الموضوع: بلال فضل : سنفتقد البلوفر ........

وأنا مش هتكلم لا على شفيق ولا على الأسوانى لأن الأتنين ميهمونيش فى حاجه....لكن أنا هوضح بس نقطة أن علاء الأسوانى لما على صوته وكان بيقاطع شفيق وهو بيتكلم ده عشان شفيق بأسلوبه المستفز مرضيش يجاوب على سؤال سألهولو الأسوانى عن دم الشهداء وايه اللى أتعمل عشان يتم القصاص من اللى قتلهم...طبعا أحمد شفيق مردش بإجابه واضحه تريح الناس كلها وتطمن أهل الشهداء أن دم ولادهم مراحش هدر وهو ده اللى خلانا كلنا نستفز من أحمد شفيق وده اللى خلى أسلوب الحوار يبقى بالشكل ده من الأسوانى.
أما بالنسبه للدول المتحضره اللى حضرتك بتتكلم عليها لما يحصل حاجه زى اللى حصلت فى مصر (ده لو حصلت أصلا لأنهم عارفين يعنى ايه حقوق المواطنه)بيتم حساب المسؤل مباشرة وفى أسرع وقت ممكن مش زى اللى حاصل عندنا دلوقتى.

المشاركة الأصلية كتبت بواسطة gemy1

هو مين بلال فضل ده اساسا و ليه معين نفسه كاتب الثوره و المعلق الوحيد و المحرك الوحيد و ان كلامه كله قران و الناس بتردد كلامه كله ده على اساس ايه هو ليه بيركب الموجه و الناس ماشية وراه ؟!

المشاركة الأصلية كتبت بواسطة MMamdouh

بص انا مليش دعوة بشفيق ينفع ولا مينفعش ولا سياسيا جامد ولا لا ولا كل الرغى دة... انا بتكلم فى نقطة محددة

مينفعش يبقى اساس الحوار مع اى حد علو الصوت و المقاطعة المتكررة و فتحة الصدر... دة حوار بين ناس محترمة مش خناقة فى سوق الجمعة

مهما كنت مختلف معاك و مهما كنت بتحاول تراوغ او معدكش اجابات مقنعة... مينفعش انى اعللى صوتى و اهلل و اقاطعك فى كل كلمة تقولها... دة ادب حوار و ملوش اى علاقة لا بالسياسة ولا مدى اتفاق او اختلاف المتحاورين فى وجهة النظر

دة اللى انا بتكلم فيه... المشكلة ان كل ما اتكلم مع حد فى القصة دى اما يدخل فى سكة ان شفيق من النظام القديم او دم الشداء او اى حاجة غير اللى انا بتكلم فيه... انا مليش دعوة شفيق قال ايه و الاسوانى قال ايه... المهم الاسلووووووب

لو الحوار بين الناس حيمشى كدة يبقى صاحب اعلى صوت هو الصح و اللى يلحق يتكلم قبل التانى هو الصح... الموضوع واضح و مش محتاج شرح تفصيلى

و بعض الناس جابتلى مناقشات فى بلاد اوروبية متحضرة و كان فيها نقد لازع بين المتحاورين و خلافة و انا علقت برضة على كل الكلام دة و قولت ان الحوار برضة ماشى فى سياق الادب و الاحترام... انا مش لازم ابقى قليل الذوق عشان ازنقك فى ركن او احرجك لو انت بتتهرب

انا شوفت مؤتمر صحفى كان فيه جورج بوش ايام ما كان رئيس امريكا و صحفية سالتة سؤال و هو جاوب اجابة فى اللا وعى و ملهاش علاقة بالسؤال... المذيعة بمنتهى الهدوء و البساطة قالت لبوش بعد ما خلص كلام... you have not answered my question

اعتقد دة الفرق الواضح وضوح الشمس بين الناس المتحضرة بجد و بين امثال الاسوانى

MMamdouh

قصدك كده يا محمد

[youtube]http://www.youtube.com/watch?v=S_wu0lSj164[/youtube]

طيب ولما رئيس الوزراء يقل ادبه ويتهم محاوره بعدم الوطنية ويشكك فيها باستهزاء "متلبسليش الوطنية انا وطني قبل انت ما تتولد" وكل ده علشان سالو عملت ايه في اللي قتلوا الشهداء
طبعا المقارنة بين رئيس وزراء بريطانيا وبين شفيق في غيرمحلها اصلا ومضلله وهناك لو اخطأ بلير خطأ صغير يتضرب بالبيض والطماطم في وجهه ويقدم للمحاكمه مش يزعقوا له كما ان بلير مهذب ويحترم عقلية محاوريه
من مقال فضل

أقسم بالله أننى شاهدت تسجيل الحلقة مرتين ولم أجد أبدا شتيمة أو سبابا أو لفظة نابية وجّهها الأسوانى لشفيق،

اللي هاجم الاسواني اما انه لم يشاهد الحلقة بالكامل واسلوب المراوغة الذي اتبعه شفيق
او يكره الاسواني لاسبابه النفسية

((يَا أَيُّهَا الَّذِينَ آمَنُواْ كُونُواْ قَوَّامِينَ لِلّهِ شُهَدَاء بِالْقِسْطِ وَلاَ يَجْرِمَنَّكُمْ شَنَآنُ قَوْمٍ عَلَى أَلاَّ تَعْدِلُواْ اعْدِلُواْ هُوَ أَقْرَبُ لِلتَّقْوَى وَاتَّقُواْ اللّهَ إِنَّ اللّهَ خَبِيرٌ بِمَا تَعْمَلُونَ )