السلام عليكم ورحمة الله
انا كنت عايز اعرف هو الشكل الجديد من اللادا نيفا
بيكون من اول موديل كام؟؟والموديلات دي كلها دريكسيون بور لا مودلات ال 2000 بس
وشكرا
عرض للطباعة
السلام عليكم ورحمة الله
انا كنت عايز اعرف هو الشكل الجديد من اللادا نيفا
بيكون من اول موديل كام؟؟والموديلات دي كلها دريكسيون بور لا مودلات ال 2000 بس
وشكرا
تقريبا من 94 او 96حاجة كده
انا كنت بافكر فى العربية دي بس لما عدت لرشدي حسيت ان انا كنت بافكر فى عربية سقطت من تاريخ الزمن والعالم حتى لو اتقال فيها شعر ..انا شايف انها ممكن تتقارن بجرار زراعي مع احترامي لمالكيها
يا باشا الشكل بيفرق فى الفانوس الخلفي وشوية الفايبر اللي راكبين
عربية غير عائلية دركسيونها انعم من ال 2107 معرفش اللي فيها باور ايه نظامه ..لو جابت 120 كيلو فى الساعة يبقى تمام اوي ..فى الملفات لازم تهدي جامد لان العربية عالية .اما السحب فهي ممكن تسد مع ال 128 غير كدة لا
بص اللادا عربيات خشنة وخدمة شاقة وانت معاك عربية ناعمة وهي الريجاتا لو فعلا شايف ان النيفا هتفيدك اتوكل على الله بس خلي بالك انها محتاجة تدوير مش اقل من 6 شهور العربية قليلة واللي حالتها كويسة قليلة جدا وسعرها عالي بس لما تجيبها وتقعد معاك شوية متندمش ساعيتها انك جايب صندوق حديد باربع عجلات خالى من الاوبشنز
انا فاهم حضرتك بس انا مش هبيع الريجاتا انا هجبها مع الريجاتا عشان سعرها معقول
انا طبيب بشري واستلمت شغل في اسكندريه انا من القاهره فالسارع رمل مش اسفلت عندنا
قولت حرام ابهدل الريجاتا
انا عاوز اعرف حاجه منك بعد اذنك هي تستحمل اسافر بيها من القاهره لاسكندريه
تاني حاجه بالنسبه لموضوع الاوبشن
؟؟طيب ايه الاوبشن في ال 128 زياده عنها
وشكرا جدا للأهتمام
اولا انت لو جبت عربية نيفا بسعر قليل هتلاقي حالتها تعبانة جدا وهتتعبك
طبعا هتستحمل تسافر بيها بس لو حالتها كويسة بس خلى بالك ان العربية خشنة يعني هتنزل منها مدغدغ لان المشوار طويل
وبدل ما تشتري عربية تانية وتقرفك مصاريف استعمل العربية اللي معاك وفى الطرق المكسرة امشي بالراحة واخرك هتغير عفشة بدري شوية
اما بخصوص الاوبشنز ال 128 شكل التابلو ارحم شوية والدريكسيون خفيف طبعا بس انا كمستخدم سابق لل 128 فهي ما تختلف كتير عن النيفا كلها عربيات فاقدة للزمن
الريجاتا كانت سابقة جيلها بشوية عشان كدة تصنيفي ليها اعلى اللى هتشتري بيه النيفا وبعدين تبيعها بخسارة اصرفه على الريجاتا احسن
اوك يا استاذ وليد
ربنا يكرمك
الله يخليك وربنا يوفقك للي فيه الخير
لى راى مناقض
وعن تجربة عشان الناس ما تقلش انى بفتى
واحد زميلى معاة نيفا لولا بس اننا بليل كنت نزلت صورتها هى بتركن تحت العمارة عندى
عامل فيها شغل بودى كيت مخلى شكلها تحفة
راششها لونين مكس ازرق فى رصاصي والكراسي متنجدة بشكل رائع دة الشكل الخارجى
الموتور بتعها 1600 بتشد مع اى عربية وتسارع زى الفل وبتجيب 120 واكتر
مركبلها جنوط معرفش الحقيقة كام وكاوتش عريض مديها ثبات غير عادى ومهبطها عن الطبيعى
مركب عبة دركسيون خمسة بلية صراحة تحفة والعربية عموما تحب تتفرج عليها
على فكرة هو مش بيبيع لحسن تقول انى بعمل دعاية
بس الفكرة كلها انها زى اى عربية فى منها حالات سيئة وفى حالا ممتازة واى عربية على حسب الاستعمال
معلومة صاحب العربية دى معاة اوبترا وسوزوكى وشوية عربيات تانى كتير
حاضر بس بالنهار ...بس هو مش بيبيع
انا قلت كلمة حق فى عربية انا شايفها بعينى وركبتها اكتر من مرة
اه ياريت انا بس عاوز اعرف ممكن تتضبط ازاي
وبما انك ركبتها ومعاك لادا انا عاوز اعرف يعني ايه خشنه علي الطريق؟؟ كل ما اقول لحد لادا يقولي لا دي خشنه علي الطريق
