صديق لي بيحكيلي ان حاليا فيه ناس بتوقف العربيات بأي طريقه ويخليك تمضي علي عقد بيع عربيتك تحت تهديد السلاح وبخدهوا والكلام ده في الأماكن الهاديه ياتري حد سمع بالكلام ده ولا من العاب للمطالبه بأستبباب الأمن والأمان
صديق لي بيحكيلي ان حاليا فيه ناس بتوقف العربيات بأي طريقه ويخليك تمضي علي عقد بيع عربيتك تحت تهديد السلاح وبخدهوا والكلام ده في الأماكن الهاديه ياتري حد سمع بالكلام ده ولا من العاب للمطالبه بأستبباب الأمن والأمان
حصلت مع واحد شغال مع نسيبي و الراجل اترن علقة مكن و دخل المستشفى بسبب العلقة
انا سمعت عن الموضوع داه بيحصل فوق الدائري
شكلها كده عمله زي الناس اللي بيثبتوا العربيات عالمحور تحت الدائري ..
اللي طلع الاشاعه ميعرفش ان فيه نقطه هناك
مبقفش لحد ازازك تكيفك اللي يقف قدامك رفعو عاكبوت
مالهوش دية عندي
النهاردة اخت زميل معنا فى الشغل
ساكنة فى مساكن بيتشو الساعة 8 ونص الصبح
فى النفق اللى عند كارفور المعادى طلعوا عليها البلطجية
ونزلوها من عربيتها البيكانتو تحت تهديد السلاح
وخدو العربية وشنطتها بالموبايل والفلوس والرخص وكل حاجة
وكل العربيات اللى وقفت وراها كله جاب مرشدير وخلع
وهى فى حالة انهيار عصبى تام ربنا يكون فى عونها وعون اهلها
محدش يقولى دى اشاعة ده زميلى فى الشغل وربنا يصبرهم ويلطف بينا
طب نعمل ايه بجد ؟!!!!!!!!!
نركن العربيات و نقضيها مواصلات ؟؟؟؟؟؟ بس في كلام على ان البلطجيه بيوقفوا المكروباص و هيددوا الناس اللي فيه و يسرقوهم
------------------------------------
الموضوع زاد اوووووووووووي اووووووووووي انا بقيت اخاف امشي بالعربيه مع ان مشاويري مش بطلع بره التجمع
الكلام دة يقال أنة حدث فى شارع الخليفة المأمون مصر الجديدة . و منى الشاذلى ذكرت أن الكلام دة بيحدث فوق كوبرى 6 أكتوبر ناس قالو لها كدة و لسة قايلة الكلام دة فى البرنامج النهاردة على دريم
الاخ احمد موجة
الاخوه الاعضاء الافاضل
ارجو ان نتأكد ان حالة الانفلات الامني قد بلغت مداها
و الحكاوي كتيره و الله العظيم من كثرتها لا تعد و لا تحصي
لانها سريعة و حقيقية
المفروض الان من يخاف علي هذه البلد ان نجتمع علي كلمة واحدة
و الا نتفرق و بلاش نسمح بمواضيع التريقة علي الاعضاء لمجرد انهم نقلو حادث او حكو حادث و نتهمهم بأنهم يروجون (( للفزاعة ))
مش عارف يعني لا زم العضو الثائر لا قدر الله تصيبه المصيبة كي يوقن و يصدق استغاثات الناس و ساعتها لا هيهمة لا ثورة و لا ديولو
اللي هيهمة انه يروح يبلغ مفيش حد هيسمعله
هيروح يجري علي تأمين ولا هيلاقي حتي حد يسمعله
و لو لا قدر الله اصيب دفاعا عن ماله او عرضه
لن يجد حتي المستشفي التي تعمل حاليا بدون اضرابات او اعتصامات
ارجوكم يجب ان نتكاتف
كلنا ضد الفساد كلنا ضد الانفلات الامني
م.حاتم السباعي
اعتقد انه فزاعة لان نفس الكلام سمعته النهاردة انه بيحصل على طريق راس البر فى دمياط
يبقى يا خرافات يا عصابات منظمة ومش مقتنع بالتانية
يانهار ابيض
نا يوم الخميس كنت راجع متاخر من بلد جمينا السااعة 4 قبل الفجر وفي الشبوورة كماااااااااان
وكنت وانا وواحد صااحبي بس كنت مااشي مرعووب ومعايا سييف جمبي عند الفتيس
بس الحمد الله ربنا سترها
دي عادي
