اشتريت رينو و عملت الف و نص كيلو و بعدييين.. مشكله .. ساعدوني في حلها

السلا م عليكم

انا اشتريت عربيه جديده تماما ... رينو لوجان 2011
استلمتها من اسبوعين و كانت ماشيه حلو قوي .. و لما عملت بيها 1500 كيلو بدأ صوتها يعلى جدا كأنه عربيه سباق.. لما ادوس بنزين جامد.. يعني لما مؤشر الدوس على البنزين يعدي الاتنين و نص يبدأ الصوت ده و بيزيد مع السرعه .. يعني على الخامس معرفش اعدي ال 90 .. على طول الصوت بيبدأ .. قولولي اعمل ايه.. انا هتجنن العربيه جدييييييييييده ..

فكرته زيت.. اتصلت بالشركه قالو لا هي فيها زيت لعشرة الاف كيلو.. انا مش عامله بيها غير 1500 !!!!

مستنيه ردكو ضروري ساعدوني

دي غالبا إسطوانة دبرياج هل العربيه في المطالع بتحس إنها بتنحر على الفاضي

خلى بالك صوت الماتوربتاعها عالى اصلا

لو صوت زنة تحت الماتور يبقى ال catalytic converter
كانت عندي المشكلة دي واتغير في الضمان


بس مكانش فيه علاقه بينه وبين السرعة كنت ببقى سريع عادي

احجز ميعاد صيانة وروح التوكيل

اقتباس:

---

المشاركة الأصلية كتبت بواسطة nour_nrc

احجز ميعاد صيانة وروح التوكيل

---

انا رايي كده برده عشان تجيب من الاخر...
وشد عليهم في انك لسه مستلم العربية وان اللي حصل ده لازم يتصلح في اسرع وقت ممكن..

شكرا ليكو قوي.. انا متضايقه من الموضوع جدا عشان استنيت العربيه كتير و اول حاجه كبسيره اشتريها من بعد ما اشتغلت ! يعني فيها كل فلوسي.. حاجه تضايق بجد لما تطلع مش زي ما انت كنت متخيلها!

انا كلمت التوكيل و قالو مفيش صيانة الالف.. عندهم بس صيانة ال5 الاف!! دي حقيقي؟ و فين فرع المقطم و ازاي اوصلله؟ و رقم تلفونه؟ حد فيكو عنده يبعتهولي؟؟ شكرررررررررا على ردودكم كنت فعلا محتاجه حد يقللي اعمل ايه

ما تزعليش- لكل حاجة ممكن تلاقى فيها عيوب صناعة
بس استفسار -انا شاكك لايكون فى مشكلة فى الشكمان - و هذا الشك مبنى علي اساس انه فى صوت عالي عند 2500 لفة و ان اخر السرعو 90 كم/س
وعلشان تختبري الشكمان عن طريق الاتى:
1- خلي العربية شغالة
2- انزلي من العربية و حاولي سدى فتحة الشكمان بايدك او بقطعة كرتونه بحيث العادم لا يخرج من الشكمان
3- اذا حسيت ان ضغط العادم غلي اديكي بيزيد و مش قادرة تستمرى فى غلق ماسور الشكمان يبقى كده الشكمان ذى الفل
4- لو حسيت انى ضغط هواء العادم مش قوى و قادرة تكتمى ماسورة الشكمان و فى صوت تنفيث (صوت زى حلة البريستو) يبقى في خرم فى الشكمان او ماسورة الشكمان من عند فرن الماتور مش مربوطة اوى

شكرا .. منزلتش بيها النهرده .. لما اروح من الشغل هشوف.. هي صوتها العالي ده ناعم يعني كإنها محتاجه تغيير زيت اعتقد لو كان الشكمان مش هيكون ناعم كده.. معرفش.. انا لما اروح هشوف اللي بتقول عليه.. بس هو فعلا حقيقي موضوع ان مفيش صيانة الف كيلو في توكيل رينو للوجان؟

اقتباس:

---

المشاركة الأصلية كتبت بواسطة yoko

دي غالبا إسطوانة دبرياج هل العربيه في المطالع بتحس إنها بتنحر على الفاضي

---

أنا باضم صوتي لصوت الأخ yoko
حاولي تركزي شوية وانتي بتنقلي من غيار لغيار, لو حسيتي إن العربية الأر بي إم بتاعها بيعلي حاجة بسيطة قبل ما تلقط الغيار, يعني صوت الموتور بيعلي حتي بعد متشيلي رجلك من علي دواسة الدبرياج وبعدين العربية تلقط الغيار + السحب بطئ ف المطالع والمرتفعات ... يبقي أكيد إسطوانة الدبرياج إتاكلت ومحتاجة إسطوانة وديسك جداد.

