الموضوع: مش عارف عرفتم ولا لأ : بخصوص احداث المقطم

المشاركة الأصلية كتبت بواسطة tlrsiap

ههههههههههههههههههههههههه هه فهمتك
بس انا ما شفتش سيرة اي اكس في الموضوع , أمن الدولة بس

اكس هو القوه المضاده او اللى ممكن تسكتنى

المشاركة الأصلية كتبت بواسطة HAGAN

مهو يا فندم لازم احنا كمان نوزن الامور كويس
اللي في التحرير من المعتصمين حوالي كام مثلا (( 2000 )) شخص
لو حضرتك عاوز تبعت لهم ناس و الناس دي مأجورة هتبعت لهم عدد اقل منهم
و لا بالعقل كده اما ابعت (( مثلهم او اكثر )) في حين ان ذلك لا يحدث ابدا يعني انا كل مرة ابعت ناس علشان يضربو طبعا الموضوع كده ميخشش العقل
و لو تتبعنا و صدقنا السبب المعلن حتي الان عن سبب المشكلة
سنجد ان الاحتكاك حدث بين المعتصمين و بين الباعة الجائلين حينما تم طردهم من الميدان بشهادة المعتصمين
و هي استغرقت حوالي نصف ساعة ممكن اوي علي ما العساكر حركت الدبابات يكون الميت صحي
و طبعا هذا غير متعمد من الجيش اطلاقا و الله علي ما اقول شهيد
خالص تقديري

م.حاتم السباعي

يا استاذى انا هنا لا اتحدث عن ميدان التحرير فحسب بينما اتحدث على مجمل الاوضاع التى تشهد تباطئ شديد دون تفسير و لو بدأنا من ميدان التحرير و بصرف النظر عن تضارب الروايات و بالرغم من تواجد قوات للجيش حول الميدان من كل مكان و بالتالى يفترض ان لو اى مشكلة حدثت فى ميدان التحرير لابد ان يكون للجيش تواجد قوى فى قلب الميدان فى ظرف خمس دقائق طبعا حضرتك هتقولى ازاى يعنى هقول لحضرتك ان هذا الميدان شهد الكثير من الاعتصامات و المعارك و الان يوجد معتصمين و بالتالى فلابد ان يكون هناك رقابة من الجيش على الميدان و هذا الف باء تأمين حتى يتجنب المشاكل و لكن ما يحدث دائما ان الساحة تكون مفتوحة فى الميدان للمشاكل
تعالى حضرتك لباقى الاوضاع نوزنها زى ما حضرتك طلبت
الجيش تسلم السلطة يوم 11 فبراير مضبوط
* لماذا لم يضع كل مقرات امن الدولة تحت ادارته و ما معنى تصريح اللواء عتمان ان مسئولية الجيش تأمين مقار امن الدولة من الخارج هو مش المفروض ان الجيش استلم السلطة
* لماذا ترك الجيش مستندات امن الدولة تحرق و تفرم و ارجوك بلاش تقولى ان الجيش لم يعلم لانه هذه لوحدها مصيبة كبيرة و تعنى ان الجيش غير قادر على ادارة دولة و لكنه يعلم و ترك امن الدولة يقوم بنقل المستندات امام اعينه
* لماذا لم يقم الجيش بحل او حتى تجميد عمل جهاز امن الدولة و لنا مثال قريب فى تونس التى قامت بحل امن الدولة عندها و بعد اذنك ماتقوليش ان هذا الجهاز مهم فعلا لامن الدولة لان واضح ان هذا الجهاز غير مؤتمن على امن الدولة و انه كان يتدخل فى كل شىء و يقوم بعمل الدسائس و المؤامرات و الدليل حرقه لكل ملفاته لأنها تدينه
على فكرة بلاش مقارنة امن الدولة بال fbi و ان امكن حضرتك تشوف المشاركة ديه
http://www.nilemotors.net/Nile/204333-a-2.html#post3873320396
* لماذا لم يقم الجيش بحملة اعتقالات او اقامات جبرية لكل من يعتقد انه قد يسبب مشاكل داخلية و لاحظ حضرتك ان ده سلطاته و ماحدش يقدر يعترض بل سيعزز هذا الاجراء من خوف المتأمرين من الجيش و انظر الى ثورات سابقة و لاحظ حجم الاعتقالات بعدها و ما يتبعها من محاكمات عسكرية و انظر الى تونس عندما هرب الرئيس و حدثت فوضى من جماعات الحرس التابعة له قام الجيش بحملة اعتقالات لهم
* لماذا اعلن الجيش اغلاق القصور الرئاسية بعد رحيل مبارك مباشرة و بعديها بيومين وجدنا ان زكريا عزمى كان متواجد و قام ايضا بفرم الاوراق الرياسة هل حضرتك سمعت عن القبض عليه او محاسبته بالرغم من انه ارتكب جريمة باتلاف اوراق رسمية
* نفس الوضع بالنسبة لاوراق فى مجلسى الشعب و الشورى و الجرائد القومية يعنى البلد كلها بتتخلص من الاوراق و فين الجيش !!!!!
* تونس من اول يوم ترك رئيسها الحكم قامت على الفور بمطالبة العالم بتجميد امواله اما نحن فبمغادرة مبارك الحكم بقت اوربا تتحايل علينا علشان نطلب تجميد امواله و لسه القرار متاخد يعنى عليه العوض على الفلوس
* لماذا الالتفاف و التأخير فى تنفيذ طلبات الثورة مثل :
ـ الابقاء على وزارة الفريق شفيق ثم تغيير فى الوزراء ثم تغيير وزارة الفريق شفيق بحكومة الدكتور شرف فلماذا لم يكن من البداية و ليه التأخير
* لماذا الاصرار على عمل تعديلات دستورية و الاحتفاظ بالدستور القديم و لماذا لا نستغل الوقت الحالى فى عمل دستور جديد و كده كده احنا عاملين لجنة دستورية و بالتالى يتنخب الرئيس الجديد و المجالس النيابية و كل منهما يعلم واجباته و برده بعد اذنك ماتقوليش ان الرئيس القادم يعمل الدستور طب ازاى واحد معاه كل الصلاحيات يتنازل عنها بارادته لغيره و عندك تونس فى الاخير قرروا الغاء الدستور و عمل دستور جديد يعنى الموضوع مش معضلة
لاحظ حضرتك ايضا طريقة الاستفتاء على المواد المعدلة كوحدة واحدة طب ازاى
* أليس من المفترض ان المجلس العسكرى هو المسئول عن وزارة الداخلية فكيف لا يستطيع ان يؤمر ضباط الشرطة بممارسة عملهم فى توفير الامن و يساعدهم لو خايفين بدوريات مشتركة مع الجيش و الذى يرفض اداء عمله يحال لمحاكمة عسكرية و يوقف راتبه و يستبدل كما فعلت تونس بالضباط السابقين فى الجيش الذين خرجوا مبكرا او عن طريق حلول كتيرة يقترحها كثير من الناس
* لماذا لا يستخدم المجلس العسكرى سلطته فى اصدار قوانين و عقوبات مشددة و مضاعفة على كل من يمارس الترويع و البلطجة مش مجرد سنتين و خمس سنين سجن
تخيل حضرتك ان الجيش يعمل حملة اعلانية ينبه فيها الى ان جميع الاسلحة الحكومية التى سرقت لابد من تسليمها فى مراكز محدده و من يتم ضبط اى سلاح حكومى معه عقوبة عشر سنوات سجن و من يستخدمها للترويع حكمه المؤبد و من يقتل الحكم بالاعدام شوف هذه الاحكام و قسوتها من الممكن ان تحد من اعمال البلطجة بنسبة 70 %
* لماذا التأخير فى معاقبة الجناة المسئولون عن قتل الشهداء اعجزت كل اجهزة الدولة و مخابراتها عن تحديد الجناة و اليك مثال عن تصرف غير مفهوم حيث ان النيابة قد طلبت القبض على الضابط وائل الكومى الذى قتل على الاقل 18 شهيد فكان رد الداخلية برفض تسليمه فكيف هذا و اين سلطة الجيش
* ماذا فعل الجيش مع زكريا عزمى و صفوت الشريف و فتحى سرور و اخرين و لماذا لم يقم بوضعهم تحت الاقامة الجبرية و يقطع عنهم كافة انواع الاتصال حتى نعبر هذه الفترة الحرجة
* اين حماية الجيش على المواقع الهامة منذ البداية فيفترض انه مع اختفاء الداخلية ان يقوم الجيش بتولى حماية السجون و المصالح الحكومية و الطرق الرئيسية و الاماكن الحيوية و اذا استدعت الضرورة يقوم بأستدعاء الاحتياط
و لكن ما نراه لم يوجد تأمين للسجون و بالتالى اصبح المجال متاح لهروب المساجين و بالرغم من انه يفترض ان يكون الجيش تنبه لهذا و لكننا فوجئنا يوم السبت 12 فبراير بعد تنحى مبارك بهروب السجناء من سجن المرج فأين كان تأمين الجيش لهذا السجن
و وجدنا بعد ذلك حرائق فى نيابات و مستشفيات و فى الجهاز المركزى للمحاسبات و مقار امن الدولة فأين كان الجيش
* لماذا تعجله عمل انتخابات تشريعية و رئاسية رغم تنبيه الجميع ان هذا من شأنه تدمير الحياة السياية فى مصر و عودة اصحاب المال لدائرة الحكم
و هناك نقاط اخرى لا اود الاسهاب فيها او ذكرها الان
فى الاخير يا استاذى لقد طرحت الكثير من مواقف المجلس العسكرى الغير مفهومة و ارجو من الله ان تكون مخاوفى خاطئة و يتم اتخاذ كل الخطوات التى تضعنا على الطريق الصحيح حتى نرى هذه البلد فى المكانة التى تستحقها وفى المقدمة ان شاء الله

