الموضوع: اسئلة عن فيكترا 97 gls

المشاركة الأصلية كتبت بواسطة khaledmoawad

شباب... إزيكم. أنا عندي بس كام سؤال.

1. إيه هو جوان الفرن؟
2. إيه هو جوان النضارة؟
3. إيه هي طوب المية؟
4. عايز أعرف اصلح العفشه فين؟ لإن الميكانيكي كل مرة يقولي سبب مختلف لرجة في الدركسيون من 110 إلى 120؟

وشكرا يا شباب جدا. وأعذروني لو كنت كاتب حاجة فوق غلط لاني مش فاهم قوي لسة في الفيكترا.

بص انا اقولك عن جوان الفرن انا لسه مغيره فى العربيه اول امبارح هو جوان بين بلوك الموتور وفرن الشكمان اربع عيون بيتربط ب8 صواميل بس خللى بالك لتكون المسامير اللى مربوطه فى جسم الماتور حالقه حتضطر انك تجيب الخراط يعملك مسامير اكبر
اعراض تلفه:صوت واضح للشكمان داخل السياره مع كل نزويد للاكسلاتير
يطلع علدم الشكمان داخل الكبوت
سحب العربيه ضعيف
سخونه العربيه
اما طبب البلوك هى عباره عن حلقه حديد بس مسدوده على جسم الموتور بتركب على مسارات سريان المياة عشان متتسربش بره الموتور وعلى ماأظن ان بتاع الدايو بيركب على الفكترا وانت بتشتريهم جاهزين

شكرا جدا يا شباب بجد. أنا رحت عملت صيانة للكلام ده والعربية فعلا اتحولت . كان عندي مية بـتنقص دلوقتي 100 100. والحرارة مظبوطة تمام مع التكيف ومن غير . وسحب العربية بقى أحسن كتير جدا. أنا ناقصلي بس حوار الرجرجة ورحت راصاصت مرتين قبل كده عالعادي مش الكمبيوتر وغيرت كاوتش قدام وهاغير اللي ورا قريب والموضوع قل شوية بس لسة فيه من 110 ل 120 . هروح اربط العفشة برده قريب ان شاء الله وهاغير علبة الدركسيون عشان بتجيب زيت بسيط قوي.