حد شاف القاهره اليوم اخبار زي الزفت
عشان الناس ال لسه قاعده ومش عايزه ترجع شغلها
عرض للطباعة
حد شاف القاهره اليوم اخبار زي الزفت
عشان الناس ال لسه قاعده ومش عايزه ترجع شغلها
لا مشفناش
قول لو سمحت قالوا ايه؟
قال رسول الله صلى الله عليه و سلم : كفى بالمرء كذبا ان يحدث بكل ما سمع
من صحيح مسلم
----------------------
صباح الفل
مش هنلاقي ناكل ليه؟
القمح ؟؟؟؟؟؟ الشحنات لسه شغالة ..... و الاستيراد ما وقفش ..... و لا المراكب و الطيارات بتاعة القمح بتنزل في ميدان التحرير؟
الخضار ؟؟؟؟؟ المزارع وقفت ؟؟؟؟؟؟؟ الفلاحين هتسيب المحصول يدبل عالشجر ؟؟؟؟؟؟؟ عربيات النقل اتحرقت ؟؟؟؟؟؟؟
الفاكهة ؟؟؟؟؟ شرحه
مزارع الدواجن و البقر و الجواميس ....... بطلت ؟؟؟؟؟؟؟ و لا يمكن كانوا بيرعوا من جنينة التحرير !!!!
الصيادين بطلت تصطاد سمك ؟؟؟؟ و لا المراكب بترسي عالنيل ورا نايل هيلتون فالحال واقف ؟؟؟؟؟؟
الزيت و السكر و السمنة و و و و و
الخ ؟؟؟؟؟؟؟
مش حكومة شفيق قبل ما الناس تسخن عليهم قالوا بنفسهم مخزون القمح الاستراتيجي يكفي لحد اكتوبر ؟؟؟؟؟؟؟؟
ماليش غير تعليق واحد
فزاعة
و ربنا اللي بيرزق ...... لا نظيف و لا مبارك و لا شفيق - مع كامل احتقاري ليهم - اللي كانوا بيرزقونا اكلنا ...... و لا عصام شرف - مع كامل احترامي ليه - هو اللي هيرزقنا .......
قلوا ان المخزون الاسترتيجي المتبقي لدة شهرين
وان الدقيق الي في البلدنظرا لتوقف المطاحن في حالة الازمه 3 ايام
وان احنا بعد3 شهور ممكن نقتل بعض عشان تاكل اطفاللك مش انت وكان في خبراء في هزا الموضوع ووطنيين
وقالو لابد ان يطبق الجيش الاحكام العرفيه ان لم يعد الناس الي اعمالهم لانقاز البلد
انا مش فاهم :
لما كل ما اقابل حد يقولي الاعتصامات الفئويه هتبوظ الدنيا .......
امل مين اللي بيعملها بقي؟؟؟؟؟؟؟؟؟؟؟؟؟؟؟؟؟؟
طيب منين المخزون الاستراتيجي للقمح من شهر بس كان يكفي لاكتوبر؟
و دلوقتي شهرين بس؟
و ان كان عالدقيق فالمطاحن لو اشتغلت يوم هتطحن اللي يكفينا ...... سيبك من المطاحن
و الناس اللي مش في اعمالهم مش هما السبب في عدم اكلنا ماتخافوش ......
مفيش مزارع هيسيب محصوله يدبل و لا مربي دواجن هيسيب فراخه - راس ماله - تنفق و تموت .......
