الموضوع: اقتراح للجيش باصدار امر عسكري بمنع التظاهر نظرا للظروف التي تمر بها البلاد

بصراحة ده احسن حل لعدم اثارة الفتن

المشاركة الأصلية كتبت بواسطة wawoo

التظاهر حق اصيل من حقوق الانسان مادام تظاهر سلمى ..مافيش حاجة اسمها امر عسكرى بمنع التظاهر

اهم اهداف الثورة هى اطلاق الحريات السياسية مش بعد كل دة نستبدل الحزب الوطنى بالمجلس العسكرى
و ما تمر بة البلاد هى ظروف طبيعية جدا لمثل هذة المرحلة

الاقتراح مش فى محلة على الاطلاق

الحق الأصيل اللى بتقول عليه لما تكون الأوضاع عاديه
مش فى حالة الأنهيار اللى البلد فيها
وعلى كده المجموعه اللى طلعت النهارده على ميدان التحرير وحصل خناقه مع المعتصمين يبقوا على حق ودول طلبة جامعه مش بلطجيه

فى اوروبا وأمريكا التظاهر حق أصيل فى مكان محدد لايعوق حركة المرور ولا يسبب أذى نفسى لأى مواطن

لكن لو واحد من المتظاهرين مد رجله شبر واحد بره المنطقه المحدده أو سبب أذى نفسى لحد بيحصل فيه أوسخ من اللى بيعملوه أمن الدوله

انا مع القرار ده

بصراحة الاصل فى الموضوع ان التظاهر السلمى بدون مكبرات صوت او تعطيل المرور حق اصيل
لكن انا ملاحظ اليومين دول الموضوع بقى عاطل على باطل هل ممكن نقول ان الفترة دى استثناء
ولا هنفضل طوارئ 30 سنة اخرى
انا راجعت نفسى فى المشاركة الاولى
الديمقراطية لازم نتعلمها بالممارسة
خلينا نبتدى نتكلم عن قواعد التظاهر السلمى اللى ما يعطلش حد
مش ابو ميكروفون وشغال شوفوا الفضايح والكلام ده ويقفل الشارع
يعنى انا بطالب بالتنظيم ووضوع قواعد للتنظيم مش المنع

معاااااااااااك
احنا زى الى طالع من القاهره عاوز يروح اسكندريه
بس ماشى 180 ..الاسم انه مستعجل .وهو فاكر انه صح ..بس للاسف هيعمل حادثه و مش هيوصل و هيخسر كل حاجه

المشاركة الأصلية كتبت بواسطة khaled ayman

معاااااااااااك
احنا زى الى طالع من القاهره عاوز يروح اسكندريه
بس ماشى 180 ..الاسم انه مستعجل .وهو فاكر انه صح ..بس للاسف هيعمل حادثه و مش هيوصل و هيخسر كل حاجه

تصدق تشبيه جامد جدا
معاك ومش بشده لا بشدتين كمان

التظاهر السلمي لا يكون بقطع الطرق الحيويه واثارة البلبله الطائفيه واضرابات عن العمل اتخذها ضعاف النفوس وفلول النظام السابق المتضررين بماحدث وسيحدث لهم من مكتسبات الثوره التي بذل الشرفاء الانقياء الذين قاموا بالثوره النقيه ارواحهم ودماءهم للحصول عليها....