:verygood::plusone2::plusone2::plusone2:
عرض للطباعة
مقال تحفة
مفروض نغير نظرتنا للمسئول بقى و نعرف ان بابا هو بابا الله يدي له الصحة بس
صح... لازم نعرف ان رئيس الوزارة موظف و لما نتكلم معاة نعللى صوتنا علية و نهللة و نقاطعة ولا اكننا فى موقف مكروباظ
MMamdouh
هنقل اللى كاتبته فى حته تانيه و محمد ممدوح هيتخنق منى عشان بنتلكم فى نفس الموضوع على الفيس(اسف يا ابو كمال)
اقتباس:
ده مش لقاء حول كتاب او حول فيلمك المفضل
ده مناظره سياسيه
ومتنساش ان اللى استخف بالكلام و بالردود واستخف بالمصريين هو شفيق
ماسمعتش حد اتكلم لما سكت حمزاوى وريم باسلوبه المقاطع دائما لما يسئلوه لدرجه ان مش عارفين يسألوه حتى كمال ابو المجد كان ش...فيق بيقاطعه
اداب الحوار تقتضى ان لما تتسأل ترد على السؤال
و تقتضى تستحمل اللى يتقالك مش تقول بتلبس الوطنيه
اقتباس:
عامله بطريقه ازاى؟؟
قاله ايه مش كويس؟؟؟!! كانت مناظره هو بيسأل و شفيق بيتهرب
معلش بس ديه لحظه فارقه ان شفيق موظف فى الدوله وقعد مع ناس معارضه تهاجمه
من حق حد يتكلم طالما مافيش غلط شخصى
شفيق قاعد موظف مش اله
...حقك تسأل و تاخد اجابه مش يحكى تاريخه ويحكى ازاى حارب
حق الاسوانى يسأل والتانى مايغلطش فيه ويقوله انت مش فاهم
العيب ان انت رايح تفهمه الناس عايزه ايه يقولك انت مش فاهم
عيب لما يقوله 10000 معتقل يقوله انا ماليش فيه
اقتباس:
ماشتموش ولا احتد الا لما شفيق ابتدى يقول افهمك وانت مش فاهم
و يتكلم على تاريخه فى الطيران زى مبارك بالظبط
الاسلوب ده سكت بيه حمزاوى
و كسب بيه نقط دون تقديم اى اجابه منطقيه
ديه حرب يا محمد لانما يكسب تعاطف لاما يخسره
...فلما حاول مع الاسوانى مانفعش طبعا عشان علاء مش هعامله انه اله و الكبير ولازم نشيله فوق دماغنا طبعا اصتدم معاه هشان مايكسبش نقط و يفضل يحكى فى تاريخ يدغدغ بيه مشاعر الناس و حرب و كده
ده كان تكنيك و علاء وقفهوله مش اكتر
الاسلوب بس احنا مش متعودين عليه
مع احترامى لراْى حضرتك ايا كان حتى ولو اختلفنا فى الراْى .انا مش عجبنى اسلوب علاء الاْسوانى فى الحوار خالص .ده مش معناه ان نبقى زى فلاح كفر الهنادوة ونقعد تحت رجل رئيس الوزراء .لا نتعامل معه كموظف كبير فى الدولة يمثلنا ويمثل دولتنا .وبالتالى يجب احترامه وتقديره حتى لو اختلفنا فى راينا على انه يصلح او لا يصلح .ايا كان هناك اسلوب للحوار واداب الحديث والاحترام .ومش معنى انى اعلى صوتى واتكلم باسلوب غير لائق يبقى انا كده باتكلم بصوت الشعب .الواحد ممكن يوصل صوته وكل اللى عايز يقوله ويهاجم اللى عايز يهاجمه ويختلف فى الراْى زى ما هو عايز بس باسلوب مهذب واسلوب افضل من اللى تحدث به علاء الاسوانى .
صوت الحق دايما عالى حتى لو اللى طلبه كان بيتكلم بصوت واطى .فصوت الحق برضو هيوصل هيوصل بس باسلوب مهذب .وده رايى الشخصى .تقبل تحياتى
النقاش المحتدم مش قلة ادب خصوصا و ان الكلام كله له معني مش سخرية و لا تريقة
شكرا علي نقل المقال
فى فرق حضرتك من احتدام النقاش والكلام باسلوب غير مهذب مثال يعنى لما الفريق احمد شفيق بيقول لعلاء الاْسوانى انت مش فاهم انا اقصد ايه استنى افهمك راح علاء الاْسوانى رد وقال له انا فاهم كويس لاْ ده انا اللى هاْفهمك .هل ده الاسلوب المناسب للرد ولا ده اسلوب غير لائق .تقبل احترامى
شفيق رجل ضعيف و قليل الحيلة و غير مقنع ....
شهر كامل أضاعه في لا شيئ و مخاطبة الناس من خلف الشاشات ..
عصام شرف نزل إلى الميدان و إختلط بالشعب و تحاور مع المعاقين بل و وضع لنفسه مهلة زمنية لتحسين الأوضاع تقدر بشهرين
دي ناس عندها نشاط و عاوزة تشتغل و تفيد مواطني مصر .. بعيد عن أنا عملت و أنا أنجزت قبل ما أنت تتولد و الكلام المباركي القديم
للاسف كتير منا لسه عايش فى الماضى
فى بلاد بره بيضربوا الوزرا بالطماطم والبيض الفاسد وبيجوا يعتذروا كمان
احنا هنا مش عايزين غير نهشك بس وندلع الباشا لحد ما يخلص بق الكدب بتاعه
كفاية خلاص الزمن ده انتهى
ولازم كل مسئول يعرف انه جادى يخدم الشعب بكل ما اوتى من قوة
ولو مأداش المهمة بتاعته بنسبة 100% مش هيلاقى حد يرحمه