الموضوع: خبطت واحده امبارح..بس الحمد لله ربنا ستر

امبارح كنت نازل مع ابن عمي و واحد صاحبنا نشوف عربيه...
المهم كان ربنا بينبهنا اننا منروحش....
اولا ماشي من غير بنزين و مش لاقي بنزينه طول الطريق
ثانيا العنوان الراجل مديهولنا غلط....مش عارف ازاي واحد مش عارف عنوان بتهم
اعدنا نلف كتير و كل شويه نسأل.....لحد ما قل لنا الشارع ده عند محل كباب..
و كان الحته زحمه اوي و تقرف....
و كنا بنتكلم في السكه و مش واحدين بالنا من المحل...
فكل شويه نعدي المحل و نروح نلف و نرجع تاني....
عدينا من عند المحل يجي تلات مرات....و مش واخدين بالنا لأن الشارع واقف و بنتكلم...
المهم علشان مطولش عليكوا....بعد كل ده و دخلنا الشارع و مشينا كتير ...كلمنا الراجل قال لنا لأ مش هو ده الشارع
مع انه قايل اسم الشارع و كنا فيه....(راجل بجد شكله اهطل)
و احنا رايحين للعنوان التاني ...(اللي شكله غلط هو كمان)
كان في شارع زحمه و رايح جاي...و كان في بلاعه عاليه في نص الشارع..
رحت واخد شمالي علشان افاديها...لأقيت نص نقل غبي شايفني بفادي البلاعه...رايح كابس عليا في الوش
رحت طبعا زودت بنزين و حادف يمين....رحت خبطت واحده من الجنب ..بس الخبطه خفيفه...
رجليها اعتقدت نزلت علي الكاوتش
نزلنا لقيناها عماله طعيت....اخدناها علي المستشفي...قالوا الدكتور مش موجود
رحنا مستشفي تانيه و عملنا اشعه قالوا الحمدلله سليمه و انه مجرد مزق في الاربطه....و توعد شويه في البيت و هي تكون كويسه
عملنلها جبيره و جبت الادويه اللازمه ....
كانت البنت هي وواحده صاحبتها....و مستواهم علي قدهم ...و دماغهم برضوا:(
كل ما تيجي تكلمهم في البيت ....تقولهم ...
ما فيش حاجه .....دا بس عربيه داستها :o انا قلت هتودينا في داهيه بالكلمه ديه:)
و احنا بنوصلها في الاخر قلتلنا....نزلوني عند المحطه...اصل ابويا عصبي اويــــــــــــــــــــــ ـي
انا قلت دي شكلها سنه سوخه:(
قلنا مافيش مشاكل نقابله و نكلمه....بس هي الحمد لله اصرت اننا نمشي :)

العبره من الموضوع....ان لما يكون في حاجه الواحد بيعملها و الدنيا مقفلها...علشان مش خير
مايوعدش يعافر ....و الا لازم يعملها!!!!
ده كان تنبيه من ربنا .....شكلها العربيه كانت مقلوبه و مقسومه نصين و ملهاش ورق :)

و اسف علي الاطاله

قدر الله و ما شاء فعل هو على كلامك انت مش غلطان لأن بتاع النص نقل اللى ربنا بإذن الله يخلصنا منهم كلهم قريب هو اللى غبى و خلاك تعمل كده المهم طبعا حمد الله على سلامتك و كتر خيرك على اللى انت عملته مع البنت فى ناس كتير غيرك كانوا ممكن يسيبوها و يمشوا



سؤال رخم بقى فى الاخر اللى انتوا بعدد ده كلوا رحتوا تشوفوا العربيه و لا لأ :d