطة mailo

بغض النظر عن مين عمرو موسى بس ده شيء عدي
وبعدين أنتم نسيته إن هو اللي أسهر على مبارك بشفيق بدل رشيد عشان يمتص غضب الناس شوية

أنا مش عارف أحكم كويس فالوقائع دي
بس أنا شايف إن ده طبيعي من النظام في أثناء السكوت

الغريق يتعلق بقشايا

عشان تطمن فى موضوع انتخابات الرئاسة سيبك من الجوجوه الوزارية القديمة ودور فى الباقى هتلاقى ناس محترمة وايديها ما تلوثتش
انا مش بذم فى حد ولا بروج لحد، لكن جه اسلم استراتيجية بالنسبة لى ندور فى الجديد،ح تى نجدد الدم والفكر،

**تامر.محمد** · 06-03-2011 11:17 AM

مش فارقة معايا الورقة دي بصراحة
من الأول مواقفه زي الطين

**otefa** · 06-03-2011 11:33 AM

المشاركة الأصلية كتبت بواسطة zalpany2000

يعني امن الدولة بياحاول مع سقوطة .. انه يعمل بلبلة في الرأي العام
وبكرة تطلع وثائق تشتم في البرادعي
و بعده وثائق علي البسطويسي
ونفضل كده في ضلمة
لحد ما يعملوا اللي عايزينه
وبعدين نبقي بننتقم من نفسنا

يا جماعة ... للي ما احتكش بأمن الدولة ... انا من وانا طالب في الجامعة ..ايام انتخابات اتحاد الطلاب... بيضغط علينا منهم ... وده مش معناه اننا مش رجالة ولا معناه اننا معاهم وموافقين
كنا بنخلص الانتخابات احيانا في مكاتب الامن
كل حاجه بتحصل في البلد بتصريح منهم ... وتحركات الناس بتبقي باوامر منهم .. لدرجة ان ترقياااات الاساتذة بتبقي احيانا كتير واقفة بسببهم
مش بادافع عن عمرو موسي
بس الراجل ماوقفش ضد الثورة
ولا وقف معاها .... خد موقف دبلوماسي ... في وقت كان مهم جدا يفكر مليون مرة قبل ما يتحرك سياسيا ... علي الاقل بحكم منصبه

انا بس حبيت الف نظركم ... الي ان الوثائق دي ... كانت ممكن تتفرم في اي وقت سابق ... اشمعني امبارح و النهارده
وبعدين مش صعب في خلال ساعات قليلة جدا ... كللللللل الملفات كانت ولعت ... عادي يعني .... او حرقوا المقار نفسها !!!!
الموضوع فيه شبهة برضو ان اللي حصل مقصود .. وان الوثائق اللي طلعت ليها دور في بلبلة الرأي العام

ناخد بالنا ... بلاش الانجراف والحكم السريع
تحياتي

**mohamedshawky230** · 06-03-2011 11:45 AM

مع احترامي الشديد لصاحب الموضوع الا اني لا ارى غير ان ضابط قوات مسلحة (يعني مش امن دولة ) وترك له رسالة -الهدف منها محاولة لحل الازمة

**memo_p910** · 06-03-2011 11:50 AM

شكرا واجب للدكتور البرادعي اللى صحّى الحلم جوّانا , اللى قالّنا انتوا اللى هتغيروا مش امريكا ولا النخبة المثقفة , اللى قالّنا لو نزل 500 الف في الشارع النظام هيتغير , اللى قال مصر تستحق حكم رشيد افضل من اللى بيحكمها. ابتدى مشواره مع الشباب بالحلم غدا يصبح الحلم حقيقة فى 12أبريل 2010...إذا لم تشارك اليوم فلا تشكو غداً ...قوتنا فى عددنا... و حاول كسر حاجز الخوف بداخلنا. البرادعى هاجم النظام صراحه و دون رياء و عشان كده شنّ النظام الفاسد حملة تشويه حقيره عليه , مين غيره عمل كده ؟ أين كان عمرو موسى قبل كده ، ليه دلوقتى بس سمعناله صوت, كان نايم فى القصور و الشقق الفاخره و بيركب المرسيدس و خلافه و لاحاسس بالشعب و كان بيطبّل لحسنى مبارك و صرّح علانية بأن لو حسنى اترشح هينتخبه. عمرو موسى عندما كان وزيراً لخارجية مصر كان يرفض من موقعه هذا وجهات نظر الاتحاد الأوروبي في تعميم الديموقراطية في مصر حينما كان يدخل في مفاوضات معه حول أية مساعدات للدولة المصرية، أي أنه كان ببساطة أميناً للنظام المخلوع في تصوراته عن مصر والعالم. و بعد الثوره عاوز يبقى رئيس! رجاء من اللى مصدّقين اشاعات النظام المخلوع عن الدكتور البرادعى يتأكدوا من الحقيقة الأول بدل ما يمشوا بالسمع ، تماماً مثل التعليقات التى تنسب إليه دوراً في غزو العراق . فمن مساوئ التفاعلي أنه يتيح للجهل أن ينتشر بسبب سذاجة البعض السياسية ، الدكتور البرادعى كان من أشد معارضى غزو العراق، و موقفه موثّق و معروف لكل المراقبين بانه رفض ضرب العراق و اعلن خلوه من أسلحة الدمار الشامل و كان له دور في سحب شرعية الامم المتحدة في ضرب العراق. بحث بسيط على جوجل سيؤكد بالصوت و الصورة لأى باحث عن الحق صدق هذا الكلام. مثلا اكتب بحث عن "من الذى وافق على حرب العراق" أو "مقارنه بين عمرو موسى والبرادعي

-

الموضوع: عمرو موسى طلع عميل لأمن الدوله

LinkBack

أدوات الموضوع

عرض

-

-

-

-

-

-

المواضيع المتشابهه

احسن كلمة قالها عمرو موسى حتى نعلم من هو عمرو موسى الذى غطى اعلامنا ايجابياته

عمرو موسى

الكلمات الدلالية لهذا الموضوع

المفضلات

المفضلات

ضوابط المشاركة