يس انا حقول لحضرتك شوية حاجات عن قطاعين الطرق احنا عندنا مزرعة في جناكليس -البحيرة ....من قبل الانفلات الامني دا و قاطعين الطرق شي اساسي هناك ...دي شوية حاجات مهمه
1. اقفل الستنر ...دا لازم و ارفع الزاز بحيث تكون الفتحة ماتسمحش بدخول ايد انسان
2. لو حصل ايه بالذي كده اوعي تنزل من العربية نهائي و لو لقيت شجرة او اي عائق قافل السكة متنزلش تشيله دوس بنزين و اخبطه و كمان ماتحولش تلف و ترجع لانه بيبقي حاطط واحد من المكان اللي عدت فيه العربية ..بحيث انك تكون محاصر..و لو سمعت صوت واحده بتصوت بردو متنزلش او حادثة غبية و مقصدوه ..كبر دماغك و اوعي تنزل
3. لو لقيت ناس واقفين في جنب الطريق او في وسطه قدام العربية ...ادي رعاش و كلاكس و جيب دواسه علي الارض ...غالبا هيفضل واقف خد العربية يمين في شمال كده (زجزاج) و حاول ماتخبطهوش ب وش العربية ......و خلي بالك ممكن يضربوا عليك نار
4.في ناس بتحدف بيض علي الازاز و ناس بتولع كاوتش في الارض ...في حالة البيض اوعي تشغل المساحات لان مش حتشوف بعدها حاجة ...و الكاوتش حاول تفاديه و ..او حاول متدوسش عليه بالكاوتش خالص ممكن يسيح الكاوتش لا قدر الله و لو خدته تحت العربية او ماتوصل لمكان امان لاز تشيله ما ينفعش تمشي بيه ..خطر جدا
انا حصلت معايا حاجات من دي ...مرة كنت مع اخويا و كانوا قفلين السكة بحمار ميت ..و دوسنا و بعدها ب كيلو مثلا لانهم قاطعين السكة كان معايا طبنجة بمجرد اني طلعتها و ضربت في الهوا لقيت ضرب نار علينا و طبعا طرنا بالعربية و خبطنا واحد
الحمد لله مافيش حد اتصاب اما العربية اتبهدلت مافيش فوانيس لا بيرفيز و الصاج اتدغدغ و اتمسكنا في كمين بسبب ان العربية مضروب عليها نار .......بس الحمد لله جت سليمة
و علي طريق الغردقة و انا مسافر لقيت ناس واقفة في السكة كده رحت مديها بنزين
طبعا كل شي نصيب بس بردو الحذر واجب و بالذات في الايام دي ...و خصوصا علي الطرق السرعة و الاماكن المجهورة
هو دة اللي مفروض يحصل بصراحة
ايام الاحداث اللي فاتت لما كنا بننزل نعمل اللجان و احد معانا في الشارع حكى عن عمه كان راجع على الزراعي و كان فيه ناس قاطعين الطريق عايزين يوقفوه موقفش و داس واحد فيهم
بس أنا بنصح بكام حاجة كدة :
1- نمشي على الطريق في تجمعت ان امكن يعني لو فيه مجموعة عربيات ماشية على الطريق اخليني معاهم بدل ما اكون ماشي لوحدي على الطريق
2- نلتزم أقصى اليمين أو اليسار علشان لو فيه حالة طارئة زي دي يكون قدامي مساحة كافية علشان الف و ارجع
3- لا اقف لاي حد بتاتا و اي حد بيعترضني ادوسه ملوش دية
4- التزام السرعة - مش على طول - اليومين دول بس علشان ممكن يساعد و يخوف البلطجية من تعرضهم لحادث
5- الاحتفاظ بأداة للدفاع عن النفس في العربية
6- أشتري عربية رانجلر و معاها طبنجة حلوان 9 مللي :00020140:
بس كدة
انا ركنتها وبطلت انزل من اساسوا :d :d
انا مش مصدقك.. الموضوع طلع بجد
وانا اللى قاعد اتريق على زوجتى من الصبح.. واقولها ازاى يعنى؟؟
معقولة بالبساطة دى
حسبى الله ونعم الوكيل
اوصيكم احبائى ب اذكار الصباح و المساء ... حفظنى الله و اياكم
انا النهاردة كنت فى البنك مع واحد صاحبى لقيت المزظف بيقلى شفت الناس بيكتبوها مبياعة على عربيتها فى الدائرى انا قعدت حبة مش مدرك معنى الكلمة
ينهار اسود احط كلاشنكوف فى العربية بعد كدة
الله هي بقى فيها عقد بيع كمان...يعني مش سرقة وخلاص!!
