نقلا عن شهود عيان من هناك (نقلا من احاديث على التويتر) : اللي حصل ان مجموعات من البلطجية (و ليس الأهالي) هاجمت الزبالين و الأقباط اللي هناك , و الاشتباكات بين دول و دول
الاهالي هناك مسلمين و مسيحيين نزلوا لحماية بيوتهم
عرض للطباعة
نقلا عن شهود عيان من هناك (نقلا من احاديث على التويتر) : اللي حصل ان مجموعات من البلطجية (و ليس الأهالي) هاجمت الزبالين و الأقباط اللي هناك , و الاشتباكات بين دول و دول
الاهالي هناك مسلمين و مسيحيين نزلوا لحماية بيوتهم
الجيش لسا ذايع بيان حالا من شوية مع المذيعة لميس الحديدي بيقول انه تمت السيطرة على الموضوع ووجد قتلى وجرحى ولكن العدد لسة غير صريح ولسة ها يصدر بيان رسمي ولكن الحمد لله انه الجيش سيطر على الموقف ...
عارف من بدرى لكن مش عايز اقلق حد وان شاء الله الامور تعدى على خير
# عائلات ضباط امن الدولة المعتقلين يتظاهرون امام مقر مدينة نصر .. ولا يوجد بلطجية يعترضوهم .. اعتقد عرفنا مصدر البلطجية الوحيد
# الان مجموعة من البلطجية, امام اعمار في اول المقطم من فوق, يهتفون ضد الجيش, والثورة
# دعاء سلطان: في موضوع اطفيح ده المخابرات وامن الدولة ايد واحدة
# بلال: اشمعنى ده حصل في نفس اليوم اللي جاء فيه الدكتور عصام شرف، وفي نفس اليوم اللي تم التعامل فيه مع امن الدولة
جزاك الله خيرا ،،ن
بنقل من وراك ،، للتهدئة
# النهاردة في أعتصام جامعة القاهرة فى ناس دخلت بلافتات تحمل شعارات إخوانية، و لما واجههم طلبة الإخوان اكتشفوا أنهم ليسوا من اللإخوان أصلاً
الاخ الكريم
الاحظ ان حضرتك بتؤكد في كل الاحداث ان ما يحدث من احداث
ترجع بسبب (( تدخل امن الدولة في كل الاضطرابات التي تحدث حاليا من اضطرابات تجتاح البلد )) و اشكر لحضرتك مساهمتك في تهدئة الاجواء حاليا
و يحضرني هنا نفس الموقف للناس اللي كانت ضد (( الثورة ))
في انهم بيرجعو كل من ينادي (( بالتغيير )) الي انهم ناس مندسين
من الخارج و خلافة
و اللي حابب الفت نظر حضرتك ليه
ان (( الشعب المصري )) الذي اشرف ان اكون منه للاسف من
(( 50 : 60 % )) من الشعب المصري (( غير مثقف ))
و عدم الثقافة دي بتشمل كل شئ سواء ثقافة (( دينية او عامة ))
و بالتالي فالازمات الحادثة دائما ما يشوبها (( العشوائية في التنفيذ ))
مش عارف هل استطعت ان اوصل فكرتي لحضرتك
فكرة (( كرة الثلج المنحدرة من التبة )) لا تأتي بثمارها الا في مجتمعات قليلة الثقافة و بتكثر فيها لغة (( البلطجة ))
و سواء كان النظام السابق هو السبب او ان الشعب كمان بيشترك معه في هذا بسبب ضعف النفوس و قلة الضمير المنتشرة
و اخيرا ليس كل ما يحدث سببه امن الدولة و لا القلة المندسة
انما (( قلة خبرة الشعب و جهل الشعب )) هم اساس كل فتنة تحدث في هذا الوطن العظيم
الذي يحتاج شعبه لمعيشة و تعليم و حياة افضل من هذا بكثير
و لك تحياتي
م.حاتم السباعي
يارب الفترة دي تعدي على خير والاوضاع تستقر بقى
مؤامرة كاملة و واضحة المعالم
اتفق مع حضرتك في إحتياج الكثير من أبناء هذا الشعب لمزيد من التعليم و التثقيف و التنوير
لازم منخليش فعلاً فيه بيئة تسمح بنجاح مثل هذي المؤامرات
بس لغاية ما دة يحصل ......
