صمت دهرا ونطق كفرا ( عمرو موسى )

**memo_p910** · 08-03-2011 02:08 AM

صَمَتَ دهــراً ... ونَطَقَ كفــراً....
طيب والناس اللي ماتت؟؟؟؟؟؟
يقبلوا العوض ونسألكم الفاتحة

«موسى» يدعو القذافى للبدء فى مصالحة شعبه إذا ما أراد البقاء فى الحكم

الخبر على جريدة المصري اليوم
http://www.almasryalyoum.com/node/342405

**zyadahmed** · 08-03-2011 02:12 AM

أنه يقترح على القذافى إذا ما أراد البقاء فى الحكم فى ليبيا أن يبدأ فورا فى عملية مصالحة مع شعبه..إلا أن موسى أعرب أيضا عن اعتقاده بأن الشعب الليبى لن يقبل بذلك

لو كملت بقية الخبر هاتفهم المقصود .....
طبعا ده رجل سياسة و فى موقع حرج وحساس متوقع منه يقول ايه لواحد مجنون زى معمر يقول ارحل مثلا ؟؟؟

**itsonlyme** · 08-03-2011 02:17 AM

المشاركة الأصلية كتبت بواسطة zyadahmed

أنه يقترح على القذافى إذا ما أراد البقاء فى الحكم فى ليبيا أن يبدأ فورا فى عملية مصالحة مع شعبه..إلا أن موسى أعرب أيضا عن اعتقاده بأن الشعب الليبى لن يقبل بذلك

لو كملت بقية الخبر هاتفهم المقصود .....
طبعا ده رجل سياسة و فى موقع حرج وحساس متوقع منه يقول ايه لواحد مجنون زى معمر يقول ارحل مثلا ؟؟؟

طبعاً يقول له ارحل، هي دي فيها كلام؟

احنا مش بتكلم عن ازمة سياسية في ليبيا ولا شوية احتجاجات، احنا بنتكلم عن جيش ومليشيات ضد الشعب وقذف بالطائرات والمدافع وتمرد شعبي/عسكري في المقابل.

لا مجال للدبلوماسية في الوقت ده.

**memo_p910** · 08-03-2011 02:21 AM

وما دمت تعلم ان الشعب الليبى لن يقبل بهذا يا موسى لماذا تطالب القذافى بالمصالحة اذن كان وفرت كلمة مصالحة دى وتجرات وقلت يرحل كما قالها الامريكان والاوروبين ولا ده أسلوبك دايما مالكش موقف وماسك العصايه من المنتصف غريب ايها الامين الذي تريد ان تصير رئيس دولة ثارت على ما تحمله من افكار وولاءات .

**Qmax** · 08-03-2011 02:25 AM

المشاركة الأصلية كتبت بواسطة itsonlyme

طبعاً يقول له ارحل، هي دي فيها كلام؟

احنا مش بتكلم عن ازمة سياسية في ليبيا ولا شوية احتجاجات، احنا بنتكلم عن جيش ومليشيات ضد الشعب وقذف بالطائرات والمدافع وتمرد شعبي/عسكري في المقابل.

لا مجال للدبلوماسية في الوقت ده.

+11111111111111

وده تعليق واحد من الزوار

وما دمت تعلم ان الشعب الليبى لن يقبل بهذا يا موسى لماذا تطالب القذافى بالمصالحة اذن كان وفرت كلمة مصالحة دى وتجرات وقلت يرحل كما قالها الامريكان والاوروبين وكان رصيدك مع الناس كبر وعلى وانت بتقول انك هترشح نفسك رئيس وانا واحد من ضمن الناس كنت من اكبر مؤيديك لكن بعد تصريحك دة لا والف لا واعتقد ان تصريحك دة من اخطر التصريحات التى تعتبر مسمار اخير فى نعشك صنعتة يا موسى انت بيدك يؤسفنى ان اقول هذا لكنها الحقيقة كنت اتمنى منك الخير لكن واضح انك ربيب النظام السابق ويبدوا ان الغالبية العظمى من ربيبى النظام البائدوالذين عملوا تحت قيادتة ما هى الا وجوة لعملة واحدة

**zyadahmed** · 08-03-2011 02:28 AM

المشاركة الأصلية كتبت بواسطة itsonlyme

طبعاً يقول له ارحل، هي دي فيها كلام؟

احنا مش بتكلم عن ازمة سياسية في ليبيا ولا شوية احتجاجات، احنا بنتكلم عن جيش ومليشيات ضد الشعب وقذف بالطائرات والمدافع وتمرد شعبي/عسكري في المقابل.

لا مجال للدبلوماسية في الوقت ده.

كلنا طبعا عايزين القذافى يرحل مش بس من ليبيا لكن من الدنيا كلها لكن كان قصدى انه الثور الهائج لما تيجى تذبحه لا تريه السكينة ولكن تخفيها عنه حتى تصل لمبتغاك

وبعيدا عن هذا انا لست من مؤيدى عمرو موسى ولا ادافع عنه ابدا لان ده اخره ( الدبلوماسية ثم الدبلوماسية ) ولا يصلح لقيادة ثورة شعبية ولا امة فى طور التكوين الثورى لانه ذوق زيادة عن اللزوم بحكم عشرته الطويلة للخارجية والجامعة العربية الورقية

**a7madramadan** · 08-03-2011 02:30 AM

طبعا المفروض يقوله ارحل ...المفروض بما انه بيتكلم بإسم العرب يقول بعلو الصوت انت غير مرحب بيك لا في بلدك ولا في الجامعة العربية ده بصفته رئيسها ...

ولو بيتكلم بلسان شخصه فدي مصيبة في حد ذاتها

**ahmed_spectra** · 08-03-2011 02:38 AM

ايه ده هو نسي انه بيتكلم مع سفاح وبيقتل شعبه بالمرتزقه والطيران الحربي
هو ده عمرو موسى وأنا رأيي فيه انو ماينفعش حتى يبقى رئيس شركه لكنه مستغل شعبيته وعايز يبقى رئيس مصر في فتره ثوريه مباركه محتاجه سياسي ثوري ورجل ذو مواقف صلبه وثقل دولي