ربنا يعوض عليك بس بردو روح هزقه في ورشته
حسبي الله ونعم الوكيل
عرض للطباعة
لا حول ولا قوة الا بالله ويارب ينتقم من كل واحد معندوش ضمير في شغله
ربنا يعوضك خير ان شاء الله
بس هل مكن الطقم اللي انتا اشتريته يكون زي الفبريكا؟؟
من باب احسان الظن...
تحياتي
وصلت السرقه لكده؟
انا عموما دايما لما حاجه تتغير باخد القديم
و متحركش من فوق دماغه مع انه معرفه و محل ثقه
أنا فعلا كنت واقف على دماغو
بس اليوم دا أنا كنت صايم وكنت واخد معايا كذا حاجة
سير كاتينة - سير دينامو - طقم كهرباء ((أبلتين وكوندنسر وبوجيهات )) - فلتر بنزين - وفلتر هواء - الكبالن
أنا فضلت واقف على أيدووو فى كل حاجة بس الكبالن كانت أخر حاجة وأنا ساعتها كنت تعبت فقعدت والكبالن لازم يخش هو جوة الورشة عشان يعملها على المنجلة
والمفروض أن الميكانيكى دا والدى بيصلح عربيتو عندو من زمان
بس المشكلة أن فى صنايعى عندو هو اللى أشتغل فى العربية ساعتها
ولما رحت بعديها بأسبوع لاقيتو مش موجود قلتلو هو فين قالى أنا مشيتو عشان واد مش كويس وبيشرب مخدرات
المهم أنا طبعا أتصلت بية أمبارح وقلتلو أنا ليا عندك حق والكبالن متفكتش من العربية
حلفلى بأيمنات الله كلها أن حاجة زى كدا عمرها ماتحصل فى ورشتوو وأن لو بيتو مفيهوش مليم ميمدش أيدوو أبدا
قلتلو مش أنت ممكن يكون الحشاش الى أنت جايبو عندك قالى يا أستاذ إيهاب ميعملهاش معايا
وطبعا عشان أنا ساكن فى أخر بلاد المسلمين
قلتلو على العموم الحج جايلك بكرة يوريك الكبالن عشان تشوف وتحكم أنت على نفسك
الدرس / متسبش حد يفك مسمار فى عربيتك غير وأنت واقف على دماغووو
حسبى الله ونعم الوكيل
أنا أسف أنى بقالى 10 أيام مش بدخل على المنتدى
بس بالنسبة لطقم الكهرباء الأبلتين والكوندنسر والبوجيهات كلهم كانو بحواللى 45 بس خلى بالك البوجيهات هاتها أن جى كى bp5es وخلى الميكانيكى يظبط الخلوص على 8. مللى عشان الكوندنسر مايبوظش
فلتر الهواء كان ب 45 جنية بس نظيف جدا
سير الدينامو والكاتينة مش فاكر أوى بس مش غالييين
وبالتوفيق أن شاء الله
ألف شكر ليكو