تمااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا اااااااااامالى كل أخوتنا المسلمين
أحنا كمسيحيين سعداء بشكل غير عادي بتكاتف كل المسلمين الشرفاء العقلاء معنا فيما حدث , انا متأكد تمام التأكد ان وراء حادثة هدم الكنيسة و حرقها ضباط أمن الدولة و المحافظ اللي هو أصلا كان عضو في الحزب الوطني و كان عضو مجلس شعب و تمت ترقيته الى محافظ لحلوان بعد أعتبارها محافظة .
زي ما الاخوة عرضوا هناك أثنان من المتهمان أحدهما مخبر أمن دولة و هو المحرض على الاحدث و الآخر من الجماعات السلفية و هو مسجل أمن دولة .
لقد اثبتت حادثة كنيسة القديسين أن من دبر و خطط كان الجهاز السري للداخلية و لوزيره السابق بالتعاون مع ضابط أمن دولة و أثنان من الجماعات السلفية و كافة مظاهرات السلفيين بالاسكندرية قبل الحادث كانت بترتيب من امن الدولة .
للأسف الشعب أراد اسقاط النظام لكن النظام مازال يعمل لان المحافظين مازالوا موجودين و كلهم كما نعلم لوءات شرطة و منهم تلامذة حبيب العادلي خاصة محافظ المنيا احد أكبر مثيري الفتنة الطائفية بمصر .
أحنا كلنا كمصريين شفنا عمل ايه حبيب العادلي بينا كلنا مسيحيين و مسلمين و أزاي فتحوا النار على المتظاهرين وقتلوا أكثر من 300 شهيد زي ما قتلوا من قبل خالد سعيد و ضحايا كنيسة القديسين و غيرهم الكثير .
دلوقتي بعد اقتحام مباني أمن الدولة و استقالة أحمد شفيق و كان تلميذ الرئيس السابق أراد أمن الدولة أن يتركها والعة بنظام :
علي و على اعدائي .
على فكرة أنا أعتصمت في ماسبيرو و بأطلب من كل أخ مسلم ينضم لينا لاننا مش هنقدر نعمل حاجة من غير وقوف أخوتنا المسلمين معانا زي ما كنا مع بعض في الثورة و كنا قبل كده مع بعض في المدارس و الجامعة سويا و زي آبائنا ما كانوا مع بعض في حرب 67 و حرب 73 لازم نكون مع بعض في دي كمان لان أمبارح طلع شوية بلطجية في منشية ناصر و ضربوا بعض المسيحيين المتظاهرين و للأسف جروا رجل مسيحيين منشية ناصر و أغلبهم بيفك الخط بالعافية , جروا رجلهم لمعركة
تبدو كأنها طائفية نتج عنها 13 قتيل من الجانبين و 140 جريح من أبناء الوطن و أنا واثق أن النظام الاسبق و ضباط أمن الدولة بيقولوا في سرهم : أحسن خليهم ياكلوا في بعض و ياريت تولع بيهم علشان وقفوا ضدنا .
محتاجين تعضيد أخوتنا المسلمين يوم الجمعة علشان اللي حصل من اعتداء على كنيسة صول و تهجير آلاف المسيحيين من القرية ينتهي و نبعد عن أي حاجة تفرقنا لان اتحادنا هو اللي هيبني بلدنا و هو اللي هيمنع أي حاكم او نظام تاني يلهينا بالفتنة علشان يتفرغ لسرقة بلدنا
ميشيل سليم
المفضلات