صلوا عالنبي الله يكرمكم
عمرو أديب دة بنى أدم أقل مايوصف بية حقيييييييييير
احمد كمال انت عامل appear offline ولا اية :))))))))
اخي الكريم لا تقلق بجد
قارن الكلام دلوقت بكلام حكومة شفيق في اول عهدها هاتلاقي اختلاف كبير جدا
و خد بالك ان كده كده الاعلام اغلبه مازال مع النظام القديم و لاحظ انه طول الوقت بيحاول يخوفك بأي حاجة
لكن عمليا زي ما الأخ احمد كمال وصف لك , مافيش فرق خالص
و على فكرة , ساعة ما يكون فيه ازمة في فئة معينة بمجرد حل جزء بسيط من مشاكلهم هايشتغلوا تاني , و ده حصل في كذا تظاهرة فئوية
ياعمرو انت كنت بتاكل من المخزون ده ولا بتشوف منه حاجه
مين قال الكلام ده ؟؟؟؟؟؟؟
مش حكومة شفيق و وزير تموينه قالوا الاستيراد استمر خلاص و شغال و الجمارك يتخلي سبيل الشحنات الى اجل غير مسمى بدون تحصيل الجمارك و الرسوم لحد ما تفرج عشان الحالة تمشي ؟؟؟؟؟؟؟ و دور في سايت مصراوي و لا الدستور و لا اي جريدة قومية حتى هتلاقي الخبر ده من شهر يمكن !
ما تصدقش كل اللي تسمعه
المشكلة اننا كلنا ذاكرتنا بقت قصيرة المدى جدا
نسمع النهاردة كلام ننسى كلام الاسبوع اللي فات
طبعا
و اي جهة حيوية عمالها يعطلوا العمل ياخدوا بالقديمة ......
عايزين يتظاهروا يطلعوا مظاهرة تمثلهم و الباقي يمشي الشغل .......
بس محدش يوقف الشغل ......
بس انا اشك اصلا ان الجهات الحيوية موقفة الشغل ..... و اغلب المضربين موظفين من العمالة الادارية الزايدة اللي مالهاش ستميت لازمة اساسا
ارجوكم محدش يصدق اي حاجة تتقال له و لا ينقل حاجة لمعارفه و لا اصحابه الا اما يتاكد منها
دي ثورة مضادة و الله
عايزين يحسسونا اننا كنا في نعيم و دلوقتي رفسنا النعمة برجلينا و يا ريتها ترضى ترجع لنا
صدقوني هما عارفين اننا كشعب بيئة خصبة لانتشار القيل و القال و للاسف هما بينجحوا في كلامهم الفارغ
و ده مقال رائع عن فزاعة الازمة الاقتصادية و الجوع و العطش و الرغيف اللي هندبح بعض عشان نلاقيه .......
ط®ط±ط§ظپط§طھ ط§ظ‚طھطµط§ط¯ظٹط© ظپظ‰ ط®ط¯ظ…ط© ط§ظ„ط«ظˆط±ط© ط§ظ„ظ…ط¶ط§ط¯ط© - ظˆط§ط¦ظ„ ط¬ظ…ط§ظ„ - ظ…ظ‚ط§ظ„ط§طھ ظˆط£ط¹ظ…ط¯ط© - ط¬ط±ظٹط¯ط© ط§ظ„ط´ط±ظˆظ‚
الاخ الكريم صاحب الموضوع
الله سبحانة و تعالي هو الذي يرزق الانسان
و قال رسول الله صلي الله عليه و سلم
(( لو تتوكلون علي الله حق توكله لرزقكم كما يرزق الطير تغدو خماصا و تروح بطانا ))
اي ان الله هو الذي يوفق الطير في سعيه لابواب الرزق و اماكنه
فلا تقلق من ذلك ابدا اهم شئ هو السعي و الله الموفق اولا و اخيرا
لا تقلق اخي الكريم علي الرزق
الذي تقلق منه هو (( الذي تراه من اخوانك الاعضاء هنا الذين لا هم لهم الا في التشكيك في نواياك حينما عبرت عن خوفك ))
و كأنك اجرمت في حق الثورة
او انك بتعبيرك عن الخوف علي البلد و كأنك قد اضريت بالثورة
و بأنك تطالب الثوار ان يكفو عن اعتصامهم و تظاهرهم
و انا ادعو الله ان يرزق كل انسان بما يحمله في نفسه تجاه اخوانه
م.حاتم السباعي
استاذ احمد كمال انا ضد فكرة ونظرية المؤامرة في كل شئ ... ... اللواء سامح سيف اليزل انا تابعت الحلقة وشوفت تفكيروا الراجل مقلش انه مخزونا ها يخلص الراجل قال انه لو لم تعمل المطاحن بدءا من بكرة الصبح ولمدة 24 ساعة على مداء بكرة وبعدوا في خلال الـ ثلاث ايام القادمة مخزوننا من الدقيق وليس القمح ها ينفذ .. مخزونا من القمح موجود ولله الحمد .... هوة كان بيناقش وبيقول ببساطة انه فيه فئة من الناس لما ها يروح المخبز ومش ها يلاقي رغيف العيش .. ساعتها مش ها يقولك ولا حكومة ولا ثورة ولا ولا ولا وها تتقلب الى الجريمة المنظمة في مصر .. دي كانت وجهة نظروا بكل بساطة كان بيتكلم عن انه حالات الخطف والسرقة والإغتصاب زادت بمعدلات مش طبيعية في الفترة اللي فاتت لمصلحة مين طيب ؟؟؟؟ وكلمة الثورة المضادة انا لست مؤمنا بها لأنه دي مش مراجيح مولد النبي اللي ها يصحلنا من التربة اللي انتوا خايفين منوا وها يقعد تاني على الكرسي من بكرة الموضوع ليس بهذه البساطة .. ويكفي يا تساذ احمد اني اقول لحضرتك بص على سعر الدولار بقى بكام انهاردة !!!!!!!!!!!!!! انا لا ضد الثورة ولا ضد افكارها المتميزة انا ضد انه المواطن الغلبان اللي لا له ولا عليه ولا شاغل دماغه بينا يقوم من النوم ميلقيش اكل .. ده الشئ اللي انا ضده ... رأفة بالمواطن .....انا عن نفسي شايف فيه طبقة اخرى من المجتمع اللي مش تضررت ولكن شردت بمعنى اصح من عواقب الثورة .. مش ها اقولك ولا اتباع نظام سابق ولا ثورة مضادة ولا ولا دي ناس صحيت تاني يوم الصبح معادتش بتلاقي اللي بتاكله .... مع احترامي الشديد لكل الناس .. ليس كل من جلس خلف الشاشة الزرقاء ووشع يديه الكريمتين على جهاز الإتصال ذو الـ 33 حرفا اصبح ملما بمصائب الفقراء ... ويدري ما في مصلحتهم وما في مصلحة البلد في حين انه لا يدرك حجم المسؤولية الكارثية علينا !!! وعلى فكرة بس لتوضيح الكلام .. لا فيه لا استيرد ولا تصدير منذ يوم 1\3\2011 ولو حد مش مسدق يخطف رجلوا للشرق التفريعة بقناة السويس ويحاول يبص على الميناء ها يعرف انا بتكلم عن ايه بالضبط .. وده لا كلام برامج ولا كلام حواديت .. مفيش سلعة بتتصدر من الميناء الرئيسي لجمهورية مصر العربية ولا بتستورد في الأيام دي عن طريق الميناء ده !!!!! بس يا اما عن الطريق البري يا اما عن الطريق الجوي والإتنين ليسوا بالكفائة المطلوبة منهم ... اتمنى ان تهدأ الأمور قليلا وان ننظر لها بعين العقل قليلا ...
ملحوظة:- انا لست منتميا لأي احزاب سياسية ولا اجهزة سيادية ولا حتى بشتغل في اي مهلبية ... والـ ip عند الإدارة الفاضلة اللتي لها كل التقدير والإحترام على فتح باب النقاش بطريقة سلسلة وجميلة .. ويقدر المشكك انه يتأكد انا لا قاعد في امن دولة ولا مخابرات حربية انا قاعد في بيتنا ......
