أسألتى كتير شويه عشان العربيه لسه جايبها معلش استحملونى :(

السلام عليكم
انا لسه جايب ابيزا 94 وفى اسئله بصراحه محيرانى نفسى حد يجاوبنى عليها ومالقتش احسن من المنتدى ده :S_thum1[1]:
1- المارشدير بييجى تقريبا بعد رابع او خامس مره ف مش عارف العيب ف انى مش واخد عليه لسه ولا فى مشكله ف الفتيس؟ مع العلم ان الغيار الاول لحد الخامس زى الفل.
2- الكساحات اللى من ورا لما جبتها كانت سليمه وشكلها لزيز بس انا خبطت ف رصيف مرتين ( بسوق بقالى اسبوعين عشان محدش يتريق :D:36_2_49[1]: ف شكلها اتدهور ع الاخر ف عايز اغيرها لو حد يعرف السعر كم ومنين .
3- صوت الماتور بحس انه عالى وفى ناس بتقولى هى الابيزا كده صوتها كأنك مركب ديفل ف مش عارف الكلام ده صح؟
4- فرش العربيه حالته مش ولابد ف كنت عايز اغرف الفرش كامل بكم ومنين.
5- اماكن .. التوفيقيه والحرفيين بالتفصيل . وسمعت ان التوفيقيه نفس شارع دمشق بالظبط بس ارخص .. ايه الكلام ده؟
6- قطع الغيار اجيبها استيراد احسن؟ وايه الفرق ؟؟
أيه رأيكوا ف الاسئله القليله دى؟ :P:U_thin1[1]:
7- دواسه البنزين ساعات بلاقيها ساقطه بس غالبا مش بيحصل كده الا لما اكبس بنزين جامد وانا بركن عشان زى ماقلتلكوا لسه جديد ف السواقه ف انا عملتها كزا مره بس بتسقط تانى وميكانيكى عاملهالى وبرضه سقطت ف مش عارف الحل ايه؟ هو الموضوع مش مضايقنى اوى لان كل فين وفين لما بيحصل ده ومش ع الطريق كمان ده وانا بركن بس وحاجه تانيه ف دواسه البنزين انها مش ف نفس مستوى الدبرياج والفرامل يعنى الدبرياج والفرامل ف نفس المستوى ودواسه البنزين نازله شويه عنهم.. ايه الحل؟

يا باشا مبروك على العربيه الاول وربنا يكفيك شرها يا رب ويستر طريقك
اما بالنسبه للاسئله الى انتا بتتكلم فيها فكلها منطقيه للى اول مره يجيب ابيزا بص بقى يا سيدى
1 - المارشدير هوا بيبقى سوسته لتحت حته صغيره قوى وبعد الغيار الاول على الشمال يعنى تسحب ااخر الشمال وانتا بتجيبو وهتتعود عليه
2- الكساحات اولا هيا بتترش عند البوهيجى بماده زى البلاك محببه شويه ولو فيها اى كسور بتتلحم ولو فيها اى اعوجاج بتتعدل ولما بتترش مش بتبان علشان المحبب ده بيدارى العيوب وبيبقى قوى شويه بالنسبه للبارومه والحاكات
3- هوا الماتور الى فى عربيتك كام cc وعموما انا عن نفسى مشوفتش ابيزا صوت الماتور بتاعها مش عالى ومتهيئلى انها لذيذه مش وحشه
4- فرش العربيه حضرتك بالنسبه للتوفيقيه بيعمل حوالى 100 جنيه ولو هتفصل بيكلف من 600 الى 1000 جنيه لو هتعملو جلد بس التوفيقيه مش وحش وشكلو كويس جدا بالنسبه لسعرو
5 - التوفيقيه لو مش عارف مكانها تعرف دار القضاء العالى لو وصلت هناك خلى دارى القضاء العالى على يمينك وامشى تالت شارع تقريبا على الشمال ومعروف قوى ــ اما الحرفيين فمش هعرف اوصفهالك الا لما اعرف انتا ساكن فين علشان اقولك هتروحها ازاى
6- قطع الغيار مينفعش اقولك هاتها استيراد او جديده علشان فى حاجات لازم تجيبها جديده وحاجات تانيه استيراد فيها بيبقى احسن وخصوصا فى قطع الغيار الجديد احسن فى معظم الحالات
7 - دواسة البنزين طبيعى جدا فى الابيزا وفى كتير من العربيات انها بتبقى نازله شويه عن الفرامل والدبرياج والصراحه انا مش فاهم انتا عاوز ترفعها ليه

