عرض للطباعة
انهرده جربت اسوق عربيه بتاعه ابن خالتى السيتروين zx المهم وانا ماشى بيها العربيه بتجيب معايا لحد 5 ار بى ام على عكس عربيتى بجيب 3 ار بى ام وبعدين عمره ما بيجيب اكتر من 3.5 ار بى ام هل دا طبيعى فالبولونيز ولا دا عيب عندى ؟ ويكون عيب ايه ؟
هو الآر بى ام عندى 10 20 30 هل دا هو هو العادى اللى 1 2 3 ؟
عادى اقصى قدرة حصانية عندك عند 3500 لفة / دقيقة
هو اقصى قدرة حصانية عند 5000 لفة/ دقيقة
الموضوع دة بفكرنى بالمقارنات بين لانوس وفيرنا
الفيرنا تمتاز انها بتشد وتسارع عالى جدا لان اقصى عزم بتخدة من الموتور عند 3000 لفة اما الدايو تسارعها اقل لكن اما يوصل المحرك عند 5000 لفة تاكل الفيرنا
أصل فى واحد قلى دا عيب بوجيهات فهل دا صح ولا لأاقتباس:
المشاركة الأصلية كتبت بواسطة mrastra
طيب على كلامك ليه الآر بى ام معمول لحد 80 ؟؟
شكرا على الرد ومنتظر رأى باقى الأعضاء
السلام عليكم ورحمة الله
معمول لغاية 80 يعنى 8000 لفة / دقيقة والمشكلة اللى عندك ان الموتور عموما بقى بقى بنسبة معينة من القدرة الحصانية يعنى اقل مثلا بنسبة 40 فى المية فطبيعى انة ميجبش عدد اللفات اللى فى العداد
يعنى المشكلة عندك حالة عامة للموتور من بوجيهات وطقم كهرباء وكبس البساتم وخلوص الكرنك وقوة ضغط طلمبة البنزين وهاكدذ
ارجو انى اكون قد افدتك وزى ما قلت منتظرين راى باقى الاخوة الاعضاء
هو انا لسه مغير كوندنسراقتباس:
المشاركة الأصلية كتبت بواسطة mrastra
انت تقصد فطقم الكهربا الأبلتين والكوندنسر والبوجيهات وسلوكها ولا فى حاجه تانيه ؟
والميكانيكى كان قلى انه عايز يظبط التاكيهات ..... ويكشف على الكاربيراتير هل ممكن العيب من التاكيهات وهيا بتفرق فإيه ؟
وانا عند العفشجى من يومين ركبت عربيته نفس موديل عربيتى ولقيت ان ملهاش صوت نهائى هموت واعرف ازاى مع ان موتورها هو هو موتورى
ومنتظر الجميع
السلام عليكم ورحمة الله
طقم الكهرباء او السرفيس موبينة اسلاك بوجيهات ابلاتين كوندنسر
التاكيهات هى حركة دورانية من عامود بنفس الاسم عامود التاكيهات وبتتحول الحركة الدورانية الى حركة ترددية عن طريق كامات متخلقة فى عامود التاكيهات اكن شاكوش بيدق على مسمار والمسمار راكب على سوستة يعنى اما بينزل لتحت السستة بترفعة تانى لفوق والشاكوش يضرب علية تانى ومن هنا بنسمع صوت التاكيهات وبما ان الميكانيكى الك عاوزين نظبط التاكيهات يبقى عاوز يقلل الخلوص اللى بين الشاكوش والمسمار عشان الصوت يق ودة بيكون بجزء من الملى بس مع الشغل لو مش مظبوطة بتسمع صوت النقرة او الخبطة بتاعة التاكية
والعربية اللى انتى ركبتها وملهاش صوت مع انها نفس موديل عربيتك ممكن يكون مغير موتورها بموتور 131 او انة ظابط الموتور من تاكيهات ونسب خلط بنزين وهواء وكاتية التاكيهات مع الحالة العامة للموتور من كبس جيد واحكام فى البساتم وسبايك الكرنك كل دة بيدى نعومة للموتور حتى لو موتور ديزل لو اتظبط بيكون ناعم
لعلى قد افدتك ومنتظرين الجميع
شكرا يا باشااقتباس:
المشاركة الأصلية كتبت بواسطة mrastra
بالنسبه للموتور اللى انا اتكلمت عليه الراجل بيقلى دا الموتور الأصلى بتاعها مش مسقطلها موتور عشان كده انا استغربت
