ماذا يمكننا عمله لمكافحة السير عكس الإتجاه الذي أصبح مستفز جدا

**semsem67** · 09-03-2011 02:50 PM

السير عكس الإتجاه كلنا بنعاني منه وممكن يكون السبب في حوادث كثيرة دا غير تعطيل الناس كما يعتبر اغتصاب لحق الغير في الطريق وللأسف منتشر في شوارع مصر كالسرطان وكلنا بنشوفه وكان بيحصل تحت سمع وبصر رجال شرطة المرور- من أيام ما كان فيه رجال مرور- تخيلوا : ميدان تريومف بمصر الجديدة لا يعترفون بالصينية علشان يدخلوا الشوارع المتفرعة منه ولكن الناس بتدخل من أي شارع للتاني بالعكس كل دقيقة .
أنا بدعوا الإخوة الأفاضل في المنتدى لمقاومة هذا السلوك واللي عنده اقتراح إيه اللي ممكن نعمله يتفضل يقوله ، وأنا باقترح:

أولا :أن كل واحد فينا يبدأ بنفسه و ميعملش كدة
ثانيا : أن يتمسك كل واحد بحقه إذا وجد سيارة مقابلة أمامه ماشية بالعكس ويصمم سائقها إنه يوسع له علشان يعدي فتكون النتيجة أن اللي ماشي بالعكس يعدي الأول وبعدين اللي ماشي صح !!!!! إن التسامح الزائد لدينا تجاه هذا السلوك هو اللي خلى الناس كده .أنا شفت بعيني في شارع عبد الله أبو السعود ثلاثة عربيات ملاكي بيرجعوا بطول الشارع (وهم ماشيين صح) علشان ميكروباص يمشي بالعكس!!!!!!!!

**FunnyMickey** · 09-03-2011 03:04 PM

اعتقد الحل الوحيد لمثل هذه التجاوزات
استخدام القوه

5 شباب يقفوا في الميدان لتنظيم المرور
والمخالف يعامل بالقوه

ده رأيي صراحه لان الموضوع زاد اوي عن حده
وخاصه من سائقي الميكروباص