انت راجل تمام والله والف شكر وبالنسبه ل أستفساراتك:
1- انا عارف اه ان المارش سوسته لتحت ولفوق زى الاول كده بس طبيعى انه ييجى معايا من رابع مره مثلا؟ يعنى هى مسأله تعود؟
3- الموتور 1300 والصوت لزيز اه بس أنا كنت عايز اعرف ده طبيعى ولا لا وانت قلتلى طبيعى الف شكر
4- اه 100ج فعلا قليل انا اتوقعت اكتر من كده بكتير
5- التوفيقيه تقريبا عرفتها من وصفك اللى زى الفل :d وانا ساكن ف فيصل
6- بالنسبه ل قطع الغيار بقى لما احتاج حاجه هبقى أسأل هنا ف نفس الموضوع وانت تقولى بقى :)
7- انا مش عايز ارفعها عادى مش مشكله بس هى كده طبيعيه؟ وحكايه انها ساعات بتسقط منى وكده ... بيتهيألى ده مش طبيعى صح؟

مبروك العربية ياباشا ربنا يديك خيرها ويكفيك شرها طبعا ان الدواسة تسقط ده مش طبيعي اهم شيء تتعامل مع ميكانيكي متخصص فولكس سيات وكده عشان بيبقي خبرة ويريحك ان شاء الله عموما لو المشكلة فسلك البنزين يتغير او يتصلح علي حسب مايشوف الميكانيكي لو طقم دواسات يتجاب استيراد وكده وسلك البنزين تلاقيه استيراد واكيد في جديد بس يكون نظيف وكده ملقتش يبقي استيراد وغالبا حالته بتكون نظيفة ان شاء الله

بيتهيئلي كل اسئلتك رد عليها الزملاء ولو محتاج جديد فيها قول
ولكن لي تعليق واحد فقط علي المارشيدير (الغيار الخلفي) معني انه مش بييجي معاك من اول مرة ده مش طبيعي وحله انك تخلي ميكانيكي يظبطلك مستوي دواسة الدبرياج عشان نقطة الفصل والتوصل للحركة تكون تقريبا في منتصف مشوار الدواسة ووقتها هتلاقي المارشيدير ييجي معاك بسهولة ان شاء الله

اقتباس:

---

المشاركة الأصلية كتبت بواسطة ehab_mansour

بيتهيئلي كل اسئلتك رد عليها الزملاء ولو محتاج جديد فيها قول
ولكن لي تعليق واحد فقط علي المارشيدير (الغيار الخلفي) معني انه مش بييجي معاك من اول مرة ده مش طبيعي وحله انك تخلي ميكانيكي يظبطلك مستوي دواسة الدبرياج عشان نقطة الفصل والتوصل للحركة تكون تقريبا في منتصف مشوار الدواسة ووقتها هتلاقي المارشيدير ييجي معاك بسهولة ان شاء الله

---

ايهاب باشا حمدلله عالسلامة في معلومة عرفتها بالنسبة لسلك الدبرياج عرفت انو السلك الاوتوماتيك سموه كده لأنه الدواسة بتعلي كل ماعمر الاسطوانة والديسك يقل يعنيمينفعش ميكانيكي يظبطه هو بيتظبط لوحده وده حصل معايا واللي موجود ف94 المكنة ال1300 مش اوتوماتيك الميكانيكي ينفع يرجلشه عادي

اقتباس:

---

المشاركة الأصلية كتبت بواسطة windsofchange

ايهاب باشا حمدلله عالسلامة في معلومة عرفتها بالنسبة لسلك الدبرياج عرفت انو السلك الاوتوماتيك سموه كده لأنه الدواسة بتعلي كل ماعمر الاسطوانة والديسك يقل يعنيمينفعش ميكانيكي يظبطه هو بيتظبط لوحده وده حصل معايا واللي موجود ف94 المكنة ال1300 مش اوتوماتيك الميكانيكي ينفع يرجلشه عادي

