انتو طبعا عارفيين مشكلتى مع العربية الهيونداى فيرنا وان الموتور بتاعها بياكل الزيت والعربية مش بلاقى فيها زيت
وانا فى المشكلة دى بقالى فترة لحد ما خلاص مش عارف اعمل ايه
عرض للطباعة
انتو طبعا عارفيين مشكلتى مع العربية الهيونداى فيرنا وان الموتور بتاعها بياكل الزيت والعربية مش بلاقى فيها زيت
وانا فى المشكلة دى بقالى فترة لحد ما خلاص مش عارف اعمل ايه
كان ممكن تضيف حضرتك "جميع ما سبق"
علشان تسهل علينا
عندك حق المفروض كنت اضيف جميع ما سبق مع مشاكل اخرى
ممكن نقول عدم الخبرة والضغط الكبير ممايسبب سوء الصيانة
مافيش مراقبة لازمة من المهندسيين على العمال مما يسبب الاهمال الشديد فى الصيانة
هيونداى سمعتها فى مصر كويسة عند اغلب الناس واكبر دليل على كلامى مبيعاتها
رغم انى شخصيا مش بحب العربيه الهيونداى
سوء التقفيل و سوء الصيانه اهم سببين.
لو بصينا للعربيات المجمعه بره زي الماتريكس مثلا مش حنلاقي فيها مشاكل
انما الفيرنا و مشاكلها نابعه من غبور نفسه
عندك حق يا استاذ حازم فعلا المشاكل والعيوب نابعة من غبور نفسه
برجاء من المشرفيين تثبيت الموضوع للاهميته وشكرا
والله هي كلها مشاكل الفيرنا بس الحق الموتور سحبه حلو
بس انا اسمع ان الفيرنا 2008 دلوقتي ظبطو شويه عيوب فيها وبقت تمام والله اعلم
بس انا كتير بشوف ناس تشكر في غبور
وكتير ناس بتشتكي بس الاغلبيه للشكوي
بس انا اعتقد سوء السمعه من التوكيل
خلاص قفلت 31 مع التوكيل ومش عارفين يعملوا حاجة ...
بجد الحل ... لو مكانك أروح حط العربية فى السلطان حسين على الرصيف المجاور للمعرض واكتب عليها ... ( تباع لسوء المعاملة .... ولمشاكها الكثيرة ... ) وصور العربية وابعتها لهيونداى كوريا
وورينى حيعملوا ايه !!!
1-تقفيل سئ
2-سوء صيانه نتيجة عدم الخبره الجيده للصنايعيه و بعض المهندسين
3-سوء المعامله(برود ولا مبالاه)....
انا اللى واجهته مع التوكيل نقطه 2 و 3
حضرتك لية ما جربتش تاخد الطريق القانوني....
يعني تروح تقدم شكوي رسمية في جهاز حماية المستهلك قطاع السيارات....وتعيشهم معاك في المشكلة دي...
وهم عندهم لجان فحص فني...يعني ايلي هاتقولة...هايتكشف علية منهم..
زي مالعربية قرفاك وبتاكل زيت وبتصرف عليها....اقرفهم واقلق راحتهم....وقولهم ان لو الجهاز اثبت كلامي انا هاعمل شكوي في الجرايد وفي كل مكان اقدر اشتكيكوا فية....
وابعت للشركة الام في كوريا...المهم انك ما تسكتش....يعني ما تسيبش حقك...واجري شوية وراة....حتي لو مش حقك هاييجي...يبقي عملت ايلي عليك..
وربنا يقويك ...وينصرك علي الظالمين..