خللي بالك الإسطوانة والديسك ممكن يكونوا بره الضمان, وده إحتمال كبير(حصلت معايا وقالولي ده مش عيب صناعة, ده نتيجة إنك بتعلق رجلك علي الدبرياج وانت دايس بنزين). وده ممكن يكون اللي بيحصل معاكي.

المهم, متتأخريش, لأن عيب الأسطوانة والديسك ممكن يأثر علي عمر الموتور

مش لازم يكون عندك صيانة دورية علشان تروحي التوكيل , اتصلي بيهم واحجزي معاد وروحي وبإذن الله هتتصلح في الضمان .

آه نسيت , الرقم 16202

هممم انا مش فاهمه قوي في موضوع الديسك ده بس هي ازاي يعني لحقت تتاكل !! دي انا مستلمه العربيه يوم الخميس قبل قبل اللي فات! انا بس عملت بيها كيلوات كتير كده عشان ساكنه في اكتوبر و شغلي في التجمع !

اقتباس:

---

المشاركة الأصلية كتبت بواسطة reno

هممم انا مش فاهمه قوي في موضوع الديسك ده بس هي ازاي يعني لحقت تتاكل !! دي انا مستلمه العربيه يوم الخميس قبل قبل اللي فات! انا بس عملت بيها كيلوات كتير كده عشان ساكنه في اكتوبر و شغلي في التجمع !

---

بصي كل دي إحتمالات, لكن أنا معاكي طبعا إن العربية لسه جديدة وحاجة زي كده صعب أوي يحصل في عربية جديدة. بس اللي انتي بتقوليه sounds like إنك عندك مشكلة في الأسطوانة

طبعا عليكي و ع التوكيل وأوعي تخللي أي ميكانيكي يقرب ناحيتها :36_2_49[1]:

شكرا ... انا قررت استنى صيانة ال 5000 .. اصلها كلها 3 ايام و اعمل 5000! فهاخد معاد و هروح ان شاء الله خير

بالتوفيق وإبقي طمنينا, يمكن حد تاني من الأعضاء تقابله نفس المشكلة يبقي عارف هو أصلها إيه وحلها إزاي

ان شاء الله تطلع حاجة بسيطة و راي متستنيش و روحي التوكيل انا عملت صيانة ال5000 و انا عامل 4000 و كمان ممكن تروحي اي وقت هم محترمين جدا بس خلي بالك تشرحي للي يستقبل منك كويس و كمان ممكن تطلعي تجربي العربية معاهم

اقتباس:

---

المشاركة الأصلية كتبت بواسطة haytham1542

ما تزعليش- لكل حاجة ممكن تلاقى فيها عيوب صناعة
بس استفسار -انا شاكك لايكون فى مشكلة فى الشكمان - و هذا الشك مبنى علي اساس انه فى صوت عالي عند 2500 لفة و ان اخر السرعو 90 كم/س
وعلشان تختبري الشكمان عن طريق الاتى:
1- خلي العربية شغالة
2- انزلي من العربية و حاولي سدى فتحة الشكمان بايدك او بقطعة كرتونه بحيث العادم لا يخرج من الشكمان
3- اذا حسيت ان ضغط العادم غلي اديكي بيزيد و مش قادرة تستمرى فى غلق ماسور الشكمان يبقى كده الشكمان ذى الفل
4- لو حسيت انى ضغط هواء العادم مش قوى و قادرة تكتمى ماسورة الشكمان و فى صوت تنفيث (صوت زى حلة البريستو) يبقى في خرم فى الشكمان او ماسورة الشكمان من عند فرن الماتور مش مربوطة اوى

---

شكرا جزيلا على المعلومه

بس هل طبيعي ان صوت الشكمان عالي في اللوجان والعربيه وقفه

اصل انا كنت واقف بره العربيه وهي دايرة وواحد صاحبي قالي هو صوت الشكمان عالي ليه هو مخروم ولا ايه

قولتله مظنش لاني وانا ماشي بيها مش بيكون في صوت ملحوظ للشكمان

فانا كنت عايز اعرف من حضرتك هل صوت الشكمان والعربيه واقفه عالي

وانا كده كده هعمل التجربه دي واشوف الدنيا فيها ايه

عملتى ايه

اقتباس:

---

المشاركة الأصلية كتبت بواسطة yoko

دي غالبا إسطوانة دبرياج هل العربيه في المطالع بتحس إنها بتنحر على الفاضي

---

وأنا رأيى كده برده :S_thum1[1]: