اشتريت رينو و عملت الف و نص كيلو و بعدييين.. مشكله .. ساعدوني في حلها

**reno** · 08-03-2011 06:01 PM

السلا م عليكم

انا اشتريت عربيه جديده تماما ... رينو لوجان 2011
استلمتها من اسبوعين و كانت ماشيه حلو قوي .. و لما عملت بيها 1500 كيلو بدأ صوتها يعلى جدا كأنه عربيه سباق.. لما ادوس بنزين جامد.. يعني لما مؤشر الدوس على البنزين يعدي الاتنين و نص يبدأ الصوت ده و بيزيد مع السرعه .. يعني على الخامس معرفش اعدي ال 90 .. على طول الصوت بيبدأ .. قولولي اعمل ايه.. انا هتجنن العربيه جدييييييييييده ..

فكرته زيت.. اتصلت بالشركه قالو لا هي فيها زيت لعشرة الاف كيلو.. انا مش عامله بيها غير 1500 !!!!

مستنيه ردكو ضروري ساعدوني

**yoko** · 08-03-2011 06:08 PM

دي غالبا إسطوانة دبرياج هل العربيه في المطالع بتحس إنها بتنحر على الفاضي

**Ahmed A Rahman** · 08-03-2011 07:16 PM

لو صوت زنة تحت الماتور يبقى ال catalytic converter
كانت عندي المشكلة دي واتغير في الضمان

بس مكانش فيه علاقه بينه وبين السرعة كنت ببقى سريع عادي

**mindvision** · 08-03-2011 11:52 PM

المشاركة الأصلية كتبت بواسطة nour_nrc

احجز ميعاد صيانة وروح التوكيل

انا رايي كده برده عشان تجيب من الاخر...
وشد عليهم في انك لسه مستلم العربية وان اللي حصل ده لازم يتصلح في اسرع وقت ممكن..

**reno** · 09-03-2011 12:38 PM

شكرا ليكو قوي.. انا متضايقه من الموضوع جدا عشان استنيت العربيه كتير و اول حاجه كبسيره اشتريها من بعد ما اشتغلت ! يعني فيها كل فلوسي.. حاجه تضايق بجد لما تطلع مش زي ما انت كنت متخيلها!

انا كلمت التوكيل و قالو مفيش صيانة الالف.. عندهم بس صيانة ال5 الاف!! دي حقيقي؟ و فين فرع المقطم و ازاي اوصلله؟ و رقم تلفونه؟ حد فيكو عنده يبعتهولي؟؟ شكرررررررررا على ردودكم كنت فعلا محتاجه حد يقللي اعمل ايه

**haytham1542** · 09-03-2011 02:00 PM

ما تزعليش- لكل حاجة ممكن تلاقى فيها عيوب صناعة
بس استفسار -انا شاكك لايكون فى مشكلة فى الشكمان - و هذا الشك مبنى علي اساس انه فى صوت عالي عند 2500 لفة و ان اخر السرعو 90 كم/س
وعلشان تختبري الشكمان عن طريق الاتى:
1- خلي العربية شغالة
2- انزلي من العربية و حاولي سدى فتحة الشكمان بايدك او بقطعة كرتونه بحيث العادم لا يخرج من الشكمان
3- اذا حسيت ان ضغط العادم غلي اديكي بيزيد و مش قادرة تستمرى فى غلق ماسور الشكمان يبقى كده الشكمان ذى الفل
4- لو حسيت انى ضغط هواء العادم مش قوى و قادرة تكتمى ماسورة الشكمان و فى صوت تنفيث (صوت زى حلة البريستو) يبقى في خرم فى الشكمان او ماسورة الشكمان من عند فرن الماتور مش مربوطة اوى

**reno** · 09-03-2011 02:12 PM

شكرا .. منزلتش بيها النهرده .. لما اروح من الشغل هشوف.. هي صوتها العالي ده ناعم يعني كإنها محتاجه تغيير زيت اعتقد لو كان الشكمان مش هيكون ناعم كده.. معرفش.. انا لما اروح هشوف اللي بتقول عليه.. بس هو فعلا حقيقي موضوع ان مفيش صيانة الف كيلو في توكيل رينو للوجان؟

**zemanovaxxx** · 09-03-2011 02:16 PM

المشاركة الأصلية كتبت بواسطة yoko

دي غالبا إسطوانة دبرياج هل العربيه في المطالع بتحس إنها بتنحر على الفاضي

أنا باضم صوتي لصوت الأخ yoko
حاولي تركزي شوية وانتي بتنقلي من غيار لغيار, لو حسيتي إن العربية الأر بي إم بتاعها بيعلي حاجة بسيطة قبل ما تلقط الغيار, يعني صوت الموتور بيعلي حتي بعد متشيلي رجلك من علي دواسة الدبرياج وبعدين العربية تلقط الغيار + السحب بطئ ف المطالع والمرتفعات ... يبقي أكيد إسطوانة الدبرياج إتاكلت ومحتاجة إسطوانة وديسك جداد.

خللي بالك الإسطوانة والديسك ممكن يكونوا بره الضمان, وده إحتمال كبير(حصلت معايا وقالولي ده مش عيب صناعة, ده نتيجة إنك بتعلق رجلك علي الدبرياج وانت دايس بنزين). وده ممكن يكون اللي بيحصل معاكي.

المهم, متتأخريش, لأن عيب الأسطوانة والديسك ممكن يأثر علي عمر الموتور

-

-

الموضوع: اشتريت رينو و عملت الف و نص كيلو و بعدييين.. مشكله .. ساعدوني في حلها

LinkBack

أدوات الموضوع

عرض

-

-

-

المواضيع المتشابهه

مشكله فى ال epc وتم حلها فى a5

مشكله والحمد لله طلع حلها سهل في الميجان

مشكله مش عارف حلها

مشكله عندى فى العربيه ايه حلها

مشكله فى بيجو 206 اريد حلها

الكلمات الدلالية لهذا الموضوع

المفضلات

المفضلات

ضوابط المشاركة