الفكرة اللى جت فى دماغى حاليا كل اللى بيمتنع عن العمل ومش عايز يشوف مصالحه يتحول معاش مبكر ويتحول للتحقيق و ويسيب وظيفته لشاب يتعين فى المصلحة او اى جهة هو شغال فيها وندخل روح الشباب فيها ونطور بدل الروتين العتيق
بكده هيخاف ويتلم ويحترم نفسه لانه هيفقد وظيفته ولو متلمش يبئا خير ما عمل ونشغل شبابنا ووفر وظيفه لشاب
واحنا الحمد لله شبابنا العاطل كتير جدا ااا
بصراحة بقت حاجة قلة ادب اللى بيحصل ده
واحد صاحبي شغال في بنك زراعي مش فاكر اسمه ايه ، بيقولي كان عندهم شحنه قمح شاريينها بايظه ومسوسه والمفروض المسؤل عنها كان هيتحقق معاه ، الفتره اللي فاتت دي الحكومه سحبتها للمطاحن وطبعا شغلوها ونزلت المخابز .. بالهنا والشفا
ليه التشاؤم دا ..اولا الرزق من عند الله ولكن احنا مأمورين بالسعي....واجبنا الان تعمير العلاقه بالله بالصلاه والدعاء مع الاخذ بالاسباب ..والاسباب الان هي فك الاعتصامات الفرديه والمطالب الفئويه وندي فرصه للحكومه الجديده تشتغل ولما نلاقي البلد ازدهرت نبقى نطالب.
.....ولا تنسو حديث الرسول محمد صلى الله عليه وسلم عندما تكلم عن زمن الفتن والأنانيه فنصح اصحابه قائلا :"أدوا الذي عليكم وأسألو الله الذي لكم"
وعجبني صاحب جروب تحسين اوضاع الاطباء لما قال :احنا مش انانيين ومش هنطالب بحاجه في الزحمه دلوقتي ولكن هانشتغل وربنا ان شاء الله هايكرمنا
كثير جداااااا من الناس بتنعق بما لا تفهم
كل شيء الان بقي سماعي فقط برجاء تحكيم العقل و لو دقيقه و تشغيله مع ان ده مجهد شويه علي بعض الناس يعتبر مجهود خرافي و شكرااااااااااا
مش امريكا كانت هتحتل مصر
أستاذ سيد , الثورة ملهاش علاقة بكل الكلام اللى حضرتك كاتبه دا , اللى ماسك البلد هو اللى مسئول عن كل حاجة بتحصل فى البلد !!!!
بمعنى الثورة لها مطالب محددة من الاول 1-اسقاط النظام بالكامل 2-حل امن الدولة 3-الافراج على كل المعتقلين السياسيين , اللى قاعد بيماطل و بيلتف و يضحك على الناس هو اللى يتخمل المسئولية مش الناس اللى عاملة ثورة علشان تصلح البلد!!!!!!!!
انا مش فاهم الناس فاكرة ثورة انها تنزل يوم واحد تقول الحاكم امشى مشى كان بها ممشيش خلاص نمشى احنا!!!!!!!!!!!!!!!! اعتبرنا فى حرب , مش حضرتك كنت مستعد حال البلد يقف علشان تحارب اسرائيل فى 73؟؟؟؟
دا احنا عدونا اسوا بكتير اوى اوى اوى من اسرائيل عذب ناس و قتل ناس و خرب البلد ,ينفع كنا ننزل حرب اكتوبر و نقول و الله لو اسرائيل فى خلال 10 ايام منسحبتش خلاص كفاية كدا و لا يقولولنا خدوا حتة من سيناء نمشى؟؟؟؟
جهاز امن الدولة لقوا فى وثيقة بتقول الناس بتطالب بحل الجهاز خلاص نضحك عليهم و نغير اسمه و نقولهم حلناه !! حضرتك متخيل؟؟
مين اللى مش عايز يفرز الظباط اللى عذبوا و قتلوا و افتروا على الناس و شالهم علشان الشرطة تنزل؟؟؟؟ نزول الشرطة دا مهم جداااا و ضرورى جدااا !!!!!!! حاولوا ينزلوا نفس الناس ,ايه النتيجة؟ اى مشكلة صغيرة و لو واحد اتمسكن الناس هتحرق القسم؟؟ يبقى الحل ايه؟ الناس اللى معروفة بالاسم فى كل منطقة يمشوهم فورا و يحاكموهم بعد كدا!!!
مين اللى قال ان الناس مش هتلاقى تاكل و الكلام دا؟؟؟
الكلام دا لو غلط تبقى مسئولية المسئوليين اللى قاعدين يخوفوا فى التاس , لو صح تبقى مصيبة و اللى مسئول عنها المسئولين مش المتظاهرين لما انت شايف البلد مفيهاش اكل و مش راضى تحقق مطالب الناس!!!