و هي استغرقت حوالي نصف ساعة ممكن اوي علي ما العساكر حركت الدبابات يكون الميت صحي

والعربيات الجيب لازمتها ايه؟؟ والعربيات اللى بعجل مش مجنزره لازمتها ايه

المشاركة الأصلية كتبت بواسطة abf-nassar

كلام حضرتك صح 100%
اللي بيحصل دلوقت ان الناس كلها سايبة الاحداث وماسكة في الشماعات
حسني زفت ماهو كلنا عرفين انه زفت مش محتاجين واحد يقعد يحكي لنا ساعة عن الزفت اللي عمله
في مؤامرات ايوة فيه من الداخل ومن الخارج كمان
ولا كلنا نسينا ان فيه ناس خرجت من السجون
حافيين ومافيش فلوس ومافيش اوراق
وبهدوم السجن وبعد 4 ساعات اللي وصل غزة واللي وصل بيروت
واحنا يامصريين اللي مصر بلدنا اصلا في الظروف اللي كانت البلد فيها
مكناش عارفين نروح من محافظة لمحافظة
المهم انا بعت ايميل للجيش من شوية باقتراح وهو
وضع الامن المركزي بالكامل تحت تصرف الجيش
ماهو مينفعش يبقي عندنا مليون عسكري امن مركزي الداخلية مش عارفة تشغلهم
ويبقي افراد الجيش طالعين يجروا في الشارع شمال ويمين
واقترحت عليهم كمان ان عساكر الامن المركزي يوفروا لهم ملابس جيش بدل الزي الحالي علشان اي ضابط جيش يقدر يتحرك ب 100 عسكري بدل ما يبقوا عشرة من الجيش بس
وتوفير الملابس سهل بالنسبة للجيش
لان اللي دخلوا الجيش مننا عارفين كويس ان الجيش بيحتفظ بالمهمات العسكرية الخاصة بقوات الاحتياط لمدة 10 سنوات
لو كل معسكر امن مركزي حطو فيه ضابط عمليات وضابط اتصال من الجيش هيتوفر للجيش اعداد كتير من العساكر اللي مابتقولش لا
وفي ستين داهية وزارة الداخلية باللي فيها طالما مش عارفين يشتغلوا