المشكله الجديده العربيه بتطفى كل شويه ودخان ودنيا المهم الكربيراتير فيه حاجه ...... بس انا مسافر ان شاء الله بكره وراجع بعد اسبوع هروح اشوف الكاربيراتير حكايته ايه واصلحه وان شاء الله اغير طقم كهربا ونظبط التاكيهات واقلك على النتيجه
بس اهم حاجه عندى عايز اعرف دا آخر الآر بى ام ولا ايه
وعايز اعرف اوطى صوت العربيه ازاى
اولا : ترجع بالسلامة
ثانيا : لازم يكون صوت البولو عالى وتسمع التاكيهات دى ملعلة كدا ولو صوت الموتور واطى ومش مسموع يبقى كدا محمل على التاكيهات لان الموضوع دا كان حاصل معايا قبل كدا والله ماكنتش بعرف الموتور شغال ولا لأ !!! صدق او لأ تصدق؟
بولونيز ايه الى ما بتجيبش 5 ار بى ام ... انتا لو تعرف تجيلى فى يوم ان شاء الله هعمل معاك واجب جامد عند مركز بتاع تظبيط كربراتير وهرجعك من عندو وانتا راكب بى ام .... ومش عايز احلف انك مش هتصدق ان دى عربيتك او بولونيز حتى ؟ وهتجيب 6.5 rpm مستريح
حضرتك بتقارن بين ستروين و بولونيز .. قديم و جديد .. مكنة و مكنة تانية !! ده الطبيعي حضرتك أن العزم يختلف من عربية لعربية و كذلك أداء الماتور في زيادة عدد لفاته ده بيعتمد على العمر الأفتراضي ... و الصيانة و هكذا !!
هو مش المفروض اننا بنظبط تاكيهات لما الموتور يكون صوته عالىاقتباس:
المشاركة الأصلية كتبت بواسطة the_hero2005
بمعنى اصح مش كل ما كان صوت الموتور مش مسموع يبقى كويس ولا ايه ؟؟؟!!
ياريت توضح الجزئية دى عشان مش فاهمها
اقتباس:
المشاركة الأصلية كتبت بواسطة the_hero2005
أعمل حساب أن الماتور بتاعه حضرتك متعرفش فيه أيه... ممكن يكون أصلاً الماتور مريح .. و فيه حاجات
ممكن تكون صيانة صاحب الموضوع للماتور مكانتش تمام.. و هكذا
فمتكنش متأكد أوي كده من الموضوع ده :))))) :36_9_4:
الله يسلمكاقتباس:
المشاركة الأصلية كتبت بواسطة THE_HERO2005
انا لسه منضف البيك ومظبط التاكيهات امبارح ... العربيه الحمد لله بقت أفضل وصوتها مش سئ بس لسه عالى ومزعج خصوصاً لما اكبس بنزين وأعدى فالأر بى ام ل4 فبضطر انى أنقل للغيار الأعلى ....
انا لو عليا نفسى أجيلك بس أخاف أمشى بيها على طرق سريعه عشان فيها تعويمه جامده لحد مأعمل العفشه
هو حضرتك لما كنت بتجيب الأر بى ام العالى كان ايه أخبار صوت الموتور
فى حاجه كمان لما عمرنا الموتور مكنش ليه صوت وكان رايق آخر حاجه ... والميكانيكى قالى ان فى مواتير بولونيز الكاتينه كاوتش مش حديد ودى اللى صوتها رايق !!! الكلام صح ولا بيعيش عليا ؟
ايه يا عم بتعيرنى عشان العربيه قديمه ؟:_Alshmokh08[1]:اقتباس:
المشاركة الأصلية كتبت بواسطة smsm_nabawy
هو انت عندك حق بس انا بتكلم فمبدأ تانى هو ان معنى ان العداد لحد 8 تر بى ام يبقى المفروض يجيب على الأقل 5 .... بس المشكله عندى صوت الموتور بيبقى مزعج ازعاج رهييييييييييييب فوق ال 3 ار بى ام
شكراً على الإهتمام بس انا لسه واخد العربيه من الوالد من حوالى شهر ونص كده ... ووالدى مهندس ميكانيكا يعنى فاهم فالموضوع دا وكان بيعملها صيانه على طول ... بس بصراحه انا معرفش حاله الموتوراقتباس:
المشاركة الأصلية كتبت بواسطة smsm_nabawy
والعفشه عندى وحشه مش عارف تأثر ولا لأ ....
