الآن متجه ما يقرب من 400 إخواني في مظاهرة الي ميدان التحرير ...
ربنا يستر.
عرض للطباعة
الآن متجه ما يقرب من 400 إخواني في مظاهرة الي ميدان التحرير ...
ربنا يستر.
اعتقد ان الاخوان ملتزمين بتعليق التظاهر لمدة اسبوعين
ايضا 400 شخص دول مش اخوان خالص دوول قليلين قوي
لعلهم تبع امن الدولة و الثورة المضادة
و مش بعيد يشتبك ال 400 دول مع اقباط و يقولوا فتنة و كلام كبير في محاولة اشاعة الفضوي و توريط الجيش
نسأل الله ان ينصرنا علي اعدائنا في الداخل و الخارج
طيب و أيه مطالبهم !!
عذراً .... تصحيح
انا مش عارف هل هم إخوان ولا اية لكن كلهم كانوا لابسين جلاليب وكلهم ملتحين .. والشعارات اللي كانوا رافعينها بتقول ( سلمية سلمية .. عايزين كاميليا )
أرجو من إدارى المنتدى تصحيح عنوان الموضوع لعدم اللبس.
يا جماعة خدوا بالكوا من الاشاعات , امبارح قناة النيل للاخبار و التلفزيون المصرى قال ان فى ألالاف من الاخوان المسلمين متوجهين الى مبنى التلفزيون عند مكان اعتصام الاقباط و ان هيحصل مجزرة و طلع الموضوع كذب
ربنا يرحمنا من أمن الدولة اللى عاوز يخرب مصر
اقتباس:
امبارح قناة النيل للاخبار و التلفزيون المصرى قال ان فى ألالاف من الاخوان المسلمين متوجهين الى مبنى التلفزيون عند مكان اعتصام الاقباط و ان هيحصل مجزرة و طلع الموضوع كذب
اقتباس:
كده وضحت ... دول مش اخوان
شغل أمن الدولة
لو بدقون يبقى سلفيين. أنا قليل أوي لما ألاقي إخواني ملتحي.هههههههههههههه
لكن بردوا أمن الدولة ورا العملية دي.
ايه لازمة الكلام ده دلوقتى
هو مفيش تقدير ابدا للوقت وللظروف
اه
ده رد على مظاهرات الاقباط
حلو اوى اللى بيحصل ده
ربنا يستر
ربنا يستر بجد ان شاء الله .وكلا الطرفين ياخدوا بالهم من التصرفات فى الوقت ده لانه وقت صعب .ويا رب يعدى على خير .
وساخة امن الدولة
دي مظاهرات ضد مظهرات الأقباط
ومش أمن دولة ... لحقوا يربوا دقونهم
مش كل حاجة أمن دولة وحزب وطني
الناس نفسها عايزة تتغير عايزين Formate - Restart
برجاء الدخول والمشاركه
http://www.nilemotors.net/Nile/205663-a.html
اللي عايز يرجع كاميليا يكلم شيخه يعمل لجنة صغيرة من اكتر من شيخ من شيوخ السلفية و يطلعوا علي المجلس العسكري و يتناقشوا و يعرضوا المعلومات اللي عندهم
لو محصلش استجابة ساعتها ممكن يكون الحل هو التظاهر او الاعتصام
يجب ان يوضع الوقت و الظرف الطارئ الحالي نصب الاعين قبل القيام باي اعتصام او تظاهر مهما كان الطلب
محدش يكره ان اسير يفك اسره بس يكون ده باستخدام العقل و الفطنة و رؤية الصورة الكاملة للوضع الحالي
يا اخواني
بالله عليكم سواء هيا بتخطيط من امن الدولة
او بغباء فكري من ناس لا يعلمون دينهم كويس
او ايا كان السبب
فين بقي (( المليون ثائر )) اللي كانو كل يوم ثلاثاء و جمعة بينظمو اعتصامات في التحرير و هم (( مسلمين و مسيحيين ))
لماذا لا يرسلون يجي 10000 الاف واحد كده اليوم او غدا لتهدئة الاحتقانات و لتهدئة الاجواء
