السلام عليكم
العربية لانوس 2 موديل 2000 185 الف كيلو
من شهرين كده غيرت حساس البوابة مع البوجيهات والسلوك لاني كنت بشكو من تغير في لفات الموتور وكمان من استهلاك البنزين
وبعد كده العربيه اتحسنت بشكل كبير في اللفات وبشكل اقل في استهلاك البنزين
وكانت ماشيه
لغاية لما غسلت موتور العربيه
وتاني يوم
العربيه بتدور وبعدين اللفات تزيد وتقل جدا والعربيه تترج جامد وتقف
وادورها تاني ويحصل نفس المشكلة
ولما امشي بيها علي الاول والتاني السحب بطيء جدا واحيانا بيحدث هبوط حاد في لفات الموتور والعربيه تقف

فصراحه مش عارف المشكلة منين مع ملاحظة انه احيانا قبل هذه المشكلة كانت اللفات ممكن تنزل فجأه وخاصة في بداية الغيار الاول و كنت بلحقها علشان متقفش وكنت بعرف امشي وسايس العربية
لكن دلوقتي الموضوع بيحصل بسرعه جدا جدا وبتقف
وشكرا جزيلا لحضرتكم