الموتور متعمر من حوالى 3 سنين .. وبنسافر بيها أى حته عادى مفيش مشاكل
اقتباس:
المشاركة الأصلية كتبت بواسطة kreka
ممكن يكون الموتور بيفوت كبس عادي و تمشي بيها و تسافر عادي جداً .. ممكن يكون عندك جوان تاكيهات ضارب و تسافر بيها عادي جداً
و بقول عن ثقة .. لأنها في موتوري .. و لحد دلوقتي معالجتهاش .... و شغال بيه عادي
بس أنا عندي الجوان ضرب من كتر الحرق على الموتور !! و معلافش لحد الان الموتور بيفوت كبس ليه :(((
بس حكاية الكبس دي موااال :((( :_Alshmokh08[1]:
و كمان الموتور معموله عمرة من 3 سنين .. ده مش مقياس أنه حالياً 10 \10 ... لأن العمرة دي ممكن متكونش معمولة بضمير !! فيها حاجة غلط كده يعني !!
كون الماتور مش بيعلى معاك عن 3000 أر بي ام .. ده في حد ذاته شيء يدعو للقلق.. و ده نتيجة حاجتين
يا أما عيب في الدبرياج .. يا أما حاجة في الماتور !! ملهمش تالت "على حسب معلوماتي" لأن الكاربراتير ملهوش دعوة بالحرق ... و لو مسدود .. حتلاقي تسارع العربية وحش مش أكتر !! و كذلك لو موبينة أو أسبراتير !!! ليهم أعراض غير دي
العزم الي طالع من الموتور .. يبقى مرتبط أرتباط وثيق لادبرياج .. و الموتور نفسه :)
قلي غيرت طقم دبرياج آخر مرة امتى ؟ !! :w6266d
لا مالهاش علاقة بالدبرياجاقتباس:
المشاركة الأصلية كتبت بواسطة smsm_nabawy
الدبرياج له علاقة بسرعة العربية ككل ( عداد السرعة )
انما سرعة موتور نفسه لا وعزمه لا
هو يمنع وصول عزمه للعربية انما يأثر في عزمه هو شخصيا لا ، الدبرياج مالوش اي علاقة غير بنقل القدرة بحيث لو تعبان بيحصل دروب في النص وفي الاخر ، انما القدرة في الاول وهى طالعة من المكنة بتبقى زي ما هى
يعنى الدبرياج لو مظبوط هتلاقى العربية مثلا على الرابع على 1000 ار بي ام تجيب سرعة 30 وعلى 2000 تجيب 60 بنفس النسبة وعلى 4000 تجيب 4 *30 = 120 بنفس النسبة وهكذا
لو الدبرياج مش مظبوط هتلاقى اختلاف في النسبة بين سرعة الموتور وسرعة العربية والاختلاف غالبا هيكون على السرعات العالية بحيث على 1000 تلاقى السرعة 30 انما على 4000 تلاقيها مثلا 80 مش 120 كما هو متوقع
:B4_388::ilikeit:اقتباس:
المشاركة الأصلية كتبت بواسطة amrelsaqqa
مممممممم... ماشاء الله .. كلامك منطقي فعلاً.. و انا فاهم الحكاية دي .. بس حسب الي فهمته برده .. ان الأخ صاحب الموضوع العزم بتاع عربيته بيوصل لل 3000 بالعافية !!!
طيب مش ده ممكن يكون ليه علاقة لادبرياج .... "أنا بتكلم و هو ماشي مش واقف ممور !!!"
لأن حسب فهمي انه كده الدبرياج مش بينقل العزم صح !!!