وجب علينا حاجتين
أولاً : التثقيف و التنوير للناس البسيطة دي
ثانياً : السيطرة بأي طريقة على كلاب أمن الدولة في سبيل القضاء على مؤامرتهم الواضحة وضوح الشمس
على فكرة دة إلي شباب الثورة بيحذروا منه من أول يوم
اقتباس:
# كلمة السر فى احتجاجات الاقباط الطائفية فى منشية ناصر شحاتة المقدس رجل على علاقة وطيدة بالامن وكان بيشتم فى الثورةو رجالته ضربونا فى التحرير
اقتباس:
## معركة بينا وبين البلطجية فى التحرير
قال يسري فودة حالا ان الاشتباك في ميدان التحرير انفضاقتباس:
# البلطجية حاولوا يدخلوه التحرير من باب اللوق وطلعت حرب وكان معاهم كرات نار
كان فى بلطجيه ناحيه القلعه وناس كتير ماتت وسمعين ضرب نار ورا بعضه وعربيات اسعاف لصالح مين دول ياجماعه ؟؟؟ظ
بلطجية أمن الدولة
فيديو لهجوم ميدان التحريراقتباس:
نقلا عن تويتر :
رصد | الراصد opel tata :رصد مؤكد عاجل للنشر :/ الشباب في التحرير ينشرون المتاريس ويصدون البطلجية ويجبرونهم على التراجع وانتشار في ميدان التحرير ، والبلطجية يحاولون تجميع صفوفهم الآن ،
وفد من المعتصمين أمام الإذاعة يأتي لمساندة المعتصمين في التحرير ويهتفون " مسلم ومسيحي ايد واحدة
## اتصلت باتنين شهود عيان على اللي حصل في التحرير: المعتصمين طردوا الباعة الجائلين فالبلطجي اللي مسؤول عن البياعين قرر إنه ينتقم من المعتصمين
[youtube]http://www.youtube.com/watch?v=ftpnfJI-VjQ&feature=player_embedded[/youtube]
هو الجيش اختفى فين و الدبابات راحت فين ...ازى ساكتين على الفوضى دى
أنا مش فاهم الجيش ساكت ليييييييييييه؟؟؟؟؟؟؟؟؟؟؟؟
دي تبقى نكتة الموسم لو ده صح
اقتباس:
## اتصلت باتنين شهود عيان على اللي حصل في التحرير: المعتصمين طردوا الباعة الجائلين فالبلطجي اللي مسؤول عن البياعين قرر إنه ينتقم من المعتصمين
إزاي يعني ؟؟
ده ميدان التحرير أكثر حته مؤمنه في مصر
يا اخواني الافاضل
عمالين نقول الجيش فين الجيش فين
يا اخواني
الجيش موجود في كل انحاء الجمهورية
الجيش موجود علي حدود مصر المترامية الاطراف
الجيش لازم يسيب قوات في المعسكرات التي نزلت قواتها للشوارع لحماية حضرتك و حمايتي بيسمو (( بالمؤخرة )) كي تحمي المعسكرات من اي اعتداء تخريبي او من السرقات
الجيش عمال كل شوية يلاقي اما ملايين في الشوارع محتاج يأمنهم زي التحرير و الاسكندرية و السويس و محافظات مصر المختلفة
الجيش كل شوية يروح ببلاغ يمسك مجرمين و بلطجية في كل الجمهورية بلا اي كلل او تطنيش
الجيش كل شوية يخرج من (( حفرة يلاقي دحديرة ))
مظاهرات و اعتصامات في انحاء الجمهورية (( شيلو الوزارة )) يجري يعزز قوات علشان ميحصلش اي احتكاك او انفجار
شويتين يحصل تعديل وزاري (( لا لا احنا عاوزين شفيق نفسة ))
يجري تاني يأمن يتشال شفيق
يجي (( شرف )) طب احنا برضه هنروح التحرير نحتفل بشرف يجري يأمن و يعزز بالقوات علشان (( الملايين ))
لا لا احنا برضه هنفضل معتصمين (( يتحايل الجيش عليهم ))
ارجوكم دعونا نعمل لا لا احنا (( الثوار )) محدش يقدر يمشينا
الطامة الكبري
يحب الواد البت (( الله يلعنه و يلعنها )) يموت ناس من نفس الديانة بعد ان يتخانقو علي الثأئر من اللي غوي البت
