اقتباس:
المشاركة الأصلية كتبت بواسطة khmonir
الأخوة الأفاضل اللي بيقولو إن الفريق أحمد شفيق مكنش عارف يرد على حاجة في الحوار واستشهدوا بانه مش عارف حاجة عن موقعة الجمل أو إنه عارف مين اللي عمل كده
يا ريت تشوفو الحوار كويس لأن السؤال ده إتسأل له في الجزء الأول من الحوار مع د/ كمال أبو المجد ، ود/ عمرو حمزاوي ورد وقال إنه طلب القاضي المسئول عن التحقيق وسأله ليه هو متأخر في النتائج
رد عليه: أنه هناك تضارب في الأقوال وإن الشخص اللي بيجيله إسمه في ميدان التحرير بيلاقيه جايله في ميدان تاني وتالت.
سأله الفريق أحمد: طيب أنت عايز إيه علشان تخلص.
طلب منه وكلاء نيابه أكثر
واقترح عليه الفريق أحمد إنه يمسك كل ميدان على حدة علشان يقدر يخلص بسرعة
هنا سألته المذيعة ريم هو فيه لجنة مشرفة على التحقيق ده
رد عليها إن فيه لجنتين
فسألته ليه لجنتين
رد عليها علشان التحقيق يخلص بسرعة
بصراحة فعلاً كل ده الرجل مكانش عارف يرد
و التحقيقات وصلت الى ان جمال مبارك و صفوت الشريف ليهم يد فى الموضوع... يعنى التحقيق اللى كان شغال فى وقت شفيق لبس جمال مصيبة جديدة و جاب رجل صفوت اللى الناس كانت بتقول سايبينة ليه...
احنا بس جدعان نقول كلام مجعلص و كل دقيقة دم الشهداء و محاسبة المش عارف ايه... ما النائب العام مهرى شغل... و مصطفى بكرى كل يوم يغرف مصايب و يدلق... كل دة مش عاجب؟؟... و حبيب العدلى محبوس و بيتحاكم... و لسة يا حيطلعلة مصايب يتحاكم عليها... و ادى الشريف بدات صورتة تدخل مع شلة الاقذار اللى كانوا حاطين البلد فى جيبهم
اقتباس:
اللي غاظني بقى إن الأستاذ المحترم قوي علاء الأسواني بدأ حواره مع الفريق أحمد بإنه سمع حواره الأول ومع ذلك فوجئت بيه بيسأله هو ليه التحقيق في اللي حصل في ميدان التحرير لسه مخلص لحد دلوقتي ، وكأنه مسمعش الرد اللي قاله الفريق في الحوار الأول ............ ده إسمه إيه بقى؟
دى اسمها سياسة "انا بزيط فى الزيطة اذا انا موجود"...
او احتمال لما اتقال الكلام دة كان الاسوانى "قاعد" فا مسمعش كويس... لو كان واقف كان سمع الكلام و فهم ايه اللى بيحصل
اقتباس:
الحاجة التانية إن كان في الحوار الأستاذ المحترم بجد أ/ حمدي قنديل وسأل الفريق أحمد أكثر من سؤال وكان بأخذ الرد منه وينتقل للسؤال الآخر ، فلو مكنش الردود بتقنع الأستاذ حمدي قنديل مكنش هينتقل للسؤال اللي بعده
مهم دول عملاء و خونة و بيتاجرو بدم الشهداء و الكلام الفاضى اللى بالك منة دة فلا يجوز اننا ناخذهم مثال... الوطنى هو اللى مقاس حنجرتة لا يقل عن 43 يا استاذ... انت مش وطنى ولا ايه؟؟... شكلك كدة من النظام القديم على فكرة
اقتباس:
الحاجة الأخيرة بقى ودي ملهاش علاقة بالحوار اللي دار
المهم بالنسبة ليا في الشخص اللي قدامي هو قدم إيه لمصر ، فيا ترى ممكن حد يقللي علاء الأسواني قدم إيه لمصر من يوم متخرج لحد النهادرة غير القصص اللي كتبها واللي لو افترضت إنها عبقرية أدبية وإنه هياخد عليها جايزة نوبل مثلاً فأعتقد إن ده ميقدمش حاجة لمصر
يا راجل و هو دة شوية... دا راجل كاتب... عارف يعنى ايه كاتب؟؟... يعنى بيكتب :3_3_102[1]:
اقتباس:
أما الفريق أحمد شفيق كان طيار حارب في 73 يعني واحد كان شايل حياته على ايه وكان مستعد يقدمها تضحيه للبلد دي علشان ترجع أرضها وده بس كفيل إني أحترمه ، لأني وده عن نفسي برضه بحترم أي جندي اشترك في الحرب دي مهما كان مكانه بقى في الجيش.
الحاجة التانية اللي عملها واللي أعرفها أنا تطوير الطيران المدني يعني برضه حاجة اتعملت للبلد دي مصر.
كل دة كلام فاضى... هو عشان عمل الحاجات دى يبقى رئيس وزراء كويس ولا ايه؟؟؟... يا راجل قول كلام غير دة
اقتباس:
سؤال أخير لو مصر أعلنت الحرب مرة تانية على اسرائيل تفتكروا مين اللي هيروح يحارب علاء الأسواني والا أحمد شفيق؟
علاء الاسوانى طبعا...
شفيق راجل وحش و من النظام القديم و بالتالى حيبيع البلد و مش حيحارب... مع ان من اول طنطاوى لحد اقل عسكرى فى الجيش يندرجوا تحت بند "النظام القديم" الا ان الناس بتثق فيهم... واضح ان شفيق هو اللى كخة
اما الاسوانى فا حيقاتل بشرف و يطلع على كل القنوات التليفزيونية يهاجم الاسرائيلين بسلاح الحنجرة و يتكلم معاهم بصوت عالى لحد ما يبيدهم تماما :angry27:
MMamdouh