انا أخترت كل الحجات الى فوق
مش علشان انا مبحبش عربيات هيونداى ولا لأنى متحيز لماركه تانية
لأ لأن ده حال 90% من توكيلا مصر والى نخلى المشكله واضحه شوية عن هيونداى يمكن انتشار سيارتها بشكل ملحوظ وده فقط لأن التوكيل بتعها بيعرف يسوق منتجاته كويس نش أكتر من كده
متشكر جدا من الاخوة اللى ردو واللى عاوزيين يحلو معايا المشكلة
واللهى انا فى المشكلة دى من اول ما اشتريت العربية وفعلا بعت ثلاث اميلات للشركة الام
وعملت شكوى فى المنتدى من المهندس عاطف ولسه مكلموه الصبح وقالى انا هكلم مدير الشركة فى الاسكندرية وهرود عليك تعرفو ايه اللى حصل ولا اتصل بيا ولا حاجة وانا اتصلت بيه تانى لقيتوه ما بيرودش عليا على التليفون قولت مشغول واتصلت تانى من رقم تانى لقيتوه رد على طووول
تخيلو قد ايه حرقة الدم وعدم التقدير اللى انا فيه واساسا العربية عندهم من امبارح واتصلت بالمدير بتاع فرع الاسكندرية لقيتوه بيقولى بكره هيبعتولنا قطع غيار فى العربية ونشتغل فيها
تخيلو بقه بس انا فعلا بكره هروح جهاز حماية المستهلك ومعايا كام واحد عندهم مشاكل عند هيونداى وربنا يسهل ونرفع قضية على الشركة ونشوف اخرتها
وربنا يسهل ويعمل ما فيه الخير
انا مكنتش اعرف ان غبور بيعامل العملاء كدا وانا كنت ناوي اجيب هيونداي كمان 15 يوم بس انت كدا قلقتني منها مع اني بحب العربيه دي
ربنا معاك في مشكلتك ومتسكتش برده علي حقك وروح حمايه المستهلك واعمل شكاوي ورح هنا وهنا واكيد في حل ان شاء الله
ربنا يوفقك يا تيمو
فعلا يا جماعة دي بقت ظاهرة عند اغلب التوكيلات ودا عشان الناس بتتنازل عن حقها ولو 99 في الميه تطلب الواحد اللي باقي لاني لو انا وانت وحضرتك عاملنا كده التوكيلات هتحسن من نفسها
انا برضو كنت جايب ماروتي في توكيل نيسان ارفوني في كل حاجة معاملة قلة ادب و يضحكوا عليك في الفاتورة
ولما جبت فيرنا اديكو شايفين غبور بس انا بصراحة لسة مجربتش غبور ربنا يستر
تعرفو على قد منا مضيق من الموضوع العربية دى بس لما بدخل المنتدى هنا وبلاقى الاخوة هنا واقفة معايا وحسيين بمشكلتى وكانها مشكلتهم بنسى كل حاجة وببقى سعيد جدا يارب نفضل اخوة على طووول وبشكركم مليون مره
جميع ما سبق
لآ تقلق يا باشمهندس تامر ،،
و علي فكرة متستهونش بتأثير نايل موتورز ،،
البلد كلها عملت إضراب من خلال موقع الفيس بووك ،،
و أنا متأكد إن تأثير نايل موتورز مش أقل ،،
و عندي إحساس إن مبيعات الفيرنا و هيونداي عموما ،،
إحتمال كبير جدا تكون قلت الكام شهر اللي فاتوا
بسبب نايل موتورز
و علي فكرة عايزك لا تجد حرج في انك تقول اللي في قلبك ،،
دي فايدة المنتديات ،،
يا ريت تعمل موضوع بالبلدي كده فضيحة و تجريس للفيرنا ،،
عشان أنا حاسس إنك ماسك نفسك شوية حفاظا علي مشاعر مالكي العربية ،،
و تنشره في كل المنتديات الشبيهة و يا ريت كمان لو ليك حد في الصحافة
و لو تحاول توصل لمسئول كبير في غبور
ياجدعان لازم كل واحد شايف عيب في الفيرنا .يقول مش عيييييييب . انا لاحظت ان كل واحد عندة فيرنا عنده عيب شكل!!!!!!! نظام بختك يابو بخيت
يا اخى و الله انا مش عارف اقولك ايه غير ربنا يكون فى عونك
و ماتسبش حقك !!!!!!
خليك ورا غبور لحد ما تاخد حقك
على فكرة يا جماعة انا اشتكيت فى جهاز حماية المستهلك من شركة غبور واللى بتعملوه من استغلال بعتلهم اميل وشرحتلهم الموضوع ولقتهم اتصلو بيا وطلبو انى ابعتلهم الفواتير بتاعت الصيانة وصورة الرخصة والضمان وفعلا بعتهم ومستنى رد الفعل ور بنا يهل انا هكتبلكم الموقع علشان الكل يستفيد منه
www.cpa.gov.eg
يعني بلاش اشتري الانترا ولا ايه ؟؟ انا كنت ناوي اشتري خلاص الاسبوع ده
واللهى الاستاذ عبد عنده حق الكرولا والانسر برقبة اى سيارة هيونداى
فبلاش تضيع فلوسك فى حاجة تندم عليها وابعد عن الهيونداى
انا مش شايف حد بيشكر فى اى توكيل
كل الناس بتشتكى من التوكيلات كلها