شفت و الله حاجة غريبة (( المسيحيين مش هما اللي موتو الاتنين ))
بس ازاي البشوات يروحو يسيبو الحمار و يمسكو في البردعة (( من الجهل بعيد عنكو ماهي ناقصاهم )) يحرقو و يهدمو الكنيسة و بكل تبجح يقيمو الصلاة (( الغير مقبولة اقسم بالله )) علي انقاض الكنيسة
اجري يا جدع الحق يا عم نروح فين (( كان زمان المسيحيين بيروحو جري علي الاديرة او المطرانيات )) بس دلوقتي خلاص ده كان زمان
دلوقتي فيه (( ثورة )) يبقي جري يا عم علي التحرير
الحق يا جيش المسيحيين معتصمين امام التليفزيون
الحق يا جيش الملتحين رايحين عند مجلس الوزراء
الحق يا جيش فيه سرقة هنا و فيه سرقة هناك
الحق يا جيش فيه قطع طرق (( دائري - محور - اكتوبر ))
الحق يا جيش فيه اشتباكات علي الاتوستراد و القلعة
الحق يا جيش البلد (( ولعت ))
الحق يا جيش حدودنا بتنتهك
الحق يا جيش البلد (( اتوكست ))
ارجوكم تلحقوني لحسن انا ضغطي علي مع اني مخلص جيش من 98
(( كل مصر بالحدود باللي بيحصل في البلد دلوقتي ))
بيتم (( بنصف عدد الناس اللي كانو موجودين يوم جمعة الغضب ))
يعني لو العدد كان (( مليون )) فمصر ليس بها سوي نصف مليون مجند
ارجوكم بلاش كلمة فين الجيش دي لحسن بجد (( حراااااااااااااام ))
و ارجو محدش بقي ياخد من كلامي معاني غير حقيقية و يقول انتا كده بتتهم الثورة و معرفش ايه
ابداااااا و الله (( انا بتهم عدم ادراكنا فقط ))
لان اللي يعرف قدراته يجب ان يتحدث علي قدره
و لكم تحياتي
م.حاتم السباعي
م / حاتم ،،
كلامك سليم طبعا
الوقت الحالي ،،
أي فتنة بين الجيش و الشعب
و اي فتنة بين المسلمين و الأقباط
كارثة للبلد كلها
مع الأخذ في الإعتبار إن مفيش اي طرف ملاك
بس مش وقته ،،، خاااااااااااااااااااااااا ااااااااااااااااالص
صدق العقيد عمر عفيفي
لم يمضي 24 ساعة على تنبيهه بشأن اجتماع ضباط امن الدولة لادارة فتنة طائفية عمياء
الله يبارك في حضرتك يا استاذ احمد
و علي شان كده
انا بأطالب الشباب الثوار بما لديهم من امكانية عجيبة علي (( تجميع ))
الملايين في يوم و ليلة
ان يهبو لنصرة هذه البلد و الله مفاضل فيها حاجة
انا حاسس اننا بنلعب في الوقت الضائع
و ادينا بنهيج علي بعض و اصبح الشعب مثل القطيع
و الكلاب القنوات المغرضة (( بعد ما شعللتها )) جريت دلوقتي تشعللها في بلاد تانية لاننا بالنسبة لهم (( خلاص وقعنا ))
زي الشيطان لا يقترب ممن يجدهم في الخمارة او بيت الدعارة
انما بيروح يركب دماغ اللي معتكف في المسجد هوه ده (( هدفه ))
و احنا للاسف مصدقين نفسنا
و بنقول (( امن الدولة )) امن الدولة يا امن الدولة
ايه بقي ما نصحي لنفسنا و بلاش نضحك علي روحنا
امن دولة ايه
لازم دلوقتي الثوار (( و الشعب كله ))
يضحي علشان البلد
لا لحظر التجول
يرجع حظر التجول لحد 8 مساء
تلغي الدراسة حاليا و تعلق
يخرج المسلمين لحماية الكنائس و العكس
ارجو ان يسترها ربنا علينا
م.حاتم السباعي
يا بشمنهدس انا بتكلم عن التحرير مش بتكلم عن حارة فى قرية مجهولة ..التحرير محاصر بالجيش من كل ناحية من عند عبد المنعم رياض من عند التلفزيون من عند مجلس الشعب من عند السفارة الامريكية
انت لية كل مشركة ترد عليها بوثيقة طويلة عريضة ..ما احنا فهمين طبعا ان الجيش مش حيقدر يحمى مصر كلها هى دى حاجة محتاجة تفكير