ولو خشنه يعني الدركسيون بتاعها تقيل طيب ما دا يبقي احسن ويديها ثبات علي الطريق السريع ولا انا غلطان؟؟
طب معلش انا عاوز اتكلم معاك شوية
والله انا قبل ما اجيب الادا سمعت كلام يخلينى لو معايا لادا ابعها امبارح مش بكرة بس والله استخرت الله وفكرت بعقلى شوية
انا تقريبا ركبت عربيات الدنيا من قديم وحديث مش عاوز اؤلك ونص نقل ومكروباص كمان
الناس خوفتنى اوى من الادا من دركسيونها وخشونتها وانك هاتننزل منها اكنك كنت بتتخانق ومع ذلك جبتها لانها هاتقضى احتياجاتى
العربية دى اعتماديتها عالية جدا قليلة الاعطال قطع غيارها زى الـ 128 استهلاكها اكتر من الـ128 بـ 3 جنية فى الصفيحة وانا بعمل معدل بالملى .... انا هاوى عربيات على فكرة ودماغى فيها اوى
كنت بقف فى الشارع اشوف كام عربية تاكسي لقيت ان اكتر من 70 فى المية تاكسى هى لادا يليها شاهين وباقى ماراكات عريبات اخرى .... سالت نفسي وانا كان عندى تاكسي زمان اليوم كان بيفرق فى الشهر كولة النهردة العربية وقفت بتعمل صيانة دة كان اكبر خبر وحش يبقى لادا اعطالها قليلة واما تيجى تجيب قطعة غيار ملية الدنيا جديد ومستعمل وكل حاجة فى الدنيا ....يا راجل دى فى منها موديل 2010 والاحلى انك لو راكب عربية عدلة شوية واقفة على حلها وفيها شوية بوهية نضف محدش هايعرف موديل العربية يعنى لو قلت دى موديل 2007 شغال ....طب تعالى بقى اما ركبتها اقسم بالله العظيم ما فى اى كلام من اللى اتقال عليها ولا تقل دركسيون ولا غيرة سافرت بيها اماكن كتيرة رايق اوى والدنيا حلوة مع انى بموت فى الجرى ...سمعنا كتير انها عربية بتسخن ومقرفة بس وحياة ربنا الكلام دة عكس الموجود لدرجة انى مشكلتى الصبح ان العربية تسخن عشان اخد منها افضل اداء لدرجة انى بقيت احط كرتونة ادام الردياتير عشان تسخن لمدة كام كيلو كدة
مشوارى اساسا رايح جاى 100 كيلو يوميا ولا تعبت ولا رحت جم عشان اعمل مجانص والكلام دة مكتوب هنا وهايتالك
معلش انا طولت عليك بس بزعل اوى ان حد يكون متحمس لحاجة وحابها وناس تحبطة
اولا واخيرا استخير الله لما فية الخير لك
والله كلامك مقنع جدا انا ناس كتير قالت اصل البيض معرفش بيحضله ايه كدا والعجلتين بيدخلو لجوه دايما وتسخن دايما وبتركبلها ريداتير ومروحه وتعديلات وافلام كدا
بس اللي جرب غير اللي سمع طبعا
طيب نسيت تقولي رايك في النيفا اللي ركبتها كذا مره واخبرها ايه في السواقه معاك
راى انها ممتازة فى سواقتها ومريحة
كمان الكاوتش العريض اللى راكب مخلى المسافة بين المحاور بتعتها اقل من الطبيعى فامديها اتزان فى المنحنيات
وكمان موطيها عن الطبيعى مديها كلبشة فى الطريق مما يزيد احساسك بالتماسك والثبات
موضوع البيض دة انا معاك انة نقطة ضعف فى العربية بيحتاج يتغير كل سنة والطقم بـ 180 جنية البلغارى
واعتقد ان اى عربية هاتعمل فيها شغل فى العفشة بالمبلغ دة فى المدة دى
ربنا يوفقك
انا برضه عاوزة اشترى لادا نيفا واظبطها والناس كلها احبطتنى لدرجة انى بدأت اتعقد
انا معايا لانسر بس انا عاوزة اجيبها لاختى واظبطها واستغلها بعد كده ونبقى نبدل مع بعض عادى يعنى اصلها بصراحة عربية سعرها معقول وجامده وقطع غيارها رخيصة وشفت تظبيطات لها مخلية شكلها تحفة
انا من عشاق الشيروكى وبصراحة مش ينفع اشترى شيروكى حديثة لانها غالية اوى ففكرت اجيب اللادا واروقها بقى وانا عامة بحب تظبيط العربيات جدا
بس اى حد يعرف انى بدور على نيفا يضحك عليا وخاصة لانى بنت لدرجة انى بدأت اتعقد واصرف نظر
انا عندى نيفا موديل 1994 الشكل الجديد موتور 1700 سى سى - تكييف - جر رباعى وفتيس الغرز شغال.