العقل و المنطق بيقول كلام فارغ بيضحكوا بيه على الناس , اولا أيام الازمة المالية العالمية كان فى ركود فى كل حاجة اول 2009 و محصلش اى حاجة!!!!! ايه اللى يوقف حال البلد؟؟ المصانع اللى بتصدر اكيد بتصدر ايه اللى هيمنعها , الفلاحين اكييد كل واحد شغال طبيعى!!! اللزراعة شغالة و النقل شغال و مصانع كتير جدا شغالة و استيراد القمح شغال
فين المعتقلين السياسيين؟ يطلوا 200 و يقولك كفاية كدا و يضحكوا على الناس , حسب وثيقة امن دولة فى 2003 كان فى 9000 و شوية معتقل سياسى!!!
فين الرموز الى خربوا البلد 30 سنة؟ ليه صدر قرار تجميد اموال مبارك بعد ثلات اسابيع من تنحيه مع ان اوروبا جمدت ارصدته اول ما اتنحى علطول؟؟؟ ليه مصدرش فورا قرار منعه من السفر؟؟؟ ليه هو مهربش للسعودية او الامارات او عمان لو حاسس او حتى شاكك انه هيتحاكم؟؟؟؟؟؟؟؟
ليه لسه بيستخدموا طيارات الرئاسة و الحرس و الخدم بتاع الرياسة فى شرم؟؟؟؟؟؟؟؟؟؟؟؟؟؟؟؟؟؟؟
طيب مبارك هيتحاكم؟ يا ترى هيتحبس 15 يوم احتياطى؟؟؟؟!!!!!
المتظاهرين قالوا هينزلوا ايام الجمعة بس يبقى ايه اللى مانع البلد تشتغل؟؟
من الاخر فى رايى كل دا تهدئة و ضحك على الناس و هنشوف!!
احترم رأي حضرتك جدا جدا جدا جدا جدا جدا جدا وصدقني انا بكون اكثر من سعيد يا استاذ سمعة لما بلاقي حد بيتناقش معايا وبياخد وبيدي بأدلة وبراهين ومعطيات وحقائق ..
انا بص يا استاذ سمعة انا مليــــــــش دعوة نهائيا باللي في التحرير انا بتكلم عن الإعتصامات الفئوية .. يعني انا في الموسوعة اللي بكتبها حاليا ها تلاقي ناس كانت معتصمة في هيئة الطاقة الذرية اي نعم دي جهة غير منتجة لأي شئ ولكن اهو اعتصام وقلبان وخلاص .. تعالا مثلا المدرسة الي ورايا مدرسة الأهرام .. كان فيها اعتصام الطلبة بيطالبو بتغير الناظر :d وغيروا وغيروا همة دول من وجهة نظري اللي بيعطلوا البلد .. صدقني مفيش لا استيراد و لا تصدير اللي بيقولك كده اكيد معلوماتوا مش سليمة انا اللي ها اقولوا بحق الله انا زميلي المقرب عنده مصنع ملابس داخلية في مدينة العبور المصنع شغال وتمام التمام والتوزيع الداخلي وحركة النقل تمام ولكن التوزيع الخارجي بخ مفيش نهائيا جنيه جي من برة !!!!!!!!!!!!!!!!!!!!!!! الزراعة اي نعم شغال لأنه معظم الفلاحين ملهومش توجهات سياسية واتمنى بجد يا استاذ سمعة من كل قلبي فعلا ان تكون مجرد زوبعة في فنجان فأنا على استعداد ان اتحمل 365 يوم من الإعتصامات ولكن ربنا ما يورينا يوم واحد البلد تقوم فيه مش لاقيين الأكل ....ومرة أخرى انا بأكن لحضرتك كل الإحترام والتقدير الشدديدين للغاية على المناقشة الجدية والأخذ بالرأي والرأي الآخر ... هذا هو مفهوم الديموقراطية الحقة وليـــس كما يدعي البعض :d
انا االى اسعد انى اتناقش مع شخص محترم زى حضرتكاقتباس:
حترم رأي حضرتك جدا جدا جدا جدا جدا جدا جدا وصدقني انا بكون اكثر من سعيد يا استاذ سمعة لما بلاقي حد بيتناقش معايا وبياخد وبيدي بأدلة وبراهين ومعطيات وحقائق ..