انا بتكلم عن التحرير و دة مساحة كام الف متر ..يعنى يتحمى بمدرعة و وحدة صغيرة ...مش جيش ممكن يفتح القدس زى اللى موجود فى التحرير الان
فهمنتى لما بسأل الجيش فين بسأل لية
انا مستغرب اوي يا فندم من كلام عمر عفيفي ده
يعني هوه امن الزفت ده مفهوش مسيحيين خالص يروحو يفتنو لاهاليهم بأن هناك مذابح هتحصلهم
يعني الاخ عمر ده اطلع علي الغيب خلاص
و كان عارف ان بتوع الكنيسة هيروحو في التحرير
و هيروحو يقطعو الطرق شرقا و غربا
يعني هوه عمال يقول ثورة مضادة و عم بلال فضل هوه كمان
طب فين الحلول يا اخوانا
فين الخطط اللي كانت بتطلع بعد دقائق من خطابات مبارك
او اي خطاب لعمر سليمان ثم من بعدهم شفيق
فين يا اخونا يا مجاهدين خطتكم لوءد هذه الثورة المضادة
و لتجنيب الشعب الجاهل (( شغل امن الدولة )) اللي عمال يعمل اجتماعت و يخطط كما لو انه قاعد و له اماكن و جنود وو سائل اتصالات تحت الارض و وسائل لتجميع ناس (( مدنيين ))
يا اخي الكريم ارجوك ان نعقل ما يبث
و لك فقط جزيل تحياتي (( و عمر عفيفي لاء ))
م.حاتم السباعي
يعنى حضرتك عندك معلومات مؤكدة ان جهاز امن الدول توقف عن العمل تمام و ملوش اى يد فى اللى بيحصل ..طيب منين جيب المعلومات العظيمة دى انة مافيش اجتمعات و مخططا و جنود و وسائل اتصال ولا انت بتشوف الغيب ولا انت ضابط امن دولة سابق مثلا و عارف اللى بيحصل
ياريت انت تحترم عقولنا شوية و تفهم المخطط اللى بيحصل و بلاش حسن النية العجيب دة ..انت متخيل ان رجال اعمل و مصالح ناس بالملالين بتروح حيقفو يتفرجو و ميحولوش يضربو الثورة ازى يعنى ؟؟؟؟
و اية "شعب جاهل" دى ..انا من الشعب الجاهل دة الى بتتكلم عنة ..مصر مش شعب جاهل و جاهل اللى يقول علية كدة
كلام حضرتك صح 100%
اللي بيحصل دلوقت ان الناس كلها سايبة الاحداث وماسكة في الشماعات
حسني زفت ماهو كلنا عرفين انه زفت مش محتاجين واحد يقعد يحكي لنا ساعة عن الزفت اللي عمله
في مؤامرات ايوة فيه من الداخل ومن الخارج كمان
ولا كلنا نسينا ان فيه ناس خرجت من السجون
حافيين ومافيش فلوس ومافيش اوراق
وبهدوم السجن وبعد 4 ساعات اللي وصل غزة واللي وصل بيروت
واحنا يامصريين اللي مصر بلدنا اصلا في الظروف اللي كانت البلد فيها
مكناش عارفين نروح من محافظة لمحافظة
المهم انا بعت ايميل للجيش من شوية باقتراح وهو
وضع الامن المركزي بالكامل تحت تصرف الجيش
ماهو مينفعش يبقي عندنا مليون عسكري امن مركزي الداخلية مش عارفة تشغلهم
ويبقي افراد الجيش طالعين يجروا في الشارع شمال ويمين
واقترحت عليهم كمان ان عساكر الامن المركزي يوفروا لهم ملابس جيش بدل الزي الحالي علشان اي ضابط جيش يقدر يتحرك ب 100 عسكري بدل ما يبقوا عشرة من الجيش بس
وتوفير الملابس سهل بالنسبة للجيش
لان اللي دخلوا الجيش مننا عارفين كويس ان الجيش بيحتفظ بالمهمات العسكرية الخاصة بقوات الاحتياط لمدة 10 سنوات
لو كل معسكر امن مركزي حطو فيه ضابط عمليات وضابط اتصال من الجيش هيتوفر للجيش اعداد كتير من العساكر اللي مابتقولش لا
وفي ستين داهية وزارة الداخلية باللي فيها طالما مش عارفين يشتغلوا
بعد قراءة التعليقات ايقنت ان
مفيش فايدة !!!
