علاء الاسوانى مش بيعرف حاجه
ممتاز
تحيا الثورة
عرض للطباعة
علاء الاسوانى مش بيعرف حاجه
ممتاز
تحيا الثورة
اكيد طبعا فيه فرق
انسان مثقف يعرف معنى الحريه و يعرف ازاى يكون مؤدب و لا يخطئ فى رئيس الوزراء حينما يغلط فيه او يتهرب من الاجابه و يتعالى و يتمسكن و كمان دكتور اسنان خد الماجيسيتر من امريكا و مناضل و معارض قديم و اشهر اديب مصرى معاصر فى انحاء العالم اجمع - لازم تحيه له طبعا
سائق الميكروباص كان زمانه بيقوله معاليك و بيبوس ايده و بيقوله يا باشا
عرفت الفرق؟
ههههههه
ديه بالذات لأ طبعا
اى تحليل لشخصيه سائق الميكروباس لو جبته امام اى شخصيه زى مثلا مساعد رئيس الحى (ده بالنسباله اكبر من رئيس الجمهوريه)
هيبوس ايده و يقوله اوامرك يا باشا اللى تشوفه احنا بنستسمح حضرتك و يا ريت تقولنا
- تعالى لما افهمك انت
- معاليك انت تفهمنى طبعا هو انا اعرف اكتر من الحكومه
- هتعملى فيها وطنى
- وطنى مين يا باشا انت بتاع المطارات
طبعا ده الطبيعى
عشان تتكلم مع رئيس وزراء بقوه شكيمه و ثقه محتاجه ثقافه و حريه داخليه و عدم الاحساس بالعبوديه تتطلب شخص دمه حر لا يقبل بمساومات او يقبل بتلاكيك تتطلب شخصيه قويه لانه يعرف انه على حق و اللى قدامه مالوش فيها زى ماقال :)
مش قولتلك ما تتعبش نفسك
مع احترامي حضرتك اللي معلوماتك غلط مش الأسواني, شفيق فعلا في الحزب الوطني و أنا سمعته بيقول كدة في برنامج.
أقول تاني, أنا بكره الصوت العالي و الخناق, انما أنا شايفة ان شفيق اساسا هو البادئ بالأسلوب ده , مش ذنب الأسواني انه بطبيعته صوته أعلى. كمان اللي فعلا غلط في التاني و استهزأ بيه و هو شفيق مش الأسواني, الاسواني صوته عالي أيوة انما مفيش كلمة واحدة خرجت منه ممكن تعتبر أهانة للي قدامه.
بص ياباشا....انا معرفش حضرتك بتجيب معلوماتك منين...بس تأكد ان مافيش صفحة من صفحات الثورة هاتكتبلك كلام وحش عن اى حد قال: انا مع الثورة
دكتور فاروق الباز قال جملة حلوة وعجبتنى..قال: "بانصح شباب الثورة يبعدوا عن السياسة..انا عايزكوا شباب نضيف"
والظاهر ان محدش حاول يفسر اخر كلمة دى....يقصد ايه بشباب نضيف
اقولك انا بقى يقصد ايه.....اسماء محفوظ(البنت اللى كانت بتطلع فيديوهات تحث فيها الشباب للنزول)...البنت دى بدافع عن اللى يغلط فيها وهافضل ادافع عنها لصدق نيتها(بغض النظر انى مابحبش بنت تنزل مظاهرات او تطلع فى فيديوهات) ..بس البنت دى مكانتش بتعمل حاجة ووراها غرض وحش
لكن بعد كدة وبعد تولى عصام شرف الوزارة...الثوار بدأوا ينقسموا (وانا واحد من اللى انقسموا) مابين ناس بتقول شفيق معملش حاجة غلط ومافيش حجة مقنعة عشان تخلينا نهينه بالطريقة دى..وناس بتقول ان شفيق هو يبب نكسات مصر من ايام التتار حتى هذه اللحظة
...الانقسامات دى ماتنفعش فى الوقت دا
فأزاى نجمع مابين الثوار مرة تانية(ده كان سؤال فى استيتس ليها على بروفايلها فى الفيس بوك)
وكان الردمن واحد اسمه احمد هو: الربط مابين حرق امن الدولة للملفات وقت خروج شفيق من الوزارة
راح العبد لله رادد:وليه مانقولش ان الحرق دا كان بسبب مظاهرات الاسكندرية امام امن الدولة اللى كانوا بيطالبوا فيها باحلاله وخروج المعتقلين هو سبب بداية حرق الملفات لانه كان متوقه اقتحام الجمهور للمقر(ودا فعلا اللى حصل)
وليه مانقولش ان اللى حصل ده متزامن مع محاكمة العادلى؟؟
احمد :احنا عايزين نجمع الثوار على طريق واحد
العبد لله:لكن انت ممكن تكون ظلمت شفيق فى الحكاية دى
احمد : الغاية تبرر الوسيلة
العبد لله:لكنها وسيلة رخيصة حقيرة وغير موثوق منها وممكن تظلم شخص وتسوء سمعته
احمد: انت تبع مين؟؟
ودا كان نهاية الحوار اللى بعدها الستيتس اتمسحت للابد
شفت ازاى لما الشباب دول انخرطوا فى السياسة وتشددوا لافكارهم بقوا شباب مش نضيف وبدأوا بفتعلوا اى حاجة عشان يحققوا هدفهم من غير حتى مايحسوا ان اللى بيعملوه دا غلط
احب اطمن سيادتك ان علاء الاسوانى مش الراجل الوطنى الجميل الشرييف زى ماحضرتك شايفه...ابحث فى تاريخ الراجل ده كويس وانت تعرف مين هو
بس ارجوك حاول تبحث برا صفحات الثورة لانها مش هاتجيب عن الراجل دا غير كل خير
انا مش عايز اقولك عنه حاجة عشان مابقاش باستخدم اسلوب مرتضى منصور(انا معايا ملفاتك) اللى انا باكرهه
واقسم بالله انى ماحكمت على علاء الاسوانى بسبب ماضيه ولكن حكمت عليه من الحوار فقط
لكن اقرا ماضيه كويس هتلاقيه مش نضيف وانا واثق انه مش هايعجبك لو كنت مسلم