ربنا يستر واللهِ الواحد قلقان جدا من موضوع تثبيت العربية ده.
أنا بأقول ادعيتي واتوكل على الله...و ربنا يستر طريقنا كلنا.
طيب ما هو عقد البيع محتاج بعد كده توكيل صح؟
فزاعة ...... فزاعة
:majd(4):
مش هانفوق إلا على كارثة كبيره
لاحول ولا قوة ألا بالله
يعني الموضوع شبه مؤكد كنت فاكر انها اشاعات علشان يخيفونا ويفزعونا بيها علشان نتحايل علي الشرطه انها تنزل وترجعلهم هيبتهم مره آخري شكرا جزيلا لكم جميعا
فعلا انا هركن العربيه في المحل الفاضي هدفعله ايجار 500 جنيه اي نعم بس ماباليد حيله وربنا الستار اولا وآخيرا ولو لزمت الظروف اني هخرج بفكر جديا اني اجيب آلي طالما الموضوع وصل للدرجه انهم ممكن يقتلوك بالسلاح لو مااستجبتش ليهم الناس دية مايستهلوش غير القتل وحلال فيهم
بس زي ماقال استاذ هجان لازم كلنا نتكاتف ونقف مع بعض زي ما وقفنا قبل كده وقت الأحداث السابقه ونلتزم اقصي درجات الحرص
واعتقد انهم بيعملوا المبايعه علشان يستطيعوا تفكيك العربيه وتقطيعها وبيعها قطع انما مش هيستخدموها ليهم شخصيا ربنا يسترها معانا جميعا
اللهم احفظ مصر و كل بلاد المسلمين
امين
يعنى هم بيحترموا القانون فخايفين تبلغ فهيكتبوك مبايعة....يعى مش منطقى
انا بحاول افكر بالمنطق مش بودنى
وربنا يصبر اى حد اتضرر ويعوضه خير
ماينفعش حاجه تحصل في خليفه المامون خاااااااالص لان ببساطه انا ساكن هنا و الشرطه العسكريه متواجده بكثافه دا غير الناس اللي في الشارع دا غير عربية المجموعه القتاليه اللي واقفه عند سينما روكسي و شوية رتب كده شرطه دا بالنهار و بليل تواجد الشرطه العسكريه بيزيد كمان علشان بداية الحظر دا وزارة الدفاع اللي قدامها حراسه دا غير الدبابه اللي قدام متروا اللي واقفه من ساعة الاحداث و في 4 نقط شرطه عسكريه في خليفه المأمون كله
و بعدين افرض بقي وقف العربيه و طلع الرخصه و لقي عليها حظر هايعمل فيها ايه دي ولا هايقولوا امشي :majd(4):
انا شايف ان كل الكلام دا تروييع للمواطين و خلاص و لا يعقل معلش ان مجموعه من العربيات ماشيه و هاشوفوا حرامي مثبت واحده و هايلفوا و يرجعوا اذا كنا في العادي لما اتنين بيتخانقوا في الشارع بتلاقي الناس كلها اتلمت و العربيات وقفت و بتاع لمجرد انهم شافوا اتنين بيضربوا فبعض فانا مش مقتنع حتي لو اللي قالته مني الشاذلي نفسها لان كان في عضو هنا عامل موضوع مش فاكر عنوانه بالظبط "مني الشاذلي و دس السم في العسل" حاجه كده و بيشكك فيها بردوا لانها بتقول اخبار غلط علشان تخوف المواطنين و خلاص
مش عارف والله الواحد يقول ايه تاني في الكلام اللي بيتقال دا بس عموما الاحتياط واجب و حاولوا ماتمشوش بليل في حتة مقطوعه و خلاص و ربنا يستر طريقنا جميعا
اهم حاجه هما بيكتبوا شرط جزائى كاااااااااااااام ؟؟؟؟؟؟؟
