حملة مقاطعة غلاء السيارات

**asalacenter** · 07-03-2011 02:19 AM

أولا
حبيت اعمل الموضوع دا نظرا أنها فرصتنا فى ظل الاحداث الجارية حتى نصل الى أعلى درجة من رفع الظلم والمعاملة الغريبة

حتى أننا لانرى حتى مميزات لهذا الغلاء ، لا فى المعاملة فالتوكيلات اثناء الصيانات ولا فترة الضمان ، ولا حتى اسعار قطع الغيار المبالغ فيها والتى أسميها احتقار عند بعض الشركات ، والتى لا يشرف عليها اى جهاز حكومى ، فلما لا نشرف عليها نحن

ثانيا

الدولة الوحيدة اللي بتتعامل بمبدأ cc
أي قوة موتور السيارة مش فاهم ليه

يعني لازم الواحد يجيب سيارة ضعيفه وبعد سنه من المشي في شوارعنا المكسرة ، الواحد يجيب حمار علشان يجرها ويقلبها عربة كـــــارو

مع العلم بأن أقرب دولة لينا وهي السودان بيدخلوا السيارات مجانا ،، يعني أي مواطن موجود خارج البلاد من حقة النزول بسيارة خاصة مجانا أي موديل وأي حجم ، مش السي سي

فعلا حاجه تعقد بجد

ثالثا
بدل مالشركات تكافىء الشعب فى المناسبة الجميلة دى نلاقى واحد زى غبور بيغلى سياراته مش عارف شكله زعلان على النظام القديم ولا ايه

على العموم اان شايف ان اعضاء المنتدى المهتمين بالسياسة فى مصر والتغيير والناس اللى فاهمة قوى هتظيف للموضوع دا كتير . وهتكون مهتمة بيه اكتر منى .

شكرا

**sonystar** · 07-03-2011 03:08 AM

موضوع حلو

**rompo10** · 07-03-2011 03:08 AM

بس دا موضوع مش سهل ياباشا

**ahmad alshaaer** · 07-03-2011 03:30 AM

طيب ماتبصوا على اللينك ده كده

ودي بس بدايه بدأناها من وكيل عز العرب

ايه رأيكم تبلغوا اي حد معاه بروتون بده ؟

وتكون دي بداية تغيير سياسة التوكيلات زي مابتقولوا ؟

Login | Facebook

تحياتي

**eldell** · 07-03-2011 01:01 PM

بجد موضوع تحفه وياريت يشيلو الجمارك على السيارات

**city_ct** · 07-03-2011 02:06 PM

أعتقد موضوع مقاطعة شراء سيارات جديدة سوف يفعَل تلقائيا فى ظل الحالة العامة التى تعيشها مصر حاليا من حيث الرؤية الضبابية لإقتصاد البلد على الأقل لستة اشهر قادمة و فى ظل الغياب الأمنى و نظام البلد المؤسسى.
فالنتيجة الطبيعية لكل هذا هو عزوف الناس عن شراء سلع ذات قيمة مالية ضخمة مثل السيارة إلا إذا توافرت سيولة كبيرة تزيد عن حاجة المشترى بالإضافى إلى التأمين على السيارة ضد السرقة و الإتلاف.

**zego** · 07-03-2011 03:36 PM

يا جماعة عايزين نعمل جروب ونشهره بسرعة في الايام دى وكفايانا شكر فى بعض لازم نعمل حملة تهد الدنيا ولازم الجمارك دى تتشال والاسعار تبقي فى متناول الشعب يعني مثلا الاوكتافيا ب 200 الف جنيه مش حرام الاوبترا بمية الكارينز عدت 130 الف
انا واحد من الناس محتاج عربية وعملت مقارنات هنا بس لغيت الفكرة دلوقتى لاما اشوف الاحوال هتستقر على ايه وفي عز ما البلد حالها واقف البهوات بتوع التوكيلات رفعوا اسعار العربيات بالاولوفات بس الفساد راح خلاص وماعدش زمن الرشاوى ولا زمن الصوت الواطى لازم كلنا نعلى اصواتنا مش ناس عندها اسطول عربيات اقل واحنا مش عارفن نركب ب100 الف !!!!!!!!!!!!!!!!!!!

**MISS_MONA** · 07-03-2011 04:42 PM

انا نفسى فعلا كل المصريين يتوحدو على انهم ميشتروش جديد 3 او 4 شهور وساعتها التوكيلات هتنزل الاسعار غصبا عنها
بس اضمنولى محدش يشترى جديد!!!!!!!!!!!!!!!!!!!!!!!!!!!!!

**ahmed_oth** · 08-03-2011 12:20 PM

موضوع مهم ولازم فعلا نوقف اى شراء جديد حتى يتم اعاده الهيكله فى تسعير السيارات
مولد وصاحبه غايب
البهوات التجار والتوكيلات عمالين يسعرو العربيات من غير اى مراقبه ولا حساب
لازم يكون هناك ثوره ضد اى غلاء مبالغ فيه فى كل القطاعات
الاسكان و السيارات و ومواد البناء و السلع الغذائيه و ,,,,,,,,,,,,الخ