المشاركة الأصلية كتبت بواسطة hagan

يا اخواني الافاضل
عمالين نقول الجيش فين الجيش فين
يا اخواني
الجيش موجود في كل انحاء الجمهورية
الجيش موجود علي حدود مصر المترامية الاطراف
الجيش لازم يسيب قوات في المعسكرات التي نزلت قواتها للشوارع لحماية حضرتك و حمايتي بيسمو (( بالمؤخرة )) كي تحمي المعسكرات من اي اعتداء تخريبي او من السرقات
الجيش عمال كل شوية يلاقي اما ملايين في الشوارع محتاج يأمنهم زي التحرير و الاسكندرية و السويس و محافظات مصر المختلفة
الجيش كل شوية يروح ببلاغ يمسك مجرمين و بلطجية في كل الجمهورية بلا اي كلل او تطنيش
الجيش كل شوية يخرج من (( حفرة يلاقي دحديرة ))
مظاهرات و اعتصامات في انحاء الجمهورية (( شيلو الوزارة )) يجري يعزز قوات علشان ميحصلش اي احتكاك او انفجار
شويتين يحصل تعديل وزاري (( لا لا احنا عاوزين شفيق نفسة ))
يجري تاني يأمن يتشال شفيق
يجي (( شرف )) طب احنا برضه هنروح التحرير نحتفل بشرف يجري يأمن و يعزز بالقوات علشان (( الملايين ))
لا لا احنا برضه هنفضل معتصمين (( يتحايل الجيش عليهم ))
ارجوكم دعونا نعمل لا لا احنا (( الثوار )) محدش يقدر يمشينا
الطامة الكبري
يحب الواد البت (( الله يلعنه و يلعنها )) يموت ناس من نفس الديانة بعد ان يتخانقو علي الثأئر من اللي غوي البت
شفت و الله حاجة غريبة (( المسيحيين مش هما اللي موتو الاتنين ))
بس ازاي البشوات يروحو يسيبو الحمار و يمسكو في البردعة (( من الجهل بعيد عنكو ماهي ناقصاهم )) يحرقو و يهدمو الكنيسة و بكل تبجح يقيمو الصلاة (( الغير مقبولة اقسم بالله )) علي انقاض الكنيسة
اجري يا جدع الحق يا عم نروح فين (( كان زمان المسيحيين بيروحو جري علي الاديرة او المطرانيات )) بس دلوقتي خلاص ده كان زمان
دلوقتي فيه (( ثورة )) يبقي جري يا عم علي التحرير
الحق يا جيش المسيحيين معتصمين امام التليفزيون
الحق يا جيش الملتحين رايحين عند مجلس الوزراء
الحق يا جيش فيه سرقة هنا و فيه سرقة هناك
الحق يا جيش فيه قطع طرق (( دائري - محور - اكتوبر ))
الحق يا جيش فيه اشتباكات علي الاتوستراد و القلعة
الحق يا جيش البلد (( ولعت ))
الحق يا جيش حدودنا بتنتهك
الحق يا جيش البلد (( اتوكست ))
ارجوكم تلحقوني لحسن انا ضغطي علي مع اني مخلص جيش من 98
(( كل مصر بالحدود باللي بيحصل في البلد دلوقتي ))
بيتم (( بنصف عدد الناس اللي كانو موجودين يوم جمعة الغضب ))
يعني لو العدد كان (( مليون )) فمصر ليس بها سوي نصف مليون مجند
ارجوكم بلاش كلمة فين الجيش دي لحسن بجد (( حراااااااااااااام ))
و ارجو محدش بقي ياخد من كلامي معاني غير حقيقية و يقول انتا كده بتتهم الثورة و معرفش ايه
ابداااااا و الله (( انا بتهم عدم ادراكنا فقط ))
لان اللي يعرف قدراته يجب ان يتحدث علي قدره
و لكم تحياتي

م.حاتم السباعي

+11111111111

المشاركة الأصلية كتبت بواسطة hagan

الاخ الكريم
الاحظ ان حضرتك بتؤكد في كل الاحداث ان ما يحدث من احداث
ترجع بسبب (( تدخل امن الدولة في كل الاضطرابات التي تحدث حاليا من اضطرابات تجتاح البلد )) و اشكر لحضرتك مساهمتك في تهدئة الاجواء حاليا
و يحضرني هنا نفس الموقف للناس اللي كانت ضد (( الثورة ))
في انهم بيرجعو كل من ينادي (( بالتغيير )) الي انهم ناس مندسين
من الخارج و خلافة
و اللي حابب الفت نظر حضرتك ليه
ان (( الشعب المصري )) الذي اشرف ان اكون منه للاسف من
(( 50 : 60 % )) من الشعب المصري (( غير مثقف ))
و عدم الثقافة دي بتشمل كل شئ سواء ثقافة (( دينية او عامة ))
و بالتالي فالازمات الحادثة دائما ما يشوبها (( العشوائية في التنفيذ ))
مش عارف هل استطعت ان اوصل فكرتي لحضرتك
فكرة (( كرة الثلج المنحدرة من التبة )) لا تأتي بثمارها الا في مجتمعات قليلة الثقافة و بتكثر فيها لغة (( البلطجة ))
و سواء كان النظام السابق هو السبب او ان الشعب كمان بيشترك معه في هذا بسبب ضعف النفوس و قلة الضمير المنتشرة
و اخيرا ليس كل ما يحدث سببه امن الدولة و لا القلة المندسة
انما (( قلة خبرة الشعب و جهل الشعب )) هم اساس كل فتنة تحدث في هذا الوطن العظيم
الذي يحتاج شعبه لمعيشة و تعليم و حياة افضل من هذا بكثير
و لك تحياتي

م.حاتم السباعي

المشكلة مش في أمن الدولة ولا أنصار النظام السابق المشكلة في ألي بيديهم فرصة يوصلو للغرضهم في أثارة الوقيعة والفتنة بين الناس لو تحققنا من كل خبر أو أشاعة وحكمنا المنطق والعقل قبل ما نتخذ ردت فعل عليها هانخليهم يحاربو طواحين الهواء...........ولا هايبقى ليهم أي تأثير على الأرض
سلاحهم في الوقت الحالي هو طيبة الشعب التي تصل في أحيان كثيرة الى الرغبة في تصديق الخبر اذا ماجاء على أهوائهم حتى ولو لم يكن من مصدر موثوق .