على فكرة يا أخ هجان ، فعلاً أمن الدولة مافيهوش مسيحيين خالص لأن ممنوع تعيينهم هناك.
مع عدم الميل إلى ترجيح نظرية المؤامرة ..
طيب مهو نبه قبل موقعة الجمال والاحصنة وحصلت
وقال الحصان ب 200 جنيه وقال اسماء الممولين من رجال الاعمال وتواطؤ احمد شفيق في الموضوع
ونبه على موضوع القناصة وحصل
لكن محدش عل حاجة
حضرتك عايزه ينبه ويحط حلول كمان
حرام
احنا اللي المفروض نحط الحلول لاننا موجودين على الارض
بس ازاي ومحدش بيثق في كلامه رغم انه بيحصل بالحرف
السلام عليكم
انا اسف للاخ (( wawoo ))
ربنا يهديني و يهديك
و يعز مصر و يخرجها من ازمتها
و اعتذر مرة اخري علي دعائي علي حضرتك
ربنا يسامحنا جميعا
م.حاتم السباعي
ربنا يخلصنا من الناس دي مع إني مش مؤمن بنظرية المؤامره إلا إن فيه إيد خفية بدأت تلعب لعبه قذره خصوصا مع تولي شرف رئاسة الوزراء
اخي الكريم
انا مش عاوز اتكلم كتير و كأني عاوز اقنعك او افرض عليك و جهة نظري
انا لي رأي في اي انسان يهرب من بلده بسبب العنف الذي يمارس ضده ثم يذهب لبلد تعتبر (( من اكبر اعدائنا )) كي يحتمي بهم
و هوه هوه نفس الشخص ده اللي قلع جزمتة و يمكن بنطلونه في مطارهم علشان يخش يحتمي عندهم من (( الطاغية حليفهم ))
هوه هوه نفس الشخص اللي بيتهم مبارك بأنه عميل
امال هوه بالتصرفات دي يبقي ايه
عموما يعلم الله ما لا اعلم
مهو يا فندم لازم احنا كمان نوزن الامور كويس
اللي في التحرير من المعتصمين حوالي كام مثلا (( 2000 )) شخص
لو حضرتك عاوز تبعت لهم ناس و الناس دي مأجورة هتبعت لهم عدد اقل منهم
و لا بالعقل كده اما ابعت (( مثلهم او اكثر )) في حين ان ذلك لا يحدث ابدا يعني انا كل مرة ابعت ناس علشان يضربو طبعا الموضوع كده ميخشش العقل
و لو تتبعنا و صدقنا السبب المعلن حتي الان عن سبب المشكلة
سنجد ان الاحتكاك حدث بين المعتصمين و بين الباعة الجائلين حينما تم طردهم من الميدان بشهادة المعتصمين
و هي استغرقت حوالي نصف ساعة ممكن اوي علي ما العساكر حركت الدبابات يكون الميت صحي
و طبعا هذا غير متعمد من الجيش اطلاقا و الله علي ما اقول شهيد
خالص تقديري
م.حاتم السباعي
الاخ الكريم المهندس حاتم السباعي
اختلف معك في وجهة نظرك لما يحدث و مع الاخوة الذين اثاروا نقطة ان امن الدولة اصبح شماعة
نقرأ سويا الخبر ده و بعدين اطرح سبب اختلاف وجهات النظر
ط£ظ‚ط¨ط§ط· ظ…طھط.ط¯ظˆظ†: ظ…ط®ط¨ط± ط¨ط£ظ…ظ† ط§ظ„ط¯ظˆظ„ط© ط.ط±ط¶ ط¹ظ„ظ‰ ظ‡ط¯ظ… ظƒظ†ظٹط³ط© ط£ط·ظپظٹط. ظˆط¥ط´ط¹ط§ظ„ ط§ظ„ط£ط.ط¯ط§ط«اقتباس:
كشف موقع أقباط متحدون عن أسماء مجموعة من المواطنين اتهمهم بالتورط في أحداث هدم وإحراق كنيسة الشهيدين “مار جرجس ومار مينا” بـ”أطفيح”, وقال الموقع إن بين المتورطين مخبر بأمن الدولة يدعى فتحي أبو خطاب وهو من قام بتحريض باقي المتهمين على مهاجمة الكنيسة .