و بما اني ضد التجمعات خلال هذه الفترة
فأرجو ان يكونو (( سريعا جدا )) لجان تتوجه لابناء قرية اطفيح و يكون منهم الشيخ الثائر (( صفوت حجازي )) كي يفهم اهل القرية من المسلمين ان ما فعلوه يتنافي مع الدين
و بأن الدولة الان في حالة انهيار فيجب ان نتكاتف كلنا (( مسلم و مسيحي )) لاعادة بناءها
و يذهب في نفس الوقت بالتزامن (( لجنة اخري )) للتحدث مع المتظاهرين من المسيحيين امام ماسبيرو
الاخوه الاعزاء
محتاجين تكاتف البلد (( بلدنا ))
مطلوب من الاخت نوارة نجم و عم نجم و الريس خالد يوسف
و الاخت شريهان و عم عمار الشريعي و كل (( الثائرين الافاضل ))
ان يتوجهو (( لمن تحدثو بالنيابة عنهم )) الي كل موظف (( يطالب برفع اجرة الان و لا يريد العمل )) لان هؤلاء الناس اكيد مش امن دولة
و مش ثورة مضادة (( دي بلد كلها الان في حالة ارتباك ))
ارجو من الاخوة الافاضل معنا هنا في المنتدي (( الثائرين جداااااا ))
ان نراهم بينشرو و يكتبو مواضيع تبعث علي روح التعاون و مواصلة العمل و مواصلة الدراسة و مواصلة كل شئ (( لان التغيير فعلا حدث ))
انما يحتاج (( وقت )) و الله كل شئ يحتاج الوقت للتحقيق
و عموما بارك اللهم فيكم
اللهم بلغت اللهم فاشهد
م.حاتم السباعي
يا اخوانا الموضوع لا ليه دعوة بأقباط ولا ليه دعوة بأمن الدولة
النهاردة جلسة قضية الأخت كاميليا شحاتة والمتظاهرون كانوا في طريقم لمجلس الوزراء لعرض مطالبهم وده حقهم
طالما ان
اقتباس:
رئيس الوزراء، عصام شرف، أمر بالإفراج عن القس القبطي ميتاوس وهبه، الموقوف منذ عام 2008 بتهمة السماح بتزويج قبطي من مسلمة متحولة للمسيحية، وذلك لاحتواء غضب آلاف الأقباط الذين يعتصمون منذ ثلاثة أيام
يبقي من حقهم برضه يطالبوا بالأفراج عن الأسيرة كاميليا شحاتة.
ومش من العقل انهم يصبروا لغاية لما مشكلة الاقباط تتحل والاعتصام قدام ماسبيرو يتفض وبعدين يطالبوا بالافراج عن كاميليا؟
ولو اتحركوا ناحية ماسبيرو يبقى اسمه ايه؟
أمن الدولة مش هتأمر 400 واحد انهم يعملوا مظاهرة ... كفاية واحد أو اثنين يشعلوها والباقي ينضم بحسن نية وبغيرة على دينه.
انا اول مرة اسمع موضوع جلسة كاميليا ده
المهم بس يبقى مالهمش دعوة بالمظاهرة التانية اللي عند ماسبيرو
بعيدا عن المباديء و المطالبات و اتفاقي معها او رفضي , ده و ده امن دولة و بكرة هايبان ان شاء الله
معلش سؤال قد تراه هجومي لكن هو اندهاشي , هو مش مشايخ سلفية كتير قبل الثورة اصدروا فتاوى بحرمة التظاهر ؟
نقلا عن تويتر:
--------------
اقتباس:
الأهرام بتدعى إن المظاهرة المطالبة بالإفراج عن كاميليا نظمها الإخوان و السلفيين .. أمن الدولة لسة بيلعب فى الصحف القومية
أنا شايف ان الأخوة "الثائرين جداً" بيحاولوا يهدوا الموضوع وشايفين انه فتنة مصطنعة وبيقولوا للناس بلاش ينجروا وراها
لكن لو فضلنا نقول أمن الدولة بريء وملوش ذنب ودي مش ثورة مضادة يبقى احنا بنقول للناس انها فتنة فعلاً ومش مصطنعة وبكده بنساعد ضمنيا على اشعالها.
