المشاركة الأصلية كتبت بواسطة aif
يعني هو سيدنا ابرهيم عليه الصلاة والسلام لما ترك زوجته وابنه في الصحراء .... كان عندهم مخزون استراتيجي
الرازق هو الله
طبعا انا ضد اي اضراب فئوي في هذه الظروف
وضد التكاسل والتواكل بدعوى ان ربنا ح يرزقنا من غير ما نشتغل
...
...
..
لكن كمان انما ضد اسلوب ترويع الشعب ومحاولة اقناعهم اننا كنا عايشين كويس قبل الثورة والله يرحم ابيامك يا ابو جمال وبكرة نبقى زي الصومال والعراق ....
فيه نبرة انا حاسسها كدة في كلام كتير من المسئولين ..... نبرة بتحاول تحسسنا ان حسني مبارك هو اللي كان بيأكلنا ويشربنا ......
عموما المفروض ان همنا الاول مش الاكل وبس ...... هو احنا عدم المؤاخذة عايشين ناكل وبس
...
..
النبي عليه الصلاة والسلام ...... اشرف من مشى على الارض ..... خير خلق الله
كان يمر عليه الهلال والهلال والهلال ( يعني اكتر من شهرين ) وبيته لا يوقد فيها نار ...... عايشين على التمر والماء .... مفيش خبز .... مفيش طهو .... مفيش لحوم
...
الاحرى بنا اننا نشجع بعض
ربنا هو اللي بيرزقنا
لو الأكل والغذاء نقص في اسوء الحالات ممكن نبقى رجاله و نستحمل الجوع عشان ولادنا يعيشو بكرامة في البلد دي
طيب ما الحيوانات بتاكل وتتعلف وتسمن ...... هو الاكل اصبح همنا الوحيد
انا مش خايف .....
انا عندي امل وحسن ظن بالله
انا عندي ثقة في بلدي واولاد بلدي الشرفاء
انا متفائل خير بالمستقبل في مصر لكن كل شيء له ثمن ......
مفيش حاجة مجانا ...... ومفيش ولادة من غير ألم
وانا اول واحد عندي استعداد ادفع الثمن