الموضوع: اسعار قطع غيار فرونتيرا

شوف أنا كنت مرة سألت على كمريسور التكييف في التوكيل قالولي على ما أذكر حوالي 9000 ومن ساعنها قررت مشتريش حاجة منه
وجبته مستعمل من عربية عاملة حادثة ب500 جنيه
أما تيل الفرامل وطقم المساعدين الي قدام ووره والفوانيس الي قدام فدول بتوع الفاستر وجبتهم جداد بملاليم
و غالبا مش هتلاقي مساعدين هوا بس الزيت شغال كويس
ولو احتجت حساسات برده هاتها مستعمله أرخص كتيير
والبوجيهات فأنا كنت جبت طقم بوجيهات بوش ألماني موجود في كل حته

شكرا على الافادة
وبرجاء المزيد من التفاصيل ....

طقم تيل فرامل امامى بيتراوح بين 85 لغاية 200 جنية (عند على عبد الرحيم في الحرفيين او ايسوزو سنتر في سكة الوايلي او امريكان سنتر او اسوان في شامبليون

طقم تيل فرامل خلفى غالي شوية و مش موجود بسهولة فية ناس بتملاة, بس هو بيعيش كتير قوي انا من يوم ماجبت العربية من 4 سنين ماغيرتوش اصلا

طقم طنابير امامى استيراد
طقم طنابير خلفى برضة استيراد

فانوس امامى بتاع الشيرولية الدبابة الكريستال (اللي فية 3 خطوط) ب 65-80 جنية عند بتوع قطع غيار النص نقل, و الشبكة كمان هي هي بتاعه الدبابة و تمنها بيم 85 و 110 ج حسب موديلها

فانوس خلفى 35-50 جنية اسود او نيكل و هو هو بتاع الايسوزو دوبل كابينة بيركب زي ماهو بفيشتة بدون اي تغيير

طقم مساعدين امامى و خلفي : طقم المساعدين بيعمل حوالي 1200 جنية الايسوزو الاصلي عند ايسوزو سنتر في سكة الوايلي في حدايق القبة, و ممكن لو عايز عفشة طرية و حنينة تركب مساعدين كي واي بي او توكيكو انا مركبهم من اكتر من سنتين و مريحني جدا و بيععملوا 350-400 جنية الاربعه عند بتوع قطع الغيار اللي في ميدان ابن الحكم جنب ميدان التجنيد بس تفك المساعدين و تاخدهم في ايدك و تخلية يقيس المساعدين التوكيكو يكونوا نفس الطول بالضبط (بتوع المازدا ال 3000 ال3/4 نقل)

طقم بوجيهات عايز التمام يبقى تجيب ان جي كي بلاتينيوم او ايريديوم ب 100 ج او 150 ج لكن البوجيهات ال ان جي كي العادية تمشيها كويس

سير كاتينة ب 375 عند حسن عبد اللطيف (اميريكان سنتر ) في شارع شامبليون

بكرة سير دينامو غالية شوية بتعمل 700 جنية جديدة او 300 استيراد
شداد دينمو هو و البكرة حتة واحدة سواء جديد او استيراد

سير دينمو الاصلي الايسوزو ب 170 ج و البانجر ب 120ج و رقمة على ما اذكر 8866

بيض مقص علوى هو بتاع الايسوزو الميكروباص هو هو بس ماعرفش تمنة ماغيرتوش بس مش حايبقى غالي

بيض مقص سفلى هو بتاع الشيفرولية الدبابة و بتجيب نص طقم لان العلوي مابيركبش و تمنهم حوالي 120-150 جنية ياباني 555

جلب مقصات علوية هما هما بتوع الشيفرولية الدبابة و تمنهم لا يذكر - غيرتهم من كذا شهر ماتكلفوش يمكن 50-60 جنية (نص طقم)

سوستة خلفى بالجلبة (الكبيرة والصغيرة) دي تروح لحداد يحلها و يغير الورقة اللي مكسورة فيها هي زي بتاعه النص نقل بس عدد الورق اقل 3 بدل 5
ورقات, لو مكسورة بتعمل طقة او خبطة مع اي مطب

مروحة تكييف صعبة دي قوي تجيبها استيراد مش حاتلاقيها جديدة

كمبوريسور تكييف
صعب جدا جدا هو ب 3000 جنية عند ايسوزو سنتر مستعمل بس زي الللي عندك انما لو استيراد حاتضطر تعدل اللواكير لانها بتيجي مختلفة عن المصري

بالنسبة للحاجات الاستيراد حاتحتاج منك نزلة لبورسعيد او لبحر البقر (المنزلة) هما بس اللي عندهم حاجتها و لو ناوي قولي انا حادلك بالضبط فين لانك مش حاتعرف توصللهم لوحدك لان الراجل الوحيد اللي بيشتغل فيها برة بورسعيد اصلا محلة خارج البلد في حتة اسمها مزرعه السمان في الجميل

يا أ/ أدهم
من فضلك محتاج رقم تليفونك ضروري أنا عندي فرونتيرا و دايخ فيها
أنا رقم تليفوني 01005144241 يا تكلمني يا تبعتلي رسالة برقم تليفونك و أنا أكلمك
من فضلك بسرعة ضروري

الله ينور عليك يا فندم وياريت تسيب رقمك

انا عملت جروب على الفيس بوووك اسمه للفرونتيرا اسمه رابطه ملاك شيفروليه فرونتيرا

استفسارالعربيه شيفورليه فرونتيرا 3200 cc و جابت موتور و عاوز اسأل اجيب موتورها منين او ايه ينفع يتسقط مكانه ايه