اما التوكيل الناس مش واثقه فيه فاضل ايه؟
هى دى البلد اللى بتتجه للاستثمار؟
ليه مفيش كذا توكيل للعربيه الواحده؟
ليه كل شخصيه مسكه عربيه ومحدش يقدر يدخل عليه فيها؟
سؤال ياريت حد يجاوبنى عليه
رايحه على فين يابلد؟؟؟؟؟؟؟؟؟
ياجماعة ما كل التوكيلات زفت انا مش حاسة ان غبور سيء اوى كدة زى ما الناس مصورة ما انا قريبي معاه ماتريكس و مبسوط منها اوى بس لو يوم هيعمل صيانة الاقيه شادد الرحال من الصبح و بيروح بيته متأخر بس اهه يوم و بيعدي كمان غبور عليه ضغط جامد و مصر كلها تقريبا راكبة هيونداى و لو اى توكيل عنده كم العربيات دى غصب عنه مستواه هينزل حتى لو هو مستواه عالى و كويس
انا شايف ان عدم الخبرة يترتب عليها جميع ما سبق:d:d:d:d:d
لا تقاس هكذا يا اونا
كتر عربياتع وخصوصا انه بيصنعها هنا يعني ارباح مهولة
يعني المفروض مستوايا يعلى وليس العكس ينزل لتحت
ده سبب حجه عليه وليس دفاعا عنه
انا اعرف ان الشركه اي شركه في اي مجال لما تبيع اكتر وارباحها تعلى اكتر يبقى المفروض اقدم خدمه اعلى وأكفأ لأني مرتاح ماليا مش العكس
طيب امال بقه الوكيل اللي مش بيبليع عربيات الا فين وفين يعمل ايه يصرف على العمالي وتدريبهم وهو اصلا مش بيكسب كويس
يا أخواني غبور بيصنع اغلب عربياته هنا
يعني الربحيه لو كانت اقل من 50 في الميه من ثمن العربيه يبقى انا مش بفهم حاجه
انا رأيي في سوء سمعة هيونداي في مصر اولا التوكيل (تغور من وش غبور) تاني حاجة تقفيل غبور زي الزفت ثالث و اهم حاجة ان هيونداي كعربية عيوبها في نظري كلاتي:
1- اكسيل-اكسنت 1300-اكسنت 1500-فيرنا-نيو اكسنت 1400.
العربيات دي كلها الناس اشتكت من ثبتها الاكسيل عربية خفيفة جدا و انا جربتها بنفسي
اكسنت 1300 120 تلاقي الهوا بيلعب بيها لعب و انا جربتها علي الدائري
فيرنا الوزن الخفيف جداااااااااااااا علي 106 حصان ثباتها وحش و ده عن تجربة ناس كتير جدا و قالوا كده اكسنت 1400 ناس كتير اشتكت من ثباتها و اكسنت 1600 رامي عياش معاه واحدة و قالي 180 حلوة 200 تخاف منها جدا و ترجع بسرعة لكن لا بأس بالثبات بتاعها اكسنت 1500 انجكشن كنت مع صاحبي و اخر ثباتها 160 يعني معقولة
-هيونداي بتعمل تكنولوجيا بدون ما تحميها صاج ضعيف جدا جدا الخامات المستخدمة في تصنيع المواتير و خلطة السبيكة موتور عايز استخدام خفيف مش حرت و شغل
ده رأيي عن تجربة لبعض الموديلات و تجميع اراء الملاك للبعض الاخر
متهيالى سوء السمعه ناتج عن الانتشار الكبير .
كل ما الموديل او الماركه تنتشر قوى مشاكلها بتظهر لان مفيش حاجه كامله .
نفس نظريه ويندوز من ميكروسوفت و ابل ماكنتوش .
ميكروسوفت عشان مشهوره و مبيعاتها عاليه دايما مخترقه من الفيروسات و الاس كلها يتشتكى منها و ابل ما حدش سامع عنه مشاكل.
طبعا المصرى مصرى سواء توكيل غبور او كيا او غيرهم . و الزحمه و عدم النظام بيؤدى لذكريات بايخه وقت الصيانه .
اولا مشكلة غبور هى سوء التقفيل
وعدم الرقابـــــــــــــــــــ ــه
ثانيـا التوكيل مش زى اى توكيل فى مصر الحقيقة توكيــــــل مميـــز
تديلو العربية سليـمـــة تخرج بايـظـة
انا روحت توكيلات كتير ماشوفتش ولا سمعت عن توكيل بالطريقة ديه
moshkelet esabat fil accent wel excell de baseta, bosso 3al 3agal ele rakeb fil 3arabeya wento te3rafo, asasan kol el 3agal eel beyenzel fel 3arabeyat ele fe masr el minimum size, bas ana kont bafakar ageb getz bas walahy ento ala2tone.
انا كدة احترت جدا لأني في الاول كنت بفكر اجيب افيو هاتشباك لكن بردو الناس حذرتني من منصور و ان الصيانة وحشة اوي ففكرت في الجتز. لكن كده انا قلقت جدا.
انعدام الضمير عند الصنايعيه
بصراحة العيب زى مانت قولت يامحمد فى العمالة المصرية وعدم الضمير فى الشغل والاستغلال بقت فى كل التوكيلات
ضيف على كده انه بيغللى عربياته
على ايه مش فاهم ؟