والموتور خفيف .
عاوز ابيعها ب 20500 عشرين ونص .
هشام
0141987986
الصور هرفعها ف اقرب وقت ان شاء الله. وهيا مرشوشة من بره ومن جوه برضو مش متاكد احتمال تكون مرشوشة او على الاقل حتت لكن الشنطة مش مرشوشة خالص والحوض لما رفعتها ف المحطة وانا بشتريها ماكانوش متاكدين مرشوشة الحوض ولا لا بس قالو انها سليمة لكن احتمال تكون مرشوشة الحوض يعنى.
وبالنسبة للموتور هوا الاصلى بتاعها هوا 1700 كربراتير مش انجكشن وانا مركبلها كربراتير فيات 132 2000 عشان السحب والجرى وكده. لكن موتورها خفيف ف هتحتاج يا طقم شنبر يا عمره.
انا بس راى ان النيفا دركسيونها تقيل اوىى بالنسبة لبنت, لكن غير كده هيا عربية مناسبة اوى وخصوصا ان حجمها مش كبير
هيا نفس الشكل ده بالظبط
Lada Niva 1.7i - 3-doors, wagon - 4
بس الحالة اوحش شوية :)
ملحوظة النيفا حتبقي مش لطيفة في سواقتها للبنت نهائباَ
مين إلى قال ان السيارات رجالى أو حريمى
العربيات للجميع سواء رجاله أو بنات و محدش يمشى ورا أراء الناس بالأخص لو أتقالكم أن العربيه دى رجالى أوى او شكلها بناتى أوى (لولا أختلاف الأذواق لبارت السلع)
و دى صورة عالسريع كدة عشان موضوع التعديلات (صباح الفل)
http://www.tuningfever.fr/pics-med-7...-lada-niva.jpg
بس أهم حاجة الحاله تبقى نضيفة
حتى لو هتقعدى سنين متجيبيش عربية بس لما تجيبى تكون حاجة مش تعبانه لأن على فكرة حتى لو هامر و حالتها مش كويسة هتجيب جنان لصاحبها فالأفضل وبما أنكم بنات تكون حالتها كويسة عشان متدوخوش مع الميكانيكيه و النصابين و وجع الدماغ إلى الرجاله نفسهم بيهربوا منه
بعد اذنكم يا جماعه
انا كنت ناوي اجيب عربيه نيفا جديده بعد كام يوم
بس بصراحه طوب الارض قالي لا حتي البواب بتاع العماره قالي هاااااااااات بثمنها لانوس ولا فيرنا
مش عارف افكر ومحتاجكم تساعدوني بجد
وهل لو اشتريت النيفا تنفع للعائله ولا لا
وهل ينفع اظبطها واحدثها وهي جديده ولا الضمان هيرفض
وهل المصري تستاهل ولا رااااااااااحت عليها خلاص والروسي روسي بردو
منصحكش تجيب الجديدة لانك هتخسر فيها كتير لو حبيت تبيع انت ممكن بثمنها تجيب شيروكى حاجة وتسعين هى افضل للعائلة علشان 4 باب وطبعا مش هتكلم عن الشيروكى
انما لو عايز تجيب نيفا موديلات الثمانينات او التسعينات وتظبطها على مزاجك هتبئا تحفة بردواز انا معايا نيفا (روبى)وبصراحة عجبانى جدا اولا ميجيش واحد يستهبل ولا يقرب منك وخصوصا بتوع الميكروبصات ولا التوكسه
فوق رصيف شغال ارض مبعجرة شغال تخوف بيها الناس شغال . حد خبطك متنزلش لانه هو اللى متضرر متتعبش نفسك حتى لو انت مش غلطان. قطع غيار رخيصة . طبعا النيفا متعرفش حاجة اسمها مطبات اساسا
بس يعبها انها تفتقر للحداثة المطلوبة زى الراحة بعض الشئ وده ممكن انك تغير الكراسى . انها باب واحد وده ملوش حل العربية 4 راكب و2 شعبطة هههههه
وعلى فكرة جميلة للبنات مع انها تقيلة شوية فى دركسيونها بس اطمنى انتى جوه دبابة روسية ومحدش هيقرب منك لان زعل النيفا ونرفزتها وحش اوى ربنا يكفيكم شره وانا مجرب وهتربى ليكم عضل وعلى فكرة مبتحبش التعامل معاها بدلع من الاخر بتحب يكون ليها هيبه فى اى مكان تروحه