وأوضح الموقع أن أهالي المنطقة كشفوا له أسماء المتورطين في الأحداث و الذين ظهروا في الفيديو الذي يوثق للأحداث, وهم 19 متهماً, على رأسهم مخبر أمن الدولة المتهم بالتحريض.
من جانبه قال احد القساوسة للتليفزيون المصري أمس أنه قد تم الصلح بين عائلة الفتاة المسلمة والشاب القبطي الذين ترددت أنباء عن وجود علاقة بينهما قبل الأحداث بيوم واحد لكن أشخاص أغراب تدخلوا لإقناع الأب بعدم الصلح وعدم قبول ما حدث وبعدها فوجئ الجميع بقتل والد الفتاة وابن عم الشاب وهو ما أشعل الأحداث .. وقال القس إن ما يتردد حول العلاقة بين الشاب والفتاة تم ترديده من قبل وهو ما يثير الريبة حول توقيت اشتعال الأحداث.
*نقل عن (البديل )
اتفق معك ان هناك نسبة كبيرة من الجهل و العشوائية في المجتمع
لكن الفكرة من تحذيرات العقيد عفيفي و تحميل البلطجية و امن الدولة و فلول الحزب الوطني و رجال الاعمال الفاسدين مسئولية ما يحدث من فتن و تظاهرات فئوية و تعطيل للانتاج و تاخير لانتشار الامن في الشارع
هو تثقيف الناس بان هناك من يسعي للاثارة و الوقيعة بين طوائف الشعب و ان كل ما يقوم به هو فقط اشعال الشرارة ثم يقف يتفرج علي كل ساذج و هو ينقاد خلف هذه الشرارة و يحولها الي حريق ياكل الاخضر و اليابس
اذا الفكرة هي التحذير من المخطط قبل حدوثه و توعية الناس بالتعامل معاه بوعي اكبر
و اري ان الافضل للتعامل مع هذه المواقف هو تجاهلها و ليس التصدي لها ، لان - كما ذكرت حضرتك - نحن مدنيين عشوائيين لو حصلت المواجهة لا يمكن ان تأمر الناس ان يتراجعوا و ينسحبوا فينسحب الجميع لكن ستجد كل واحد عجباه دماغه و بيتصرف بمزاجه
اذا الغرض هو التوعية و ليس التخويف و الرعب او القاء التهم علي جهات افتراضية
لان جهاز امن الدولة مازال يعمل و ان كان بشكل اقل كفاءة و يجب علينا الاتحاد ضد كل هذه المخططات و احباطها في مهدها
انا مؤيد يشده لنظريه ا لمؤامره خاصتا بعد ما بقينا نعرف امن الدوله بيشتغل ازاى
ديه طريقتهم يؤيد ده
ناس تمشى فى الشوارع تضرب نار فى الهوا ...
ناس بتروح تقف عند المدراس للارهاب .........
ايه دول حراميه ولا هبل ولا عاوزين يخوفوا الناس والسلام
اعتقد ان هدفهم بوضوح هو تخويف الناس
الله اعلم , الأوضاع دلوقت أشبه بحرب بين الشعب و فلول النظام السابق للسيطرة على البلد
لا فيه ان شاء الله , صحيح انا قربت يجي لي الضغط برده , بس عادي احنا مش عايشين في المدينة الفاضلة ولا في ناسا
الاهالي امبارح كشفوا عن ان اللي أفسد جلسة الصلح و حرض الناس على الهجوم على الكنيسة كان مخبر امن دولة ......... اظن وضحت