ااااااااااه صحيح تصدق ... ده لو كده يبقى المفروض العزم يزيد و في نفس الوقت السرعة تكون قليلة !!!! والله فعلاً عندك حق
يخرب بيت الجوع و سنينه :)))
طيب معنى كده أننا أستبعدنا الدبرياج !!! يبقى فاضل أيه ... "الأصخم .. و هو الماتور !!"
:(((
حد عنده نظرية ممكن أيه الي يخلي الماتور يعمل كده ؟ :crashcomputer3:
هو يجرب الاول على الواقف ( وهو ممور )اقتباس:
المشاركة الأصلية كتبت بواسطة smsm_nabawy
لو مش قادر يجيب اكتر من 3000 او حتى 4 و 5 وهو ممور يبقى فيه مشكلة فعلا
وساعتها هيجرب يحرك بكرة الاكسراتير من عند الكربراتير لأن احتمال يبقى الدواسة مش بتجيب اخر مشوارها
لو البكرة مظبوطة وبتفتح الباب بتاع الكربراتير على الاخر ومع كدة الار بي ام 3000 او بيعلى مدة صغيرة بس العربية تبطل وتقطع بعدها
يبقى ينضف دورة البنزين والكربراتير ويتأكد من ضغط الرداخ كويس
لو مش بتقطع من فتح بوابة الكربراتير على الاخر
يبقى يشوف طقم الكهربا كله من الاول للاخر ( البوجيهات والابلاتين والكوندنسر وسلوك البوجيهات و الموبينة وظبط الاسبراتير والوش والشاكوش وكله .. )
لو بعد كل ده المشكلة زي ما هى يبقى هنا الموتور فيه مشكلة
وطبعا هيبقى ليها شواهد كتير
زي بخار جامد من خرطوم الفايظ لونه يميل للازرق وبيكتم العربية لو ركب في العمة
او زيت على البوجيهات او لون العادم ...
اقتباس:
المشاركة الأصلية كتبت بواسطة kreka
:))))لا والله ما بتريق ولا حاجة :)))
بس هنا في سؤال بس الله يخليك !!!!
معنى كده أنها بتعلى عادي عن ال 3000 أر بي أم !!! بس الصوت بس هوا الي بيكون عالي !!!
بس هي بتعلى عادي !!
==================
أنا حعقب بكام حاجة بس مش اكتر ..
عامةً معدل النقل الطبيعي بيكون بين 2000 و ال 3000 أر بي أم .. و عايز أقولك ال 3000 ده عالي كمان !!!
عندك لحد 2800 اعلى من كده أنت في بداية الحرق !!
أنا عربيتي عدادها 8000 العربية بتطلع اقصى عزم على 3500 و بتقطع بالفعل على 5000 !!!!!
فاهم كلامي .. يعني أنا أصلاً مش بعرف أعدي ال 4000 أو ال 4500 !!!
بتختلف من ماتور للتاني !!
المواتير الفرنسي كلهااا صوتها ناااااعم !! أنا كنت ماشي بعربية رينو بتاعت صاحبي.. و بحرق بيها !!! والله العربية كانت ماشية معايا الماتور بقا يقطع و أنا مش حاسس لني ودني أتعودت على صوت نعرة ماتور الفيات اللانشيا الي عندي !!!
بجد فررق صوووت رهييييييب .. حسيت بعد كده أني راكب وابور ظلط من كتر الفرق في الصوت
فكون يا اخي في الله .. ان المشكلة بتكمن في علو صوت الماتور مع امكانية علو عدد لفات الماتور عادي ..فالأجابة هي :
1-تعالى أسمع صوت ماتوري الي في عربية موديل 2006 مشترينها زيرو !! لما باجي أحرق بيه على 3000 أر بي أم !!!!"من غير ديفيل على فكرة وأذا كان على الفلتر أشيلهولك !!"
2-مكنة حضرتك بقالها كتييييير في الخدمة .. معنى كده انها حتى لو فرنسي ... صوتها حيكون عالي !!
