Mp3 للياريس ............. !!!!

**fahd_628** · 08-04-2008 01:58 AM

فعلا انا برضة شغال بالشريط دة بس للأسف انا كنت جايبة من كارفور و طلع حظى وحش و بيطلع زنة بسيطة كدة بس هوة حلو و شغال احسنلك هاتى حاجة نظيفة من راديوشاك

**Eng_Ahmed** · 08-04-2008 02:03 AM

انا عملت حركه حلوه كده مش عارف ممكن تعجبكم يعني

انا جبت وصله للموبايل بتاعل ( Nokia N73 ) شكلها عامل كده

و دي بتحول سماعه الموبايل لسماعه عاديه و وصلتها علي الشريط ده علشان أوصلها بالكاسيت
أنا أغلب الحجات الي بأسمعها حاطتها علي الموبايل و بكده أبقي ضربت عصفورين بحجر :)

إيه رأيكم

**waleed24ag** · 08-04-2008 02:16 AM

اخوانا الي بيستعملوا الموبيل في سماع الموسيقي عبر الكاسيت الموضوع دا موش عملي اولا لو جالك مكالمه و انت سايق دا ممكن يلخبطك و ثانيا لو الموبيل من النوع الغالي انت كده بتدمر البطاريات و طبعا استهلاك للموبيل
انا شايف ان الجهاز الي عرضه عبد الله الي عبر ال f.m جهاز كويس بس انت تختار ذو جوده و انا سالت ناس عندها الجهاز دا وشفته كمان عملي و كان صوته محترم جدا لكن لو انت بقه عاوز مستويات عاليه انت ممكن تركب نظام صوتي كامل و دا يكون موضوع تاني

**Eng_Ahmed** · 08-04-2008 02:21 AM

اخوانا الي بيستعملوا الموبيل في سماع الموسيقي عبر الكاسيت الموضوع دا موش عملي اولا لو جالك مكالمه و انت سايق دا ممكن يلخبطك و ثانيا لو الموبيل من النوع الغالي انت كده بتدمر البطاريات و طبعا استهلاك للموبيل
انا شايف ان الجهاز الي عرضه عبد الله الي عبر ال f.m جهاز كويس بس انت تختار ذو جوده و انا سالت ناس عندها الجهاز دا وشفته كمان عملي و كان صوته محترم جدا لكن لو انت بقه عاوز مستويات عاليه انت ممكن تركب نظام صوتي كامل و دا يكون موضوع تاني

انا الجهاز ده جربته لكن صوته كان فعلا وحش جدا جدا و فيه هوا أو وش كتير و معجبنيش
بالنسبه لمووع الموبايل
فأنا كده كده كنت بأحط السماعات في وداني و بأسمع منه أغلب الوقت و هو معمول علشان كده لإن أسمه "Media Phone" و تشغيل ملفات الصوت عليه دا حاجه عاديه هو مصمم ليها

بالنسبه بقي للمكالمه فا انت كده كده هتسمع الرنه علي الكاسيت فتركن في جمب و تفصل الشريط عادي و تركبه لما تخلص
لإن أنت كده كده مش المفروض تتكلم و انت سايق .... وله إيه ؟

**waleed24ag** · 08-04-2008 03:06 AM

مهندس احمد علي فكره انت ممكن تراجع المنيول بتاع التليفون بتاعك و من اهم التحذيرات الي فيه هو تشغيل الموبيل لفترات طويله علي الاستماع للموسيقي بالاضافه الي تشغيله ككجهاز امداد لجهاز تاني بالموسيقي او الداتا و دا لانه بيشتغل باقصي فولت يسمح بيه الجهاز لامداد الجهاز التاني الي هو زي شريط الكاسيت بالموسيقي و علي العموم انا كنت بتكلم برده من واقع تجربه عن الجهاز الي ابو عبد الله عرضه و هو احسن و عملي اكتر و لكن واحد وجهه نظر