انا بص يا استاذ سمعة انا مليــــــــش دعوة نهائيا باللي في التحرير انا بتكلم عن الإعتصامات الفئوية .. يعني انا في الموسوعة اللي بكتبها حاليا ها تلاقي ناس كانت معتصمة في هيئة الطاقة الذرية اي نعم دي جهة غير منتجة لأي شئ ولكن اهو اعتصام وقلبان وخلاص .. تعالا مثلا المدرسة الي ورايا مدرسة الأهرام .. كان فيها اعتصام الطلبة بيطالبو بتغير الناظر :d وغيروا وغيروا همة دول من وجهة نظري اللي بيعطلوا البلد .. صدقني مفيش لا استيراد و لا تصدير اللي بيقولك كده اكيد معلوماتوا مش سليمة انا اللي ها اقولوا بحق الله انا زميلي المقرب عنده مصنع ملابس داخلية في مدينة العبور المصنع شغال وتمام التمام والتوزيع الداخلي وحركة النقل تمام ولكن التوزيع الخارجي بخ مفيش نهائيا جنيه جي من برة !!!!!!!!!!!!!!!!!!!!!!! الزراعة اي نعم شغال لأنه معظم الفلاحين ملهومش توجهات سياسية واتمنى بجد يا استاذ سمعة من كل قلبي فعلا ان تكون مجرد زوبعة في فنجان فأنا على استعداد ان اتحمل 365 يوم من الإعتصامات ولكن ربنا ما يورينا يوم واحد البلد تقوم فيه مش لاقيين الأكل ....ومرة أخرى انا بأكن لحضرتك كل الإحترام والتقدير الشدديدين للغاية على المناقشة الجدية والأخذ بالرأي والرأي الآخر ... هذا هو مفهوم الديموقراطية الحقة وليـــس كما يدعي البعض :d
فعلا انا اساسا ضد الاعتصامات الفئوية تمامااااااا , انا خايف منها دى اللى ممكن تخرب البلد و اى تانزل ممكن ياخدوه مش مدروس , يعنى ما اسهل انهم يزودوا لكل مصر المرتبات!! بس المشكلة منين ؟! الفكرة لازم الناس تهدأ و كل حاجة تاخد مجراها لما السلم يتكنس من فوق انما فى ناس اساسا بتطلب حاجات مش من حقها او حاجات مش وقتها خالص , فى طلبات من حق الناس طبعا زى واحد بقاله سنين بيشتغل و متثبتش بس دا مش وقته ابدا لازم العجلة تدور الاول بس , انما الناس لازم تبقى حذرة بسبب الحاجات اللى مش منطقية اللى بتحصل و يبقى عندها استعداد تنزل التحرير تانى لانى حاسس انهم بيمتصوا غضب الناس صحيح مش هيرجعوا الامور زى الاول بس بيحاولوا يغطوا بلاويهم و السرقات بتاعتهم و المصايب اللى عاملينها و على قد ما يقدروا يضحوا بشوية ناس علشان الباقيين ينجوا و دا اللى مش مفروض ابدا نرضى بيه , بيعدين فى حاجات وضحت جدا انها فزاعة زى البلطجية اللى بيطلعوا على المدارس على راى علاء الاسوانى (مع اختلافى على طريقته فى النتقاد فى otv ) بس يعنى البلطجية بيسرقوا السندوتشات من العيال و يوقفوا اوتوبيس مدرسة ليه؟ مش معقولة علشان يسرقوا 20 جنبه من السواق!! و كمان لما وزير اللى هو زاهى حواس يقول عايز الناس تعمل لجان شعبية تحمى الاثار دا بمنتهى السهولة ممكن يكلم الداخلية او الجيش لان الاثار دى حاجة مفيهاش تهريج بس طبعا هو كلم العاشرة مساء علشان موضوع الفزاعة , طبيعى بيحصل ركود فى فترات كتير بس اهم حاجة الموضوع يتلم بسرعة و السوق يشتغل و ان شاء الله مع حسن توزيع الاجور (يعنى مش رئيس مصلحة بياخد مليون و لا اتنين ) و العاملين بياخدوا ب 500 و ال 1000 جنيه البلد دى هتبقى حاجة تانية خالص ان شاء الله مع الوقت و الحمد لله مصر مفيهاش سنة و شيعة و اكراد و حاجات كدا علشان نبقى زى العراق و من ضمن الفزاعة امريكا و اسرائيل جايين فى الطريق =)
