الموضوع: الظاهر يا جماعه انى لازم اروح التوكيل

قدر الله وماشاء فعل يا أستاذ أحمد
معتقدش إن ممكن حد يقدر التكلفة هاتكون كام في التوكيل بخلاف التوكيل نفسه
انا رأيي مادامت بعيدة عن الميكانيكا والكهرباء أفضل إن حضرتك تعملها برة لأن هايكون فيه فرق ملحوظ في التكلفة بين الاتنين

ربنا يأجرك في مصيبتك ويخلف لك خيراً منها

قدر الله وماشاء فعل...احمد الله وروح لسمكرى يكون كويس او معرفة حد موثوق فيه وربنا يعوضك خير عنها

المشاركة الأصلية كتبت بواسطة akarem

السلام عليكم جميعا
انا اللى عربيتى الجديدة اتخبطت وقولتلكم امبارح ان الاكصدام اتطبق
لكن اتفاجأت امبارح ان كمان الخبطة أثرت على الباب اليمين لاقيته رد شوية لبره لدرجة انه مش بيفتح غير ربع فتحه مش عارف بقى الباب هوا اللى رد والا الصاج اللى دخل جوه
معلش اعذرونى مش مركز من ساعه ماعرفت
هل كده بقى الاحسن انى اروح التوكيل والا اعملهم الاتنين بره
ولو هعملهم في التوكيل الاتنين الاكصدام و الباب تقريبا كده يتكلفوا كام لاحسن بطنى وجعانى من ساعتها
ولكم جزيل الشكر

قدر الله و ما شاء فعل

إن شاء الله تكون حاجة بسيطة

اللى فهمته من وصف حضرتك ان الاكصدام الامامى طرفه دخل لجوه... و دى ممكن تترد بالايد عادى

اما الباب, فلازم سمكرى يكون شاطر يشوفها... و إن شاء الله دى حاجة بسيطة مش مستاهلة تروح توكيل

حضرتك ابقى طمنا عملت ايه

الف شكر ليكم يا جماعه على الردود الجميله ديه
طمنتونى فعلا الناس لما شافتها قالت لى الحمد لله بسيطة مش مستاهلة توكيل ان شاء الله هعملها عندى في الحرفيين انا ساكن هناك هاشوف واحد كويس كده وهعملها عنده وان شاء الله هبقى اطمنكم عملت ايه
وجزاكم الله خيرا مرة تانية وياااااااارب يبعد عنى وعنكم وعن المسلمين جميعا كل شر و سوء