**theking2690** · 08-04-2008 03:11 AM

نصيحه الشريط اريح و ارخص انا كنت بشتغل بيه فى عربيتى القديمه و كان شغال زى الفل بس هاتى نوع نضيف

**goodwave** · 08-04-2008 12:03 PM

السلام عليكم

انا عندي جهاز ال MP3 FM Modulator وشغال معايا زي الفل و هو بيركب على الولاعة ومعاة ميموري كارد بيتحمل عليها الاغاني وفية كمان مكان لل USB وبصراحة صوتة نقي ومحترم وكمان معة كابل ممكن يتوصل ب MP3 بلاير وانا جايبة من راديو شاك ب 130 جنية بملحقاتة.

الشريط مش مأمون لأنة ممكن يبوظ الهيد بتاع الكاسيت وخصوصا إنة حاجة صيني تعبانة ب 10 جنية ..... وفي منة نوع ب 90 جنية عند راديوا شاك .

**hero** · 08-04-2008 12:12 PM

دموع ...
انا عندي الشريط ايلي فية سلك وجاك بيتوصل بالـMP3 وصوتة حلو جداا...بس انا خايف علي الكاسيت او الهيد...لان السلك ايلي في الشريط..وضعه بيختلف من شريط لاخر ...وعندي حاسس انة مش بيخلي غطاء الكاسيت يقفل بصورة طبيعية....في عربيات تانية ...غطاء الكاسيت مابيتأثرش قوي..

علشان كدة انا ناوي ان شاء الله...اشتري الـFM Modulator من راديو شاك...لانة آامن واحسن...
ولو نوع كويس وتصنيعه كويس الصوت هايبقي ممتاز...لانة نفس فكرة الاستقابل الاذاعي بتاع FM زي 100.6 وغيرة..

**أبو عبدالله** · 08-04-2008 01:04 PM

المشاركة الأصلية كتبت بواسطة goodwave

السلام عليكم

انا عندي جهاز ال MP3 FM Modulator وشغال معايا زي الفل و هو بيركب على الولاعة ومعاة ميموري كارد بيتحمل عليها الاغاني وفية كمان مكان لل USB وبصراحة صوتة نقي ومحترم وكمان معة كابل ممكن يتوصل ب MP3 بلاير وانا جايبة من راديو شاك ب 130 جنية بملحقاتة.

الشريط مش مأمون لأنة ممكن يبوظ الهيد بتاع الكاسيت وخصوصا إنة حاجة صيني تعبانة ب 10 جنية ..... وفي منة نوع ب 90 جنية عند راديوا شاك .

ممكن اـاكد من حضرتك ان نقاوة صوته كويسه ولا مش مثل السي دي
ولو ممكن صورة له

**دموع الثلج** · 08-04-2008 03:29 PM

المشاركة الأصلية كتبت بواسطة أبو عبدالله

دي صورته يا دموع
وبيدخل مكان الشريط العادي وبيبقى طالع منه سلك بجاك بيتوصل في اي حاجه ام بي ثري او اي بود او موبايل

وموجود في اغلب مولات الكمبيوتر ومحلات نص البلد او اي محل بتاع الكترونيات واجهزة كهربائية

وهو تمنه تقريبا 20 جنيه او اقل مش فاكر
وفي منه في راديو شاك

وفي الــ mp3 transmitters ده

وده بيشتغل على ولاعة العربيه وبيتوصل فيه الفلاشة او كارت ميموري وبتستقبلي اشارة الصوت بتاعته على الراديو بتاع العربيه على الأف ام

وبرضه موجود في كل مولات الكمبيوتر ومحلات الألكترونيات وتمنه 100 جنيه وفي نوع معروف اسمه easy pc

الف شششششششكر يا ابو عبدالله على ردك ومساعدتك وشكرا على توضيحك بالصور

ان شاء الله هجييب الترانسميتر بتاع الولاعه اريح واضمن لسلامه الكاسيت