+1
أضيف أن بالتأكيد أستمرار المظاهرات أي كانت فئوية أو ثورية لها تأثير سلبي جدا على صورة أستقرار البلد حتى لو كانت البلد في أوج أستقرارها............ده غير التظاهرات عدوى سريعة الأنتشار ولكم أن تتذكروبداية الثورة أعداد قليلة في وسط البلد وأنتهت بعدة ملايين في كل أنحاء البلد ومركزها المؤثر والمحرك كان ميدان التحرير
وبدأت بتونس ثم مصر والأن ليبيا..........فاميفهاش أدنى شك أن أستمرار مظاهرات التحرير تشجع المظاهرات الفئوية ولو بطريقة غير مباشرة
مالمانع على الصبر لمدة شهر ومراقبة الحكومة وأنجازاتها في تلك الفترة لم تفي بوعودها تستمر المظاهرات مرة أخرى.........الأستقرار والعمل الجاد أولوية في التوقيت الحرج ألي بتمر بيه البلد
قال تعالى
((وقل اعملوا فسيرى الله عملكم ورسوله والمؤمنون))
يا جماعه المظاهرات الفئويه دى بقت حاجه زى المرض سريع الانتشار بمعنى ان لو انا لقيت اعتصام فى شركه جمبى هقوم عامل انا كمان اعتصام و المصيبه ان المطالب غريبه جدا و مش وقتها يعنى مثلا الطلاب فى الجامعه عايزين تعيين الدكاتره و عميد الكليه بالانتخاب .. طب ده يعقل؟ يعقل ان الطالب يحدد مصير استاذ؟ و المدرسين فى الازهر عايزين شيخ الازهر بالانتخاب ! طب ماهو مينفعش كل حاجه بالانتخاب . ده ناقص ابقا صاحب شركه و العمال يقولولى لازم تبقا صاحب الشركه بالانتخاب .. ده غير انك تلاقى عامل بيقبض ٣٠٠ جنيه و يعمل اضراب علشان عايز قبضه ١٢٠٠ ازاااااى؟ و البلد هتجيب فلوس منين و اكتر من نص موارد البلد مش شغاله .... و الخوه الاقباط بعد مشكله الكنيسه الاخيره طبعا ليهم حق يتظاهرو طلبا لحقهم بس خلاص المشير اصدر قرار بتشكيل لجنه تقصى الحقائق و تحمل القوات المسلحه اعاده بناء الكنيسه تانى و لسا برده معتصمين قدام الاذاعه و التليفزيون بقالهم ٣ ايام .. طب ماهو كل ده عطله .. و كل ده ملوش علاقه خالص بميدان التحرير ولا ٢٥ يناير ... ربنا يسترررررررررررر
انا ضد الفئوية وضد الفزاعة
لكن الطلب اللى تملى بيغظنى من المطالب الفئوية هو تعيين أبناء العاملين يا رب ما فيش مسؤول يرضخ للطلب غير العادل ويبقى التعيين للاكفا امال الثورة قامت ليه، مش اللى بيشتغل فى بنك يعين ابنه فى البنك واللى بيشتغل فى شركة يعين ابنه فى نفس الشركة والناس الكفاءات تشتغل اى شغلانة والسلام ده لو لاقيتها، يا ريت نبقى زى الجهات المحترمة اللى بتتحرىة الدقة فى مسالة القرابة