3-بتختلف من موتور للتاني والله في صوته
=====================
أما أذا كانت المشكلة في أن الآر بي ام لا يزيد أصلاً.. فأنا متمسك برأي .. أنه يا اما مشكلة في دبرياج يا اما موتور نفسه !! :((
للتأكيد على حكاية الدبرياج دي ... قلي غيرته اخر مرة امتى !! و كمان جرب تحرق و انت ممور من غير متكون دايس على دبرياج او ماشي ... مجرد ممور .. و شوف الآر بي أم نظامه أيه
آآآآآآآآسف للأطالة .. تقبل مروري :)
انا فهمت كل اللى انتوا بتقولوا عليه ... وبجد شكلكم فاهمين
انا الحمد لله اتخلصت من التنتيشه اللى كانت عندى وكمان السحب زاد بشكل ملحوظ جداً بعد ما الميكانيكا ظبط التاكيهات ونضف البيك .. دا حتى قلى الحمد لله ان احنا عملنا التاكيهات لأنها كانت محمله على الآخر
وعملت انهرده تجربه وحرفت الغيار وجبت لحد أر بى ام 4 وبسهوله بس الصوت بيبقى مزعج فبضطر أنقل غيار
حاليا العربيه وهيا واقفه ملهاش صوت .. انا شاكك فحاجه عايز آخد رأيكوا فيها .. العفشه عندى مش كويسه والكوتشات عندى بريدج ستون بس بقلها فتره دا ممكن يكون سبب فالصوت العالى ؟؟؟؟ لأنى حاسس ان الصوت مش من الموتور
فى حاجه كمان انا كنت قريت اننى لو طلعت على الرابع عادى يبقى العربيه عايزه ديسك واسطوانه ؟ ايه مدى صحته الموضوع دا ؟ لأنى طلعت انهرده على الرابع والعربيه مبطلتش
اقتباس:
أما أذا كانت المشكلة في أن الآر بي ام لا يزيد أصلاً.. فأنا متمسك برأي .. أنه يا اما مشكلة في دبرياج يا اما موتور نفسه !! :(( للتأكيد على حكاية الدبرياج دي ... قلي غيرته اخر مرة امتى !! و كمان جرب تحرق و انت ممور من غير متكون دايس على دبرياج او ماشي ... مجرد ممور .. و شوف الآر بي أم نظامه أيه آآآآآآآآسف للأطالة .. تقبل مروري :) ----------
والله الدبرياج ماله دعوة خالص
الدبرياج اصلا من اعراضه يقولك ايه : الار بي ام يزيد لكن سرعة السيارة لا تزيد
يعنى صوت المكنة يعلى على الفاضى كأنك ممور
ايه علاقة بقى الدبرياج بكبس الموتور بالصبابات بالتقسيمة بالكهربة بالكربراتير
مالوش اي علاقة بالليلة دى ولا له اي علاقة بكفاءة الموتور لوحده خالص
انت ممكن تدور الموتور ومفيش دبرياج وفتيس اصلا وهيشتغل على الواقف بكل طاقته يبقى ايه علاقة الدبرياج غير بنقل القدرة للفتيس والات الجر ؟
لو العربية بتطلع على الرابع ده معناه دسك فعلا مش كويس
وده ما يبقاش سبب عدم زيادة الار بي ام
ده يبقى سبب عدم تناسب الار بي ام مع السرعة
يعنى مثلا تبقى ماشى على التانى على 5000 والسرعة 35 مثلا بدل 60 مثلا
وده برضه ممكن يخليك تحس ان الموتور عالى زيادة عن اللزوم ، لأنه بيجيب اخره بعد وقت قصير والعربية بتكون مش بتسحب فبتحس ان صوت الموتور بيعلى اوى والعربية لسه ما جمعتش سرعتها وتضطر تنقل وانت على سرعة قليلة لكل نقلة وده يحسسك ان العربية مش بتجرى وتعبانة انما لو بتجرى مش هتحس اصلا بصوت الموتور مع سرعة العربية وسرعة الهوا
طيب تمام الحمد لله :) بس صوت الكاوتش ببيكون غير صوت نعرة الموتور !!!اقتباس:
المشاركة الأصلية كتبت بواسطة kreka
الموتور مع الحرق بيكون صوته مميز عن الماوتش .. الكاوتش لو بايظ بتحس بخبط مع المشي
اقتباس:
المشاركة الأصلية كتبت بواسطة kreka
فعلاً.. الأختبار ده ليه صحة .. و لكن متعملهوش كتير لأن كتره بيبوظ الأسطوانة نفسها لو هي سليمة .. يعني عملته اول مرة .. مشت معاك و مبطلتش يبقى فيها حاجة :))
الحمد لله .. أنك فعلاً عملت التاكيهات !! و كمان الباكات.... كده كونك بتحرق على اموور و مفيش صوت عالي يبقى الحمد لله الموتور فاق معاك
و أنت بتجري بقا و تحرق و تلاقي الصوت على اوي و الآر بي ام على ... و مفيش جري جامد .. يبقى الدبرياج
مرديتش عليا بردووو :))
غيرت الدبرياج آخر مرة أمتى :)))
انا معرفش آخر مره كانت إمتى ... بس العربيه صوتها بيعلى بس بتجمع معايا عادىاقتباس:
المشاركة الأصلية كتبت بواسطة smsm_nabawy
يعنى بجيب بالتالت 90 على ار بى ام 4 ودا كويس جداً تقريبا
بس الصوت مش عارف لسه ايه سببه ...