---

اولا بيك ايهاب بك الحمد لله علي كل شيء
بخصوص السلك الاوتوماتيك ما اعرفش عنه حاجه لأني ما جربتهوش قبل كده ولكن حسب ما قرأت عنه هو بالضبط زي ما نت قلت
لكن العادي بيظبط وبيعلي وبيوطي عادي جدا وانا اخر مرة انا اللي ركبته وظبطته لأنه من ناحية الدواسة ثابت في نهايته بلبلة عشان يتركب في الدواسة ولكن من ناحية الفتيس فنهايته مسسنة بطول حوالي 10 سم وبعدين وردتين وصامولتين عشان تقرب وتبعد لحد ما تظبط معاك تقوم تربط الصامولتين علي بعض كويس عشان ما يتغيرش موضعهم مع الحركة

يعني من الأخر بيتظبط عادي

بس انا وديت العربيه ل واحد متخصص ف الفتيسات :d
يعنى اكيد عايز يشتغل وقالى مافيهوش حاجه حتى بص وجابه من اول مره ورجعه تانى وجابه تانى من اول مره برضه وانا بدأت اجيبه من اول او تانى مره بالكتير بس المشكله بيبقى فى صوت كده غريب كأنه بيحك ف حاجه ف انا مش عارف الصوت ده غلط ولا عادى؟

اقتباس:

---

المشاركة الأصلية كتبت بواسطة akteb

بس انا وديت العربيه ل واحد متخصص ف الفتيسات :d
يعنى اكيد عايز يشتغل وقالى مافيهوش حاجه حتى بص وجابه من اول مره ورجعه تانى وجابه تانى من اول مره برضه وانا بدأت اجيبه من اول او تانى مره بالكتير بس المشكله بيبقى فى صوت كده غريب كأنه بيحك ف حاجه ف انا مش عارف الصوت ده غلط ولا عادى؟

---

الصوت ده ممكن يكون من الاتياش اللي بتوصل عصاية الفتيس بالفتيس علي مااعتقد تكون الاتياش دي بتخبط في المصفحة وهي صاجة كده بتبقي فوق ماسورة الشكمان من الامام تقريبا بتعزل سخونية الماسورة والعلبةالامامية وعلبة البيئة تقريبا عشان متخشش عندك الصالون ممكن تكون الصاجة مش مستعدلة صح وممكن تستعدلها بايدك افتح الكبوت وناحية الفتيس كده بص ناحية صدرالعربية اللي وراه التابلوه بس من تحت هي بتبقي باينة متهيألي ممكن تلاقيها عايزة تستعدل وبتتعدل بالايد عادي بس تكون ماسك قماشة معرفتش خلي بتاع شكمانات يبصلك عالعربية من تحت الجزء الامامي متهيألي لو ركزت هتلاقي الصوت جاي من عصاية الفتيس اكنه من تحتيها يبقي كلامي صح

اقتباس:

---

المشاركة الأصلية كتبت بواسطة akteb

بس انا وديت العربيه ل واحد متخصص ف الفتيسات :d
يعنى اكيد عايز يشتغل وقالى مافيهوش حاجه حتى بص وجابه من اول مره ورجعه تانى وجابه تانى من اول مره برضه وانا بدأت اجيبه من اول او تانى مره بالكتير بس المشكله بيبقى فى صوت كده غريب كأنه بيحك ف حاجه ف انا مش عارف الصوت ده غلط ولا عادى؟

---

طيب كان نفس الصوت بيحصل لما الميكانيكي جربها ؟
لو فعلا كان بيحصل يبقي لازم يتظبط وهو كبر دماغه
ولو ما حصلش الصوت معاه يبقي هو بيدوس علي الدواسة للأخر صح وانت ممكن ما تكونش بتدوس عليها كويس (يعني نصف المشوار او اكثر مش لأخره)يبقي المفروض لما تيجي تنقل وخاصة لما تيجي تدي المارشيدير يبقي تدوس كويس قوي وللأخر عشان يحصل فصل صح للحركة

لو عايز ميكانيكي فولكس متخصص ، هو غالي شوية بس محترف فولكس في فيصل
ادخل دخلة النفق بعد المريوطية هتلاقيه علي شمالك بعد حوالي 500 متر وبعده بشوية عند بتاع البي ام هتلاقي واحد بتاع قطع غيار استيراد متخصص فولكس وابيزا وبولو