انا جربت اللانوس والفيرنا والرينو كليو
الرينو كليو بصراحة عربية مختلفة عن اللانوس والفيرنا خالص
موتورها انعم بكتييييييييير
من جوة اشيك بمراحل من الإتنين
التسارع بتاعها عامل زى تسارع الفيرنا بس بدون زعيق موتور الفيرنا
الثبات على الأرض احسن من الإتنين
بس يا خسارة الحلو ما يكملش، قطع غيارها غاليه وبعض الاجزاء الإلكترونية بتاعتها كانت بتبوظ، وتقيلة فى البيع، وصالونها اضيق من الفيرنا اللى هى اضيق من اللانوس
الحاجات اللى بتتراجع فيها هى نفسها اللى بتتراجع فى أى عربية تانية، موتور وشاسيه وعفشة وراشة دواخل وللا لأ
واهم حاجة تاخد بالك منها ان العربية بتدور بسلاسة وتمشى بسلاسة ومش بتنتنش او بتقطع وانت ماشى ومش بتبطل لأان هى دى عيوب الإلكترونيات بتاعتها
لو عايز عربية تقعد معاك كذا سنة الرينو كويسة اوى، لكن لو هاتبيع قريب خليك فى لانوس او فيرنا، لأنهم اسرع فى البيع
المفضلات