والله العظيم ربنا يستر وانا راجع يوم السبت من مسطرد علشان اخد الدائرى لقيت عربيه نص نقل تويوتا قطع قدامنا مره واحده من الشمال لليمين قولت للسواق تعالى جنبه وهدى (كان فى عربيات وناس ) وبعدها هندخل من طريق بلبيس وناخد شمال لطلعه الدائرى (حته غم ) السواق هدى جنب العربيه بصيت من الازاز لقيت 4 قاعدين فى الكابينه راكبين على بعض. قولتله انت حدفت علينا مره واحده ليه؟؟؟ لقيته مبرشم ومش عارف يقول كلمتين على بعض . قولت للسواق اطلع ودوس. بجد ربنا يستر
تحديدا الجزء ده من مشاركتك ردا على القصة اللى حدثت مع اخت زميل لنا فى العمل
بالفعل الموضوع ده حصل فى الساعة 8 ونصف صباحا فى النفق بجوار كارفور المعادى
وفعلا قائدى السيارات كلهم لفو بعربيتهم فزعا - القصة حقيقية وشهادة هنتحسب عليها
الا اذا الاخ الحزين على ما حدث لاخته غاوى يطلع اشاعات على لحمه ودمه :_Alshmokh08[1]:
والله ياستاذ احمد ماعرفش بقي اي حته في كلام غلط و اخبار غلط حتي الاعلام و كله من اصغر جريده لاكبر جريده فيهم حتي الاهرام بتفبرك الاخبار بقي ولا بتنقل و خلاص للناس من غير ماتتأكد من الخبر
اصدقائي اللي بقالي معاشرهم اكتر من 10 سنين طلع منهم كذابين و مروجي اشاعات فاشله لايصدقها عقل كله عايز يبقي في الاحداث و خلاص وانا حصلي و عملت ايه لما شفت مين و كلام البطولات دا حتي جاري بردوا نفس القصه و بيحكي حكايات كأننا عايشين في غابه اسأل الناس اللي حواليا يقولك فين بس ماحدش سمع حاجه
الواحد بقي تايهه مش عارف يصدق مين و يكذب مين .... اعتذر لحضرتك و للاخ الجزين علي اخته :120146b
خد بالك يا فندم من نقطة تانية فى فرق بين توقيت الحادثة وتاريخ ترويج الإشاعة فلو فرضنا ان الحادثة سليمة هنفضل نرددها لمدة شهر كمان
الحاجة الغريبة ان الناس بتقول انها اتثبتت واتاخد منهم كل حاجة وده موضوع كل واحد بيقولهولى
نفسى اعرف هو لو حد بعد الشر اتثبت حييجى يقول ؟! هل ده شئ يتقال
اعتقد ان اى حد بيتعرض للموقف ده حيخبيه ولا انا غلطان
"انا كلامى عن ان الشخص نفسه يقول عن نفسه"
لا طبعا يهبيه ليه هو ما ارتكبش جرم بالعكس ده بكده بينبه معارفه عشان ما يحصلهمش ده
حصل لقريب واحدة اعرفها بيرموا بيض عالقزاز فاللى سايق يشغل المساحة يضطر يقف لأنه مش شايف ويسرقوا بقى اللى معاه يسرقوا العربية يمضوه مبايعة
بغض النظر عن كل ده حد يقول الحلول المقترحة للى يتعرض لموقف زى ده
زى ما كان الخل ضد القنابل المسيلة للدموع
ولو عاملين متاريس عشان يوقفوك مش واقفين بجسمهم بس عشان تدوسهم مثلا ولو معاهم سلاح ----؟
والله ياجماعه انا اول انبارح داخل من منطقه عند صلاح سالم بعد ازهر بارك تودى على القلعه لقيت واحد وانا داخل بيجرى ورايا ويقولى متدخلش فى ناس بتتسبت وضرب نار لسه بلف وارجع لقيت هيصه ورايا كتير وناس جايه بتجرى روحت دايس على البنزين للاخر لحد ماخرجت وربنا سترها وحوار انه لازم توكيل ده مش عارف مهم بيضربوهم عادى فى الشهر العقارى فربنا يسترها ويعدى الايام ديه على خير