شكرا للتوضيح
لكن لاحظ شئ موضوع الاسيرات يجب ان يتم حله في الغرف المغلقة و ليس بالمحاكم او التظاهر
ليه ؟ .. تعالي نضع البدائل اللي ممكن المحكمة تحكم بيهم
1- الحكم بالزام الكنيسة باعادة كل اسير مسلم محتجز في الاديرة
النتيجة ثورة نصرانية ... و القضاء في صف المسلمين ضد النصاري ... لا يمكن قبول فرض الارادة علي البابا ... نحن لم نخطف احدا ... و مثل هذا من الادعائات و النتيجة اشتعال الموقف
2- المحكمة تحكم ان مفيش حد مخطوف و الامور كلها تمام
النتيجة ثورة المسلمين و انفجار الاوضاع
3- المحكمة تأجل لجلسة تانية
و برضوا زيادة احتقان و شحن لجميع الاطراف
في النهاية جميع الحلول تؤدي الي الفوضي و التوتر و انفجار الامور
اذن الافضل حل موضوع الاسيرات بحكمة و في وجود المجلس العسكري و شيوخ من المسلمين و من يمثل النصاري
و يعلن ان الجميع بالف سلامة و الملف يتقفل و الحساب يكون عند ربنا لمن ظلم و عذب و سجن و قهر و ةنقتح صفحة جديدة و كلها شفافية و اللي يغلط من بعدها مهما كان منصبه يجب ان يُعاقب
وهو حد جه ناحية الأقباط
ومين قالك انهم راحوا لماسبيرو او بيفكروا في كده ؟!
وبعدين موضوع كاميليا موضوع قديم ولم يحل حتي الأن والسكوت عليه علشان الوحدة الوطنية والكلام ده غير مرغوب
ومش من العقل برضه اني في دولة اغلبيتها مسلمين وفيه واحدة مختطفة عند غير المسلمين افضل اجري عليها في المحاكم شهور ولا احد يجيب بينما الفريق الأخر بمجرد حدوث مشكلة لديه نجدها اليوم التالي محلولة بدون محاكم او غيره
تابع صفحات كاميليا شحاتة علي الفيس بوك او موقع حكاية كاميليا وبالله عليك كفاية نظرية المؤامرة امن الدولة عملت وامن الدولة سوت فهم لايملكون ضرا او نفعا لأنفسهم.
مافيش اجماع علي حرمة المظاهرات فيه مشايخ حرمتها وده اجتهاد منها لدرء الفاسد وليس حبا في النظام المخلوع
وفيه مشايخ شافوها فتنة وسكتوا وده برضه اجتهاد يؤجروا عليه
وفيه مشايخ دعوا اليها وشجعوا علي الخروج في المظاهرات...وكل من اجتهد ثابت علي مواقفه حتي الأن.
الزملاء الأعزاء
الناس اللي بتهاجم السلفيين المصريين علشان خرجوا لإيصال صوتهم في مظاهرة سلمية من اجل عودة كاميليا وجميع الأسيرات المسلمات احب افكرهم ان النصارى المصريين ومن معهم من نصارى المهجر معتصمين امام مبني التليفزيون من 3 ايام من اجل كنيسة هدمت جراء أعمال شغب وخلافات بالإضافة إلى المطالبة بإطلاق سراح قس مزور محكوم عليه.
رجاء بلاش الكيل بمكيالين وترديد كلام الإعلام الرسمي في السابق فهذا عهد قد مضى
كنت حاسة ان دا حيحصل.... أمن الدولة طلع شغال كويس
أمن الدولة تحول من جهاز بوزارة الداخلية إلى شماعة غسيل
هو فعلا يا جماعة كان فيه جلسة في دار القضاء النهاردة تقريبا...
لكن انا شايف انه كان ممكن يحصل المطالبة والمسيرة دي في وقت آخر...
التوقيت غير مناسب على الاطلاق لهذه النوعية من المطالبات والاعتصامات الحساسة سواء من النصارى او من المسلمين..