الديسك والاسطوانه وطقم الديبرياج بيفرق فالصوت
ده كدة ممتاز جدااقتباس:
يعنى بجيب بالتالت 90 على ار بى ام 4 ودا كويس جداً تقريبا
عربيتك كدة ما فيهاش اي حاجة
والدبرياج طبيعى يكون مش 100 100 لأن اكيد بقاله زمن بس كدة يعتبر كويس والعربية مش محتاجة حاجة من وجهة نظرى
صوت الموتور العالى بقى ده يبقى طبيعى وما تقارنوش بالعربيات الناعمة الجديدة
قارنه بعربية من نفس عمر عربيتك
وماتنساش ان صوت الموتور والات الجر بيدخل فيه عوامل كتير جدا
زي نوع الات الجر خلفى ولا امامى و حالة الشكمان وعمر الموتور نفسه وعزل الكابينة اللى بيكون سيء جدا في العربيات القديمة
اقتباس:
المشاركة الأصلية كتبت بواسطة amrelsaqqa
+11111111111111111111111
بالنسبة لسؤال صاحب الموضوع عن الدبرياج و علاقته بالصوت
هو عامةً لما يكون الدبرياج فيه حاجة بايظة .. فبنعرفها غالباً بالصوت
و من الحاجات البايظة و بنعرفها بصوت الماتور هو الأسطوانة .. الي علامتها هي أن صوت الماتور بيعلى و العربية اللآر بي أم بتاعها بيزيد معاه ... بس بصعوبة و تلاقي العربية سحبها وحش أوي !!! لأن الأسطوانة ساعتها مش بتكون مش بتنقل العزم بتاع الماتور كله .. بيكون في فاقد في العزم كبير ... فبالتالي ..المفروض العربية تجيب مثلاً على آر بي أم 3000 على الرابع 90 مثلاً... تقوم تلاقيها جايبة 70 !!! و صوت الماتور بيعلى و بردو السرعة مش بتزيد !!!
ده علاقة الدبرياج بالصوت ...
100 100اقتباس:
المشاركة الأصلية كتبت بواسطة smsm_nabawy
اقتباس:
المشاركة الأصلية كتبت بواسطة amrelsaqqa
ألف شكر يا رجاله على المساعدهاقتباس:
المشاركة الأصلية كتبت بواسطة smsm_nabawy
انا جربت انهرده وجبت بالأول 20
التانى 55
التالت 90
الرابع 125
بس قلت كفايه كده لأنى مركب الإستبن فالعربيه مش مظبوطه
ان شاء الله هعمل الديسك والإسطوانه واكشف على الديبرياج وأعمل العفشه بس شويه لما يجيلى إمدادات من الوالد .. :00020140: لأنى صارف عليها الشهر دا كتير .. تغير زيت وفلاتر و عملت سقف العربيه عشان كان واقع وركبت مرايات جديده
طيب ماشاء الله .. أول باول كده و براحة عليها :) و ربنا يكفيك شرها أن شاء الله :)