الحل بسيط جدا يا فندم
حضرتك لما تقفي ترفعي فرامل اليد وتشيلي رجلك من على الفرامل خالص
وبعدين لما تحبي تتحركي تدي الاولاني وتشيلي رجلك سنة من على الدبرياج وتدوسي سنة بنزين لحد ما تحسي ان العربية عايزة تتحرك بس مكلبشة بسبب فرامل اليد
ساعتها نزلي فرامل اليد وزودي سنة بنزين وارفعي سنة من على الدبرياج هتلاقي العربية طلعت لقدام من غير ما ترجع سم واحد لورا
او الطريقة التانية كالتالي
انتي واقفة دلوقتي ودايسة فرامل وعايزة تتحركي
بتدي اولاني وترفعي رجلك من على الدبرياج لحد ما تحسي ان العربية خدت عزم للحركة بس واقفة بسبب الفرامل اللي انتي دايساها ساعتها ارفعي رجلك من على الفرامل ودوسي بنزين واتحركي عادي
ايهما تفضليه دا شيء يرجعلك طبعا وتحت امرك دايما
المفضلات